Efesus 5:2 - Buka Blahi Ka Cheke Holo

² Ghotilo mala biꞌo nomi namha na jateula Kraes eghu ka nagnafamire. Eigna mana namha ghita fara neke snakreni thegna neke lehe eida tahati jateula kaisei fafara te keli tagna God. Jateula mare te fafara nafnahi ka mana te sisiri keligna nei gleꞌani mana teu ia eghu.

Efesus 5:2 ပူးပေါင်းရင်းမြစ်များ

Jone 13:34

“Eghume, iara na tusu ari kaisei vetula majaghani ka ghotilo: ‘Fari namhai jateula ngau iara te namha ghami ghotilo.

Galesia 2:20

Faꞌunha? Eigna iara jateula tela lehehi eghu balugna mae Kraes ke kligna gaju fafatha. Neubane eghu ngau, iara karhau ngala naugna mae Kraes te au ke lamnagu iara. Iara fatutuani ni mae ihei teke namha ghau iara nei lehe tughu ghau iara.

Kolose 3:14

Eghuteuna baludi puhi te keli igre, glepo te ulu na ghotilo mala famane namhadi keha naiknore. Naugna u namha gne ngala te tangomana te kafe loku fodu ghami ghotilo ka naꞌau fodu te doglo na.

Fapea Korin 2:15

Ghehati na jateula nogna insens Kraes eghu mala kilo fnaknoni God ke lamnadi iheire God teke fakarhidi nei iheire te snivi fabrahu.

Taetus 2:14

Mae Jisas Kraes neke snakreni thegna mala lehe tughu ghita tahati nei neke hata fajifla ghita kau nakhibo. Nu mana neke hata fadeleidi nakhiboda tahati re, mala tangomana tahati nogna naikno mana re te magnahaghe edi fara unha glepo te magnahaghedi mana re.

Ululahu Korin 16:14

Gobigna lepo te edi ghotilo re mala jifla mei ka nomi namha na.

Matiu 20:28

Jateula tuana eghu iara mae teke mei funu ka God, iara theome mei mala loku ranghi ghau naiknore neku. Nu iara gne mei mala loku ranghidi mare nei snakre ghau thegu mala lehe mala fofoli nakhibodi naikno te kmanare.”

Ululahu Pita 4:8

Kaisei glepo te mala eni ghotilo te ulu fara ka gobigna lepore na igne, thofno fari namhai. Naugna puhi te fari namhai igne tangomana ghotilo te hata koko fari themi nakhibo te kmanare.

Fapea Korin 8:9

Ghotilo laseni nogna khokofakasai noda Lord Jisas Kraes. Ghotilo laseni eigna mana kaisei mae dedei fara kligna na, nu malami ghotilo mana neke fakumani thegna. Mana neke au jateula kaisei mae te kuma neku ka nauthoglu igne mala tangomana ghotilo te mala naikno dedei kligna na.

Ululahu Jone 3:16

Ka igne te laseni tahati eigna u namha na: Mae Jisas neke lisa soru nakarhagna na malada tahati. Eghume tahati jaola nabada te lisa soru nakarhadare maladi kherada fofodu!

Jenesis 8:21

Lord ne gnanghini u fafara te famane sisiri keligna igne ne keli tagna fara ne cheke eghu, “Iara ginauna nake theome goigoni u nauthoglu igne ke tughugna puhi diꞌa teke edi naikno igre neuba iara kulu lasedihi naikno igre neke diꞌa neke mei ngala funu suadi. Nu iara ginauna nake theome goigonidi gobigna lepo te karha ka nauthoglu na igre jateula te eni iara gognaro gne eghu.

Thakle 1:5

Eghuteuna khokofakasai nei pharikeli teu igre jaola mei funu ka mae Jisas Kraes mae ihei teke toutonuni chekegna God na ka thofno puhi te tutuani fabrahu tifa tifa. Mae ihei teke kulu karha fapulo kau glehe, nei au nolaghi ke klignadi hatimare mae king te gnafa ka nauthoglu igne. Mana namha ghita fara, nei lehe jateula kaisei fafara mala foli fajifla ghita gnafa ka nakhibo.

Hibru 9:26

Jame theome eghu na mana jame au papara kmana fata funu ka vuvuhagna God u nauthoglu igne! Nu mana fathakleni thegna ka nauthoglu igne kaisei fata kolho, ka narane nate theome raugha te gnafa nauthoglu igne. Mana ne fafara thinigna thegna na mala hata fadelei nakhibodi naiknore.

Hibru 9:14

Nu dadaragna mae Kraes na au nolaghi biꞌo fara uluni igne te mala fagae ghita na. Mana neke atha thinigna thegna na mala eni kaisei fafara te klino tughu ghita ka nogna nolaghi mae Tharunga te Blahi te karha fabrahu. Naugna igne dadaragna mae Kraes na ne fagaedi nagnafadare mala theome eni tahati kaisei glepo te batu ghita kau glehe, nu tahati mala loku ranghini God mae te karha.

Ululahu Timoti 2:6

Mana snakreni thegna mala lehe mala tangomana te foli fajifladi naikno fateote'o ka nogna nolaghi nakhibo. Mae Jisas ngala kaisei fagaglana God te magnahaghei fakarhidi naikno te gnafare. Eghuteuna fagaglana tuana mei ka thofno nogna narane na.

Efesus 4:15

Theo! Tahati mala cheke ranghidi kheradare unha te tutuani nei doglo balu namha, mala tangomana tahati te thofno kotu haghe te mala kaisei balugna Kraes mae ihei te pha'ugna khiloau.

Ululahu Jone 3:23

Mana cheke faheta ka tahati mala fatutuani ni Thugna, Jisas Kraes, nei fari namhai jateula te chekeni mae Kraes.

Ululahu Timoti 4:12

Theome keli kaisei naikno jateula kaisei fiti mae kolho iagho teu te theome leghudi nou cheke iagho re naugna iagho kaisei mae majaghani. Iagho mala baubatuni puhi te keli na ka naiknore, ka chekemu ba ka nakarhamu, ba ka nou namha, ba ka nou fatutuani ba ka nou puhi te doglo mala tangomana naikno khiloaure te leghu nigho na.

Ululahu Tesalonika 4:9

Ghehati theome naba te riso ari ka ghotilo eigna te mala namhani kherada fofodu ka khiloau. Naugna God thegna farirhiu ghamihi ghotilo te mala fari namhai na.

Efesus 4:2

Ghotilo mala edi fabrahu glepo igre: au faleghu, au blagna, nei thosei diꞌatami faghose ka keha naiknore. Eghuteuna kate au nogna puhi fadidiꞌa kaisei naikno ka ghotilo na ranghini kheragna fofodu na, te keli na phiamare thosei magra, nu fari fathaegoi ka puhi namha.

Efesus 3:17

Uve, iara toreni Kraes mala au mana ka nagnafamire, eigna ghotilo fatutuani ni mana. Iara jaola toreni mana eigna gobigna lepo te edi ghotilo re thofno jifla mei ka nomi namha te biꞌo ranghini God nei naikno te gnafa, mala ghotilo nei nogna naikno te gnafa God re au glalase te mala lase fakelini nogna namha Kraes te biꞌo fara nei brahu fara nei haghe fara nei mamhara fara.

Galesia 1:4

Mae Jisas neke snakreni thegna mala lehe tughudi nakhibodare mala snagla tahati ka puhi te diꞌa te funei frunini nauthoglu igne. Tutuani fara mae Jisas neke eni igne, naugna igne unha teke magnahagheni God Kmada na.

Levitikas 1:17

Eghuteuna mana loku ka phei baghigna re, eghuteuna korho mala klopa kakatha thinigna na, eghuteuna mana gahu ka khaꞌaghi ke kligna olta. Mana gahu balhu igne mala kaisei glepo blahi, eghuteuna sisirigna na kelitagnani Lord.”

Thakle 5:9

Mare ne kafe kojeni kaisei khoje te majaghani ranghini mae Lam na, ne cheke eghu, “Iagho nabamu te hata pepa na te mala hata koko loke are. Naugna mare neke falehe nigho, eghuteuna dadaragna glehemu iagho na kaisei fafara mala foli fajifladi nogna naikno God re. Naikno igre mei funudi ka vike te gnafa, ka cheke te gnafa, ka namono te gnafa nei ka kokholo te gnafa ka nauthoglu igne.

Hibru 9:23

Uve, glepo mala fafara igre jateula thotoghaledi eghu glepo te au kligna igre. Glepo igre nabadi te fuafusa dadara mala gae ke ulugna God. Nu glepo te au kligna gre nabadi kaisei fafara biꞌo ke tulaodi fafara te edi pari igre.

Efesus 3:19

Iara toreni God mala fodu e salaꞌui ghotilo ka puhigna God thegna kate lase fakelini ghotilo nogna namha Kraes igne. Iara toreni igne neubane theo kaisei naikno tangomana te thofno ruruthani ba thofno lase fakelini u namha igne!

Letas Teke Riso Tei Mae Pol Ka Khiloau Rom 8:3

Vetula na theome au nolaghi te mala hata fadeleidi nakhibodare, naugna tahati gne theome tangomana te leghuni u vetula na. Nu God neke fakarha ghita kani teke kuru meini thofno Thugna thegna na neke vuhai naikno jateula tahati neku, nu mana neke theome au nakhibogna. Eigna tahati kmana nakhiboda, God neke kuru meini mana jateula kaisei fafara mala hata fadeleidi nakhiboda neku. Ka puhi igne God ne fatedi nakhiboda tahati naiknore.

Profet Emos 5:21

Lord ne cheke eghu, “Iara theome magnahaghedi nomi narane gaghamu nei faidu teu te edi ghotilo te mei pogho soru ka iara igre!

Efesus 5:25

Ghotilo mae tholaghi ra, namhadi khetomi are jateula Kraes te namhani fara khiloau gne eghu. Naugna mana namhani khiloau na. Mana neke snakreni thegna neke lehe mala fakarhani khiloau na.

Ululahu Korin 5:7

Gognaro na ghotilo hata fadeleidi nakhibo te gnafare mala doglo ke ulugna God. Naugna nakhibo na tangomana te roꞌeni nakarhada na jateula isi te tangomana fabiꞌodi bret. Ghotilo jateula bret te theo isi ia eghu, naugna God neke fafaranihi Kraes te mala hata fadeleidi nakhibodare.

Letas Teke Riso Tei Mae Pol Ka Khiloau Rom 4:25

God neke snakreni noda Lord Jisas mala lehe eidi nakhiboda. Eghuteuna God fakarha fapuloni mana kau glehe mala tangomana tahati te au doglo ka tathagna God na.

Jone 6:51

Iara ngala u gano karha teke mei funu kligna na. Ihei te ghamuni gano igne na, mana na karha fabrahu. U gano igne ngala u thinigu iara na. Iara ginauna tusu lao ka naiknogna u nauthoglu igne mala tangomana te athini u karha na.”

Letas Teke Riso Tei Mae Pol Ka Khiloau Rom 8:37

Nu tahati theome mala nigra ka glepo igre. Naugna Kraes mae ihei te namha ghita na, mana na togho ghita mala tapla sorudi tahati glepo igre leuleghu narane!

Eksodas 29:18

Eghuteuna iagho gnubra fahui vidogna sipu igne ke kligna olta, mala pogho soru ka iara Lord. Igne kaisei glepo blahi te famane sisiri keligna iara Lord nate gleꞌani fara.

Eksodas 29:25

Iagho atha glepo igre ka mare, eghuteuna thofno gahu ka olta ke kligna gna sipu ululahu teke gahuhi iagho igne. Glepo igre kaisei thufa blahi ranghi ghau iara Lord, eghuteuna famane sisiri gna na iara ginauna glealeꞌa fara tagna.

Fapea Korin 2:14

Nu ghehati ne cheke fakelini God, mae ihei te togho ghami fabrahu balugna Kraes te mala uluni ghehati u magra na ka vido aheva mana teke kuru lao ghami na. God ne loku ke lamnami ghehati mala tangomana glalase eigna Kraes na te tei tongana heva heva jateula insens te siri keligna fara.

Efesus 1:4

Ka narane theome vuavuha nga teku nauthoglu gne God neke vahi ghita mala nogna thegna kate kaisei tahati balugna Kraes. Tutuani, God neke vahi ghita mala naikno blahi nei theo kaisei najafra ke ulugna mana.

Efesus 5:15

Eghume, kheraguro, famane filo fakelini u nafnata nakarha te batuni ghotilo na. Thosei jateula naikno te theome laseni kaisei glepo ra eghu, nu jateula naikno te au gaoghatho te keli ke lamnadi ra eghu.

Filipae 4:18

Iara la kafe hatahi gobigna lepo teke magnahaghedi iara re. Tulao mae Epafrodaetus hata neke mei ka iara thotogho teke famei ghotilo ra. U thotogho te famei ghotilo igre jateula u fafara te sisirigna nate keli tagna God ia eghu.

Hibru 8:3

Mae pris biꞌo te gnafare hata gloku igne mala fafara nei cheke fakelini God baludi keha nafnata fafara langau. Eghume noda mae pris biꞌo tahati na mana mala eni langau kaisei fafara ka God.

Diutronomi 27:6

Eghume ghotilo mala hata thina mata mala horo kaisei nogna olta Lord. Aonu ka olta tuana, ghotilo mala gahu fafara ka Lord.