Efesus 4:8 - Buka Blahi Ka Cheke Holo

⁸ Naugna igne grioriso te blahi na ne cheke eghu agne, “Kate haghe kligna ka thofno namono na, mana na sesekai kmana naikno balugna. Eghuteuna tusu lao khokofakasai ka naiknore.”

Efesus 4:8 ပူးပေါင်းရင်းမြစ်များ

Nodi Khoje Hatimare Mae Jiu 68:18

Kate haghe mana ka Thogele Saion na, mana hata ne haghe balugna kmana naikno teke hata mana ka magra re mala tei au jare ka sosolo. Eghuteuna iheire teke huhughuni mana tifa ra ne jaola neke tusu ranghini mana keha namha. Lord God ginauna au ka thogele igne tifa tifa.

Kolose 2:15

Mae Kraes neke hata koko fahui nodi nolaghi naitu te gnafa te mala funei fruni na. Ka gaju fafatha na, mae Kraes ne tapla faparidi nei famamajadi eghu mare fara ke uludi naiknore.

Ululahu Samuel 30:26

Kate pulo mei mare Siklag, mae Devet ne atha keha glepo teke uludi ka magra na ne fei nodi kheragna te baubatu ka nohi Juda ne cheke eghu ka mare, “Igne nomi namha ghotilo na vido glepo teke atha ghehati ka nogna naoka Lord ra.”

Nogna Buka Esta 2:18

Ke leghugna igne, King Sekses ne eni kaisei gaghamu biꞌo mala fafnaknoni Kuin Esta. Aonu mana ne kilodi hatimare mae minista te gnafa, nei mae funei te gnafa teu igre mala mei ka gaghamu igne. Eghuteuna mana ne namha ranghidi nogna naiknore keha glepo te keli, nei cheke thakleni narane igne ka naikno te gnafa ka nogna kantri na, narane igne narane mala gnafa.

Jajis 5:12

Eghuteuna mare ne cheke eghu, ‘Dofra haghe, dofra haghe Debora! Kegra haghe kojeni khojegna magra ia! Kegra haghe Barak! Thugna Abinoam, hata tei nomi naokare!’

Proveb 30:4

Ihei gne teke haghe kligna eghuteuna ke soru mei tekuna? Ihei gne teke louloku nuri na ka khamegna na? Ihei gne teke totoho nhorora na ka nogna pohe na? Ihei gne teke vuavuhani khukrugna nauthoglu igne? Ihei nanghagna mana na, ba nanghagna thugna mana na? Glahu laseni iagho!

Efesus 4:11

Eghuteuna Jisas mae ihei teke tusu mei ka tahati u khokofakasai te mala loku ranghini God. Mana neke vavahi keha mae mala khuru, keha mae mala profet, keha mae mala toutonu eigna Nonomho te Keli, keha mae mala velepuhi nei reireghini nogna khiloau na.