Efesus 5:13 - Buka Blahi Ka Cheke Holo

^13-14 Nu kate thakle te gnafa gobigna lepo igre kate phae na, naiknore ginauna thofno filo glanidi glepo te edi thedi igre. Eigna u naphae na mala fathakledi gobigna lepore. Naugna igne kaisei cheke naba na cheke eghu, “Dofra haghe ghotilo iheire te thuru ra! Kegra haghe ka glehe, eghuteuna mae Jisas Kraes ginauna faphae ghami ghotilo.”

Efesus 5:13 ပူးပေါင်းရင်းမြစ်များ

Ululahu Korin 4:5

Eghume thosei fate naikno nu ofou ghilei thoke mei Lord. Mana ginauna hata fajifla kate phae glepo te diꞌa fara te poru teu kate romno na, eghuteuna mana ginauna fakakhana glepo teke poru ka nagnafadi naiknore. God ginauna jaola fafnaknodi gnafa naikno te leghuni nodi puhi te kelire.

Profet Hosia 2:10

Uve, iara ginauna mei hata koko pohe te pipichi naꞌa tuare ke uludi iheire te tei koba naꞌa baludi are. Eghuteuna theo kaisei naikno nate fakarhini naꞌa ka khamegu iara na.

Profet Hosia 7:1

“Iara magnahaghei fara te tughu nakarhadi nogu naiknore mala ke keli fapulo, nei mala ke tusu ranghidi glepo te keli. Nu kate filo lao iara ka mare na, iara ne filodi puhi te diꞌa fateote'o te edi nogu naikno iara igre. Leuleghu fata na, mare chaghidi kheradi thedi re, eghuteuna mare tei ruma mala blau ka nodi suga keha naiknore, eghuteuna mare sasagu nodi glepo naikno te salaꞌu ka nabrou re.

Profet Maeka 7:9

Tahati tapla jafra neke figri tagruni Lord. Naugna igne mana diꞌatagna ka tahati. Nu ke leghu, mana ginauna phile ka tahati, eghuteuna mana ginauna fadoglidi glepo te diꞌa teke edi noda naoka ka tahati. Mana ginauna atha fajifla ghita ka naphae funu kate romno. Eghuteuna tahati ginauna filoni Lord te doglo fabrahu.

Lamentations 2:14

Nou profet iagho igre chaghi kolho theo nafudi. Nodi mifi mare igre theome tangomana te tathakle nakhibomu iaghore, eghuteuna theome togho nigho mala koko nakhibo igre mala ke au fakeli, eghuteuna fakarhi nigho ka puhi biꞌo. Cheke te chekedi mare igre chaghi kolho, eghuteuna batu nigho mala leghuni nabrou te jafra.

Hibru 1:13

Eghuteuna God neke theome cheke eghu ka kaisei mae engel unha teke cheke eghu mana ka mae Thugna na, “Iagho gnokro agne fei nhetagu, mala ghilei tapla sorudi iara nou mae naoka iagho gre ke parigna nou nolaghi na.”

Efesus 5:12

Glepo te edi poru naiknore igre, neubane chekeni kolho tahati, thono mamaja noda ni fara.