Efesus 5:10 - Buka Blahi Ka Cheke Holo

¹⁰ Fariuriu mala filo glanini gloku te keli tagnadi Lord re.

Efesus 5:10 ပူးပေါင်းရင်းမြစ်များ

Hibru 12:28

Eghume tahati mala cheke fakelini God naugna tahati au noda namono te au fabrahu tifa tifa. Eghuteuna tahati mala loku ranghini mana balu mhaghu mala eni fabrahu unha te gleale'ani mana na. Naugna noda God te ghatho tahuni tahati gne jateula khaꞌaghi biꞌo te gnubra fateo gobigna lepo te diꞌa ra eghu.

Nodi Khoje Hatimare Mae Jiu 19:14

Lord, iagho nogu vido keli mala poru iara nei fakarhi ghau eghu iara. Iara magnahaghedi nogu tharai, nogu cheke nei gaoghathogu teu iara gre mala keli nei doglo eghu ka tathamu iagho na.

Ululahu Pita 2:20

Nu jame te para ghami mare eigna najafra teke eni ghotilo na, neubane kegra maku ghotilo ka narane tuana, tuana theo nafugna kolho. Nu jame te para ghami mare neubane eidi ngala ghotilo glepo te kelire, eghuteuna kegra heta ghotilo tagna teuna, God ginauna na fablahi ghami ghotilo eigna igne.

Ululahu Pita 2:5

Ghotilo jaola jateu thina karha eghu, eghuteuna God ginauna salo fodu ghami jateula nogna Sugablahi eghu ka nogna nolaghi mae Tharunga te Blahi. Ghotilo ginauna jateula nogna mae pris blahi eghu God mala au fodu mala fafara ka God. Mae Tharunga te Blahi ginauna togho ghami ghotilo mala fafara, nei God ginauna keli tagna fara ka fafara igre ka nanghagna mae Jisas Kraes.

Ululahu Tesalonika 5:21

Nu fariuriudi gobigna lepo fateote'o. Loku famaku ka unha te keli.

Ululahu Timoti 2:3

Tarai jateula igne teuna keli fara, eghuteuna God mae ihei teke fakarhi ghita na jaola keli tagna fara.

Filipae 1:10

Eghume ghotilo ginauna tangomana te lasedi glepo te doglore. Ka puhi tuana ghotilo ginauna au fakeli nei doglo eghu ka narane teke pulo meigna mae Jisas Kraes.

Letas Teke Riso Tei Mae Pol Ka Khiloau Rom 14:18

Ihei te leghuni Kraes kate edi nafnata puhi igre na, God ginauna gleale'a ka mana eghuteuna naiknore ginauna jaola gleale'a ka mana.

Proveb 21:3

Tahati mala leghuni puhi te keli nei doglo teu na. Ka tathagna God na, puhi igne thofno uluni fafara te tusu lao tahati ka mana na.

Ululahu Timoti 5:4

Nu jame kaisei thau te lehe khetogna na au thugna ba gragna, ulu lahu na rehati leghu fakelini puhigna khiloau te doglo na mala toghoni tharaknagna thegna na, naugna God na keli tagna fara ka nafnata puhi igne. Kate eni igne, rehati ginauna foli fapulodi idodi ba kmadi nei kavedi ba ku'edi kani teke majaghanidi teku re.

Profet Jeremaea 6:20

Ghotilo nogu naikno iara ra! Neuba ghotilo ne gahu insens te famane sisiri keligna teke tei atha ghotilo ka kantri Seba, ba keha nafnata insens teke tei atha mei ghotilo ka vido te khaba. Nu iara ginauna na theome magnahaghedi glepo igre. Iara jaola theome magnahaghedi keha nafnata fafara te tusu mei ghotilo ka iara igre.”

Filipae 4:18

Iara la kafe hatahi gobigna lepo teke magnahaghedi iara re. Tulao mae Epafrodaetus hata neke mei ka iara thotogho teke famei ghotilo ra. U thotogho te famei ghotilo igre jateula u fafara te sisirigna nate keli tagna God ia eghu.

Ululahu Samuel 17:39

Mae Devet ne famamhaku nhugha te mala makugna nogna naflahi mala magra king na ke klignadi phoko mala magra igre. Nu kate fariu riu nonolo mana na, mana ne theome tangomana te tei na, naugna mana neke theome fahaghedi glepo igre tifa na. Aonu mana ne cheke eghu ka king, “Jame te fahaghe iara glepo igre na, iara ginauna na theome tangomana te magra na.” Aonu mana ne atha koko glepo igre.

Profet Isaia 58:5

Kate mala ghatho tahu ghau iara teu te theome ima na, ghotilo papara fara. Ghotilo pogho pari ghilei tei gefe jateula khakla gaju eghu pari phaꞌumire. Ghotilo tofa nakrofu ka nomi pohere mala thuru ke klignadi. Ba, na keli tagu iara ka nafnata puhi te edi ghotilo igre neu si ghotilo ia? Thono theo fara!

Kolose 1:10

Aonu ghotilo ginauna au ka nafnata nakarha te doglo fara ke ulugna Lord nei jaola fagleꞌani mana ka puhimire. Ghotilo tangomana te edi kmana nafnata gloku te keli nei lase fakelini God.