Efesus 5:18 - Buka Blahi Ka Cheke Holo

¹⁸ Thosei koꞌu me dranga ka waen, naugna igne ginauna batu fadiꞌadi puhimi ghotilo re. Nu snakreni mae Tharunga te Blahi na mala fodu ke lamnami mala batu fakeli ghami.

Efesus 5:18 ပူးပေါင်းရင်းမြစ်များ

Proveb 20:1

Mae te koꞌu kmana beer na ginauna eha tongana, cheke diꞌa nei magra eghu. Mae te snakreni beer na te funei fruni nakarhagna na, gaoghatho te keli na theome au ka mana.

Letas Teke Riso Tei Mae Pol Ka Khiloau Rom 13:13

Tahati mala au fabrahu ka puhi te doglo jateula naikno te au fabrahu kate phae eghu. Theome mala edi gaghamu te diꞌa ba koꞌu mala dranga, ba gnognoro, ba leghudi keha puhi te diꞌa, theome mala magra ba goghotu.

Luku 1:15

Naugna ginauna mana na kaisei mae nafnakno ka tathagna Lord na. Eghuteuna mana na theome koꞌu waen ba unha nafnata khoꞌu te nheta fara. Nu funu ka karhagna na, mana na fodu ka Tharunga te Blahi.

Profet Isaia 5:22

Kokhoni ghami fara ghotilo iheire te lase koꞌu beer fara nei lase ngigno fodu keha nafnata khoꞌu teu are!

Ululahu Korin 5:11

Tutuani, iara theome magnahaghe ghami ghotilo te fofodu ka iheire te kiloni thedi naikno khiloau, nu edi fabrahu glepo te diꞌa fara, ba mamagna, ba pogho soru ka mumuju, ba toutonu fadiꞌani ihei, ba khuru koꞌu, ba chaghi mala hata glepo ka keha naiknore. Ghotilo thosei gnokro fodu baludi nafnata naikno tuare, ba ima baludi. Igne gaoghathogna nogu letas iara teke riso ari ka ghotilo tifa ia.

Ululahu Tesalonika 5:7

Eigna iheire te thuru, thuru bongiro, eghuteuna iheire te koꞌu dranga, koꞌu bongiro.

Luku 12:45

Nu jame te cheke eghu mae gloku tuana ka nagnafagna na, ‘Nogu mae funei iara ia ginauna theome faghose ke pulo mei sia.’ Aonu mae tuana ginauna ghatho ihoni nogna gloku na, eghuteuna mana na funu puridi keha naikno glokure, gaꞌase ba nalhaꞌu. Eghuteuna mana ne leghuni gaoghathogna thegna na, ne ghamu ghegna nei koꞌu ghegna neu ne ghilei dranga fara.

Luku 11:13

Neubane diꞌa jateula unha neu ghotilo, ghotilo tangomana te tusu lao glepo te keli ka thumire. Eghume te eghu na, mae Kmami ghotilo te au kligna na mana ginauna na tusu lao Tharunga te Blahi na ka iheire te tore ka mana.”

Taetus 1:6

Igne u nafnata naikno te mala vavahi iagho te mala baubatu kau khiloau na. Nu mae ihei te vavahi iagho na, mana mala kaisei mae te thono keli fara puhigna na, nu naiknore theome tangomana te filo deni kaisei najafra ka mana. Mana jaola mala tolaghi ka kaisei gaꞌase kolho. Eghuteuna thugna mana re mala fatutuani ni mae Jisas Kraes. Theome mala eni kaisei puhi te diꞌa, ba lalama ba huhughudi idodi kmadire.

Luku 21:34

“Fiofilo ghami ghotilo ia! Na eghunu ima ghemi kolho, koꞌu ghemi kolho, ba nangani kolho eghu ghotilo glepo gna nauthoglu igne. Naugna jame te eghu ghotilo na, ghotilo ginauna theome tangomana te ghaoghatho fadoglo eigna thofno nakarha na. Eghuteuna narane leghu lahu na ginauna megei nga mei kate theome tarabana teu ghotilo na.

Profet Isaia 55:1

Lord ne cheke eghu, “Ghotilo mei ka iara! ghotilo iheire te magnahaghei koꞌu ra, mei koꞌu ka iara. Khoꞌu na au ngala. Ghotilo iheire te theo nomi sileni ra, ghotilo mei ka iara. Ghotilo mei atha gano ka iara mala ima. Ghotilo mei mala koꞌu milk nei waen, uve, neubane theo sileni mei kolho.

Diutronomi 21:20

Aonu repa mala cheke eghu ka hatimare mae lida igre, ‘Thumi ghepa igne patu gama fara nei tirogna leghu ghami ghepa eghu. Mana jojokei nomi sileni ghepa re, eghuteuna mana kaisei koꞌu thaviru toghei kolho.’

Ululahu Korin 11:21

Naugna kate ima na, ghotilo te gnafa na sopai ima theome ofodi keha naiknore. Eghume kehare dranga ka waen nei keha ka ghotilo rofo kolho naugna ganore la gnafahila.

Famane Khoje 1:4

Iagho jateula nogu king eghu iara. Iagho atha ghau iara! Tapa faghose tei mala au lamna nou chogho iagho. Tapa ginauna thofno glealeꞌa fara, naugna iara thofno namha nigho eghuteuna iagho namha ghau iara fara salaꞌudi famane waen. Nabadi kolho goro gaꞌase gre te namha nigho na.

Jenesis 9:21

Kaisei narane mae Noa ne koꞌu waen ne dranga fara, aonu mana ne thuru soesole neu ka nogna suga tapuale na.

Matiu 23:25

“Puhi biꞌo ka ghotilo mae velepuhi nei mae Farasi teu igre! Ghotilo mae chaghi! Ghotilo jateula kapu ba tapera te famane titihi te klino ke kosi na ia eghu. Ghotilo filo fakeli kolho ke kosi na, nu ke lamna na fodu ka puhi magra, nei goghotu, nei chaichaghi eghu.

Profet Isaia 25:6

Ka Thogele blahi Saion, Lord mae ihei te au nolaghi fateote'o igne ginauna tarabana kaisei gaghamu biꞌo maladi naikno te gnafa ka nauthoglu igne. Eghuteuna mana ginauna tarabana gano te keli nei waen te keli.

Nodi Khoje Hatimare Mae Jiu 69:12

Leuleghu fata na mare salo fodu ka namono na mala buiburi ghau iara, eghuteuna mae te koꞌu te dranga re jaola edi keha khoje te diꞌa eigu iara.

Matiu 24:49

Aonu, mae gloku tuana ginauna funu puridi keha mae gloku te loku balugna re. Eghuteuna mana ginauna ghamu nei koꞌu eghu baludi keha naikno te khuru koꞌu koba re.

Famane Khoje 7:9

Uve, gnanghomu iagho na jaola mamahe, jateula thofno famane waen. Eghume, snakreni waen mamahe igne mala oro soru doglo tei ka foflogna kheragu iara na, mala faboubothuni phepeogna nei kheꞌigna.

Levitikas 10:9

“Jame iagho ba kaisei thumu iagho koꞌu waen ba beer, ghotilo thosei mei ruma lamna ka Suga tapuale te Blahi igne. Jame kaisei ka ghotilo huhughuni blahi igne mana ginauna lehe. Igne kaisei vetula te mala tathaji fabrahu tharaknamu iagho na.

Jone 2:10

ne cheke eghu ka mana, “Funu tifa te mei na tahati kulu tufa koba waen te keli na ka naiknore. Ke leghu, kate koꞌu fara mare waen te keli na, ame tufa nga waen te theome raꞌe keli na leghu lahu eghu sia. Nu iagho ne tathaji neu ngala waen te keli na ne ghilei thoke gognaro gne.”