Efesus 4:30 - Buka Blahi Ka Cheke Holo

³⁰ Eghuteuna thosei fadiꞌa nagnafani mae Tharunga te Blahi, naugna mana nogna nhaꞌa cheke God eigna God ginauna thofno fasnagla ghami ka narane leghu lahu na.

Efesus 4:30 ပူးပေါင်းရင်းမြစ်များ

Ululahu Tesalonika 5:19

Thosei fakhusuni nogna gloku mae Tharunga te Blahi na.

Profet Isaia 63:10

Nu mare figri tagruni nei fadiꞌa nagnafani eghu mae Tharunga te Blahi. Eghume, Lord na kela nodi naoka mare, eghuteuna mana nake magra ka mare.

Jenesis 6:6

Lord ne diꞌanagnafa fara, ne cheke eghu, “Iara ginauna faluvu fahuidi naikno teke vuavuha iara ka nauthoglu igne. Iara jame neke theome vuavuhadi naikno igre ka nauthoglu igne! Eghuteuna iara ginauna na jaola faluvu fahuidi nanghaji ba bosu ba saba teu ka namhata igre. Iara diꞌanagnafagu fara naugna iara ngala teke vuavuhadi re glepo igre.”

Mae Khuru 7:51

Mae Stivin tudu ne cheke eghu, “Icho idomi, ghotilo mae mala baubatu gre pha'umire thono romno fara. Eghuteuna nagnafami ghotilo re jateula naikno bongihehe eghu, eghuteuna ghotilo tiromi fara te fanomho ka chekegna God na. Leuleghu fata na ghotilo huhughuni fara mae Tharunga te Blahi na jateula mae ku'emi tifa ra eghu.

Letas Teke Riso Tei Mae Pol Ka Khiloau Rom 8:23

Nu theome glepo tuare kolho te tanhi eghu na. Tahati theda, eigna God neke tusu mei Tharunga te Blahi na ka tahati jateula kaisei nhaꞌa cheke glepo keli na mei ke leghu. Tutuani, tahati jaola eha ke lamnada balu kabru. Naugna tahati ofoni God fabrahu mala fasnagladi thinidare nei tusu ranghi ghita u thini majaghani, mala tangomana tahati te thofno thugna mana na.

Letas Teke Riso Tei Mae Pol Ka Khiloau Rom 8:11

God neke fakarha fapuloni mae Jisas Kraes kau glehe. Eghuteuna naugna te au Tharunga gna God na ke lamnami ghotilo, God ginauna jaola tusu ari karha na ka thinimi te lehere. Eghuteuna mae ihei teke fakarhini mae Kraes igne, mana ginauna tusu ari karha igne ka Tharunga te Blahi te au ke lamnami ghotilo re.

Nonomho Te Keli Teke Risoi Mae Mak 3:5

Mae Jisas ne filo ka naiknore ne diꞌatagna fara, naugna mare ne maku fara pha'udire. Nu neuba ngau, mana ne kokhoni nognadi fara. Mana ne cheke eghu ka mae te lehe khamegna na, “Ngafa haghe khamemu ana.” Mana ngafa haghe khamegna na neke keli fapulo.

Profet Isaia 43:24

Nu ghotilo theome foli kolho kaisei insens mala gahu mei ka iara. Eghuteuna ghotilo theome gahu kolho kaisei garofa buluka nafnata fafara te gleꞌani iara na. Unha te eni ghotilo gognarona, ghotilo fapala mei nakhibo tahu ka iara, la babaꞌo iara ka puhimi ghotilo te diꞌa re.

Nodi Khoje Hatimare Mae Jiu 78:40

Kmana fata kate au mare ke lamna namono nagou na, mare tirodini, nei fadiꞌa nagnafani eghu mana.

Jenesis 6:3

Aonu Lord ne cheke eghu, “Iara ginauna na theome snakredi mala karha fabrahu naikno igre. Iara ginauna na snakredi mare mala karhau nabagna kaisei gobi varadaki finogha kolho ame lehe nga eghu.”

Profet Isaia 7:13

Mae Isaia ne cheke eghu, “Ghema Ehas, fanomho fakeli sagho! Ghotilo vikegna mae Devet ra, ghotilo neke eni igne fabrahu, eghuteuna naiknore la ghilei tirodi ghami ghotilo. Ba, ghotilo magnahagheni nogu God iara gne te tiromi ghami la ghotilo na sia?

Profet Esikiel 16:43

“Iara diꞌatagu fara eidi glepo te diꞌa te edi fabrahu iagho gre, naugna iagho la ghatho ihonihi te reireghi fakeli nigho iara funu suamu na. Naugna glepo igne, iara ginauna para nigho iagho. Iagho neke edi koba glepo te thono diꞌa fara igre. Eghuteuna unha te thono diꞌa fara parilahu na, nafnata puhi te tapla jafra fabrahu iagho baludi keha mae nalhaꞌu are. Igne nogu cheke iara Lord God.”

Nodi Khoje Hatimare Mae Jiu 95:10

Naugna igne, phiatutu finogha iara neke diꞌatagu fara neke cheke eghu, “Naikno igre theome ghatho tahu ghau iara, nei theome leghuni nogu vetula iara na.”

Hibru 3:10

Naugna igne iara diꞌatagu fara ka mare ne cheke eghu, ‘Nagnafadire la tei jafra ka iara. Mare theome laseni nabrougu iara na.’

Ululahu Korin 1:30

Nu God neke togho ghami ghotilo mala kaisei ghotilo balugna mae Jisas Kraes. Eghuteuna ka Kraes na, tahati lalase fara, eghuteuna doglo fara ka tathagna God na, nei mala nogna naikno blahi mana. Kraes na jaola neke foli fajifla ghita ka nakhibo.

Hibru 3:17

Iheire si teke diꞌatagnadi God ka phiatutu finogha igrea? Iheire teke edi glepo te diꞌare teke lehe ka namono nagou na!

Ululahu Korin 15:54

Eghuteuna kate eni te hui igne, cheke te eghu ka grioriso te blahi na igne thofno tutuani fara, “Glehe na, God thofno roꞌenihi, nei tapla sorunihi eghu pari!”

Profet Hosia 13:14

“Nu iara ginauna na hata fafigridi ka namonodi mae tela lehehi ra. Glehe! Aheva nou nolaghi iagho te mala faleheni naikno na? Beku! Aheva nou nolaghi iagho te mala goigonini naikno na? “Uve, iara ginauna na fakarhidi nogu naiknore, eghuteuna iara na theome tughu nagnafagu na.

Jajis 10:16

Aonu mare ne lisei fadelei god teke tarai mare tadire ne loku ranghini Lord. Eghuteuna Lord ne kokhoni nognadi naiknodi Israel naugna mare ne au papara fara.

Luku 21:28

Kate funu thoke mei glepo igre, ghotilo farerheta nagnafamire. Ghotilo kegra fadoglo mala filo haghe kligna, naugna narane God te mala fakarha ghami ghotilo na la namo meihi.”

Jone 3:33

Nu mae ihei te fatutuanidi unha te chekedi mana re, mana fatakleni unha te chekeni God na thofno tutuani fara.

Hibru 10:29

Te eghu na, unha nate eni God ranghini mae ihei te filo soruni Thugna God na? Unha nate eni God ranghini mae ihei te filo soruni dadaragna mae Kraes teke horoghoto ka nogna nhaꞌa cheke God na ngala nate fagaeni mana ka nakhibo na? Unha nate eni God ranghini mae ihei te filo soruni mae Tharunga te Blahi te falalase nogna namha na ka mana? Mae igne nabagna na mala au papara fara!