Efesus 4:26 - Buka Blahi Ka Cheke Holo

²⁶ Ne diꞌa tamu nganu, thosei snakreni diꞌa tamu na mala eni kaisei najafra. Thosei diꞌatami fabrahu ghilei plulu naprai na.

Efesus 4:26 ပူးပေါင်းရင်းမြစ်များ

Jemes 1:19

Kheraguro, ghaoghatho fakeli ghotilo ia. Te keli na ghotilo kulu fanomho fakeli ghu ame funu cheke nga nei diꞌatami nga eghu ka keha naiknore.

Nodi Khoje Hatimare Mae Jiu 4:4

Ghotilo mala mhaghuni God, eghuteuna lilisei puhimi te diꞌa re. Kate thuru na, ghotilo mala ghatho fakelini u cheke igne, nei au kmu eghu.

Nodi Khoje Hatimare Mae Jiu 37:8

Thosei diꞌatamu, lilisei sagho puhi te diꞌatamu fara tuana. Thosei nanga nou, glepo tuare nabrou mala dei ghita puhi kolho sarea.

Eklesiasti 7:9

Theome keli te ghosei te diꞌatamu iagho na. Naugna tuana nogna puhi mae te fameomekro.

Proveb 14:29

Mae te theome ghosei te diꞌatagna na, mana lalase fara. Mae te ghosei te diꞌatagna na, mana fameomekro fara.

Proveb 19:11

Mae te autagna gaoghatho te keli na, mana theome tangomana te ghosei te diꞌatagna na. Eghuteuna mana theome ghathoni najafra teke eni keha mae na ranghini mana na.

Matiu 5:22

Nu te chekeni iara ka ghotilo gognarona, mae ihei te diꞌatagna fara ka mae kheragna fofodu na, mare ginau na hatani mana kau fate. Eghuteuna mae ihei te cheke fadiꞌani mae kheragna fofodu na, mare na hatani mana kau fate ke uludi hatimare mae biꞌo. Eghuteuna mae ihei te cheke nolini mae kheragna fofodu na, mana ginauna tei Gehena kau khaꞌaghi te karha fabrahu na.

Nonomho Te Keli Teke Risoi Mae Mak 3:5

Mae Jisas ne filo ka naiknore ne diꞌatagna fara, naugna mare ne maku fara pha'udire. Nu neuba ngau, mana ne kokhoni nognadi fara. Mana ne cheke eghu ka mae te lehe khamegna na, “Ngafa haghe khamemu ana.” Mana ngafa haghe khamegna na neke keli fapulo.

Naba 20:24

“Mae Eron gne ginauna theome tangomana te tei thoke ka vido te nhaꞌa chekeni iara mala tufa ka naiknodi Israel gre, nu mana ginauna lehe, naugna ghopa ne theome leghudi nogu cheke iara re jare ka Khoꞌu Meriba.

Nonomho Te Keli Teke Risoi Mae Mak 10:14

Kate filoni mae Jisas igne, mana ne diꞌatagna fara ka mae fanomhore, ne cheke eghu ka mare, “Snakre meidi goro suare ka iara. Thosei lhotidi, naugna naikno te funei frunidi God re jateula sua igre eghu.

Proveb 25:23

Khoburu na hata mei nakhete, buiburi na hata mei diꞌatada.

Eksodas 11:8

Nou mae funei iagho are ginau na mei pogho soru ke ulugu iara, na cheke fabiꞌo eghu ka iara, ‘Faghose, atha nou naikno are mala jifla gognaro la!’ Ke leghugna tuana, iara ginauna tei.” Kate nomhidi cheke igre mae Moses diꞌatagna fara nei jifla ka sugagna mae king.

Diutronomi 24:15

Leuleghu narane na, ame plulu nga naprai na teuna, ghotilo folini teke loku mana na, naugna mae igne kuma fara eghuteuna mana magnahaghei sileni. Jame te theome folini ghotilo mana na, mana ginauna tei tanhi ka Lord, eghuteuna ghotilo ginauna naba te papara ka nakhibo igne.

Jemes 1:20

Naugna ihei te diꞌatagna na, mana theome tangomana te eni unha te doglo ke ulugna God na.

Ululahu Samuel 20:34

Aonu mae Jonatan ne thono diꞌatagna fara ne kegra haghe ka tevo na ne jifla ne tirogna ghamu ka fapea narane gaghamu igne. Mana ne diꞌanagnafa gna fara ka puhi te cheke fadiꞌani mae Devet mae kmagna na igne.