Efesus 4:32 - Buka Blahi Ka Cheke Holo

³² Nu te keli na ghotilo fathaegoi nei fari namhai. Fari hata fadelei nakhibo jateula God teke hata fadeleidi nakhibomira eghu naugna ghotilo fatutuani ni Kraes.

Efesus 4:32 ပူးပေါင်းရင်းမြစ်များ

Nonomho Te Keli Teke Risoi Mae Mak 11:25

Eghuteuna kate tarai na, jame ghotilo diꞌatami ranghini kaisei naikno, ghotilo kulu hata fadelei ghu nakhibogna mae ihei teke diꞌa tamuni na eghu. Jame te eghu na, mae Kmami ghotilo te au kligna na ginauna hata fadelei nakhibomi ghotilo re.

Fapea Korin 2:10

Ihei te hata fadeleidi ghotilo nakhibognare, iara jaola hata fadeleidi nakhibo tuare ka mana, eghu te edi mana unha te naba iara te hata fadeleidi ka mana re. Iara hata fadeleidi nakhibogna mana re ke ulugna Kraes, naugna iara magnahagheni te togho ghami ghotilo.

Efesus 5:1

Ghotilo goro thugna God, eigna mana namha ghami ghotilo. Eghume ghotilo mala leghudi puhigna mana re.

Luku 6:35

“Nu ghotilo namhadi nomi naokare, nei lolokeli ranghidi. Ghotilo tufa glepo ka keha naikno are, eghuteuna thosei ghathoni nake tughu fapulo mare teuna. Te eghu ghotilo na, God ginauna na taba fabiꞌo ghami ghotilo, naugna puhimi ghotilo re ginauna gaglana fara te goro thugna God ghotilo na. Naugna God na toghodi fabrahu iheire te theome ghatho tahuni mana, nei iheire te diꞌa fara.

Luku 6:37

Mae Jisas ne cheke eghu, “Thosei fateni ihei, na eghunu ke fate ghami God eghu. Thosei fathoroni ihei na, na eghunu ke fathoro ghami God eghu. Eghuteuna ghotilo hata fadelei nakhibodi keha naiknore mala nu ke hata fadelei langau God nakhibomire eghu.

Ululahu Korin 13:4

Naikno khiloau na mala namhadi keha naiknore jateula Kraes te namhadi naiknore eghu. Eghume naikno khiloau na mala au kmu nei keli ranghidi keha naiknore. Mana mala theome goghotu, nei theome mala ghatho tahuni thegna, nei theome mala fahaehaghe.

Luku 17:4

Te eꞌei kmana puhi diꞌa mana ranghi nigho fitu fata kaisei narane, eghuteuna fitu fata mei cheke eghu ka iagho, ‘Ghema, iara kela tughu nagnafahi’ teuna, iagho hata fadelei nakhibogna mana re.”

Matiu 6:12

Hata fadeleidi tami thua glepo te diꞌa te kela fajafra dihi jateula ngau ghehati te hata fadeleidi unha najafra teke edi fadiꞌa ranghi ghami keha naiknore.

Nodi Khoje Hatimare Mae Jiu 145:9

Leuleghu fata na thono keli fara ranghi ghita hui, nei mana tangomana te kokhoni ghita na eghu.

Ululahu Jone 2:12

Iara riso ari ka ghotilo glepo igre thuguro, naugna God hata fadeleihi nakhibomire ka nanghagna mae Jisas.

Letas Teke Riso Tei Mae Pol Ka Khiloau Rom 12:10

Fari namhai jateula thabusigna eghu ka Kraes. Ghatho tahudi keha thabusigna ka khiloau gne ke tulaomi themi.

Ululahu Jone 1:9

Nu te cheke thakledi tahati ka God nakhibodare, mana ginauna hata fadeleidi. Tahati fatutuani ni God te eni unha te doglo na. Eghume mana ginauna na hata fadelei nakhiboda nei fagae ghita ka thua najafra fateo.

Fapea Korin 2:7

Nu gognaro na ghotilo hata fadeleidi nakhibogna mana re nei toghoni eghu mana mala thosei diꞌanagnafa mana. Na eghunu diꞌanagnafa fara mana me ghilei babaꞌo eghu.

Jemes 5:11

Eghuteuna te ghathoni tahati te chekeni na mare thono keli tadi fara naugna mare kegra heta fabrahu ne ghilei thoke ka narane leghu lahu na. Eghuteuna ghotilo neke nomhi nila eigna mae Job ia. Kmana nafnata puhi biꞌo thokeni mana, nu mana biꞌo nogna fatutuani na ka God. Eghuteuna ke leghudi puhi igre Lord neke toghoni mana neke tusu ranghini mana gobigna lepo te keli teke magnahaghedi mana re. Naugna Lord na kafe namha ghita nei kokhoni ghita nei magnahaghei toghodi eghu nogna naikno te gnafare.

Fapea Korin 6:6

Ghehati falaseni eigna ghehati nogna mae gloku God ka nomi glalase eigna Nonomho te Keli na. Puhimire klino fara. Ghehati theome tangomana te ghosei te diꞌatami na nei ghehati tangomana te keli ranghini ihei. Tharunga te Blahi na au ka ghehati, nei u namha tutuani te mala namhani ihei na au ka ghehati.

Luku 11:4

Hata fadeleidi tami nakhibomi gre, eigna ghehati mala jaola hata fadelei nakhibodi iheire te fadiꞌa ranghi ghami. Thosei snakreni kaisei glepo mala mei fariuriu ghami.’ ”

Luku 1:78

Kau nogna kokhoni ghita noda God, kaisei nathunu rane majaghani funugna kligna ginauna na phae ke klignada tahati.

Profet Isaia 57:1

Ka narane igne, naikno te doglo te lehe, nu theo kaisei ka naikno te diꞌa te filo glanidi ba nangadi kolho. Uve, Lord ginauna atha fadelei naikno te ghatho tahuni mana igre. Nu theo kaisei naikno kolho te filo glani Lord teke atha fadeleidi naikno igre, mala theo kaisei puhi biꞌo nate thokedi mare.

Proveb 19:22

Naiknore magnahaghedi keha naiknore te mala thofno leghuni unha teke nhaꞌa cheke ni na. Tutuani, jame te mae keli mae te kuma na, mana ginauna uluni mae te chaichaghi na.

Proveb 12:10

Mae te keli na reireghidi nogna buluka, sipu, nanigot, ba hose. Nu mae te diꞌa na paradi nogna glepo igre.

Nodi Khoje Hatimare Mae Jiu 112:9

Mana tangomana te toghodi iheire te kuma, aonu puhigna mana te keli igre ginauna au fabrahu. Naiknore ginauna ghatho tahuni mana.

Thoutonu Eigna Rut 2:20

Naomi ne cheke eghu, “Tutuani fara, Lord na fablahini mae igne! Lord na thofno keli fara ranghi ghita, eghuteuna mana theome ghatho ihoni nogna nhaꞌa cheke teke eni mana ka iheire tela lehehira nei ka iheire te karha nga teu gre eghu.” Naomi ne cheke eghui, “Uve, thau igne kaisei vike ngala ka thau teke tolaghi iara tagna ulu lahu ia. Eghume jame mana meu ngala jame te gijagna te mala reireghi ghita tapa na eghu.”

Fapea Pita 1:7

Ghotilo mala namhadi naikno khiloau are nei namhadi naikno te gnafa.

Mae Khuru 28:2

Ka narane tuana nakhete ne reka fara. Nu naikno te au ka moumolu igne thofno keli fara ranghi ghami ghehati nei famane fakeli ghami ghehati. Aonu, mare ne eni kaisei khaꞌaghi biꞌo malami ghehati.

Fapea Samuel 7:21

Glepo te biꞌo te edi iagho igre jifla mei ka nou gaoghatho iagho, eghuteuna nou gaoghatho iagho igre thofno horoghoto fara ka unha teke nhaꞌa cheke iagho na. Eghuteuna iagho snakre ghau iara mala lasedi iara glepo igre.

Proveb 19:11

Mae te autagna gaoghatho te keli na, mana theome tangomana te ghosei te diꞌatagna na. Eghuteuna mana theome ghathoni najafra teke eni keha mae na ranghini mana na.

Profet Jeremaea 38:12

Mae Ebed-Melek cheke ka mae Jeremaea mala lilisei pohe igre ke pari baegna mala theome fnera mana ka phukri igne. Aonu mae Jeremaea ne leghuni igne,