Efesus 4:9 - Buka Blahi Ka Cheke Holo

⁹ Te chekeni na, “Mana neke haghe kligna,” unha eghu gaoghathogna na? Gaoghathogna na mana neke kulu soru mei ka nauthoglu igne.

Efesus 4:9 ပူးပေါင်းရင်းမြစ်များ

Jone 3:13

Theo kaisei naikno tela tei thokehi kligna na, te mala lasedi unha glepo te edi kligna re. Kaisei iara mae teke mei funu ka God na ngala te lasedi te tangomana te chekedire unha te edi kligna re.

Matiu 12:40

Mae Jona neke au ka thi'agna sasa te biꞌo fara na thilo narane nei thilo bongi. Eghuteuna ginauna na jateula tuana eghu iara mae teke mei funu ka God na ginauna au ke lamna glose thilo narane nei thilo bongi eghu.

Jone 6:33

U gano teke tusu mei God na mae ihei teke soru mei funugna kligna te mala tusu lao u karha na ka naikno te gnafa kau nauthoglu igne.”

Proveb 30:4

Ihei gne teke haghe kligna eghuteuna ke soru mei tekuna? Ihei gne teke louloku nuri na ka khamegna na? Ihei gne teke totoho nhorora na ka nogna pohe na? Ihei gne teke vuavuhani khukrugna nauthoglu igne? Ihei nanghagna mana na, ba nanghagna thugna mana na? Glahu laseni iagho!

Nodi Khoje Hatimare Mae Jiu 63:9

Naiknore magnahaghei te falehe ghau iara, nu mare ginauna tei ka namonodi naikno tela lehehira eghu.

Hibru 2:9

Nu tahati filoni mae Jisas! God neke nhaꞌa soruni mana katha vido ikoi ke paridi mae engel re. Nu gognaro na tahati filoni nafnakno nei siasigla ka mana mala tithini mae King naugna mana neke au papara nei lehe tughu ghita gnafa. God neke snakreni igne naugna mana ne namha ghita gnafa.

Jone 20:17

Mae Jisas ne cheke eghu ka naꞌa, “Meri, thosei habo mei ka iara. Naugna iara theome haghe ngau ka mae Mama. Nu tei filodi mae thabusignara cheke eghu ka mare, ‘Iara na haghe ka mae Mama nei Kmami ghotilo. Ka nogu God nei nomi God ghotilo.’ ”

Nodi Khoje Hatimare Mae Jiu 8:5

Neuba ngau, nafnakno teke tusu mei iagho ka ghehati igne thofno biꞌo fara uludi nafnakno fateote'o teke tusu lao iagho ka gobigna lepo te au ka maloa na are. Nu nomi nafnakno ghehati igne au kolho ke parigna nou nafnakno iagho kligna na.

Jenesis 11:5

Nu Lord ne soru mei mala filoni namono biꞌo na balugna suga teke babana mare igne.

Hibru 2:7

Iagho tifa na neke nhaꞌa fasoruni mana katha vido ikoi ke paridi engel re. Nu gognaro na iagho lilisei ke kligna gna mana u nafnakno nei siasigla.

Jone 8:14

Mae Jisas ne cheke eghu ka mare, “Uve, ka thegu iara na iara cheke kate au nafugna, eghuteuna u nogu cheke iara igre tutuani fara, naugna iara laseni aheva teke mei gu na nei aheva nate ke tei gu na. Ghotilo theome laseni aheva teke mei gu na nei aheva nate ke tei gu na.

Jone 6:62

Te eghu na, na unha eghu ghotilo gaoghathomi na nate filo ghau iara mae teke mei funu ka God na teke pulo iara ka vido aheva teke kulu au iara tifa na?

Jone 6:58

Eghume igne u thofno gano tutuani teke mei funugna kligna na. Theome jateula u gano te kiloi ‘manna’ teke ghamuni mae ku'emi ghotilo ra eghu. Ke leghugna ghamu te gnafa mare u ‘manna’ tuana na mare neke kafe lehe ngala. Nu mae ihei te ghamuni u gano igne na mana ginauna karha fabrahu.”

Jone 6:51

Iara ngala u gano karha teke mei funu kligna na. Ihei te ghamuni gano igne na, mana na karha fabrahu. U gano igne ngala u thinigu iara na. Iara ginauna tusu lao ka naiknogna u nauthoglu igne mala tangomana te athini u karha na.”

Jone 6:41

Ka vido tuana hatimare mae Jiure ne funu buiburini mae Jisas. Mare buiburini mae Jisas naugna mana ne cheke eghu, “Iara ngala u gano teke mei funugna kligna na.”

Jone 6:38

Naugna iara neke mei funu kligna mala edi unha te magnahaghedi mae Mama mae ihei teke kuru mei ghau iara na theome mala edi unha te magnahaghedi iara thegu re.

Profet Isaia 44:23

Ghotilo gobigna lepo ka maloa ra, nei ghotilo gobigna lepo ka nauthoglu ra eghu koje balu glealeꞌa! Ghotilo thogele nei gaju fateote'o teura, ghotilo jaola glealeꞌa balu eha fabiꞌo! Ghotilo kilo fnaknoni Lord, naugna Mana neke fakarhidi nogna naiknore neke fakakhana nogna nolaghi na ranghini Israel.

Nodi Khoje Hatimare Mae Jiu 139:15

Kani au nga teku iara ka thi'agna idogu na, iagho neke filo ghauhi iara. Uve, iagho la filodihi te kotu mei nhubragu iara re. Kate biꞌo haghe iara ka thi'agna idogu na, iagho lase nihi te au teu iara jare na.

Eksodas 19:20

Eghuteuna kate soru mei Lord ke kligna Thogele Sanai igne, mana ne ehani mae Moses mala haghe ka thogele igne. Aonu, mae Moses ne haghe,

Profet Esikiel 31:14

Eghuteuna funu ka narane tuana te mei na, theo kaisei gaju te kotu te brahu te tei posa ka maloaro jateula gaju igne teuna. Gaju te gnafa re mala lehe, jateula naikno na lehe eghuteuna tei pari ka namonodi mae te lehera.