Efesus 4:3 - Buka Blahi Ka Cheke Holo

³ Tharunga te Blahi na salo fodu ghami ka puhi pharikeli. Hati nhetami na mala au ka puhi tuana ke lamnami.

Efesus 4:3 ပူးပေါင်းရင်းမြစ်များ

Ululahu Korin 1:10

Kheraguro, gognaro na iara cheke heta ka nanghagna noda Lord Jisas Kraes. Iara tore ghami fara ghotilo mala thosei eni ghotilo nafnata puhi te fnota tafri ghotilo igne. Te keli na ghotilo jame ke funu loku fodu ka kaisei nagnafa nei kaisei gaoghatho ngala.

Hibru 12:14

Fariuriu mala au kau pharikeli baludi naikno te gnafa nei fariuriu langau mala au ka nakarha te klino. Naugna iheire ngala te au klino re nate filoni God na.

Jone 13:34

“Eghume, iara na tusu ari kaisei vetula majaghani ka ghotilo: ‘Fari namhai jateula ngau iara te namha ghami ghotilo.

Fapea Korin 13:11

Uve kheraguro, ghehati magnahaghe ghami ghotilo te gleale'a. Fariuriu edi unha te chekedi iara ka ghotilo gre mala thofno au klino. Eghuteuna ghotilo te gnafa na mala kaisei gaoghatho ngala nei mala kaisei au ngala kau pharikeli. Ka puhi igne God mae ihei te tusu ranghi ghita u namha nei pharikeli teu igne ginauna au balumi ghotilo.

Ululahu Tesalonika 5:13

Thofno ghatho tahudi fara nei namhadi eghu eigna nodi gloku te edi ranghi ghami ghotilo ra. Au fodu ka pharikeli.

Efesus 4:4

Tahati naikno khiloau gre kaisei thini ngala. Jare kaisei Tharunga te Blahi. Eghuteuna God neke kilo ghita tahati gnafa mala hata kaisei glepo te keli ngala te ofoni teu tahati na.

Efesus 4:13

U gloku igne na theome gnafa ghilei kaisei ngala tahati hui ka fatutuani nei ka glalase eigna Thugna God. Eghuteuna tahati ginauna naikno puhi nei kotu haghe jateula Kraes ka nakarhagna eghu.

Eksodas 28:32

Mare na susuki kaisei pohe brahu te au khora fari hotei kligna ka pohe igne mala grara gna pris. Eghuteuna mare susuki kaisei vido pohe te maku faligohoni grara gna pohe brahu igne, mala theome ghosei breku.

Ululahu Kings 16:21

Ke leghugna te lehe mae Simri igne, vikegna Israel na ne fnota pea ka phei tothoghei. Kehare magnahagheni mae Tibni thugna mae Genat te mala king gna Israel. Eghuteuna kehare magnahagheni mae Omri te mala king gna Israel na.

Eklesiasti 4:12

Eghuteuna jame kaisei naoka posa mei, kaisei mae na theome tangomana te uluni magra igne. Nu jame phiamare loku fodu, phei mare na uluni mana. Uve, phukri te pukri fodu mare ka thilo gnarho na theome tangomana te ghosei khusu na.

Nonomho Te Keli Teke Risoi Mae Mak 3:24

Filo si ghotilo, jame naiknogna kaisei namono magra fari thedi, namono tuana theome tangomana te au raugha.