Efesus 4:22 - Buka Blahi Ka Cheke Holo

²² Tutuani, ghehati neke farirhiu ghami ghotilo mala lilisei puhi te diꞌa gna tifa teke leghuni ghotilo ka nakarhamira. Naugna puhigna tifa igne fodu ka chaichaghi nei puhi diꞌa, eghuteuna puhigna tifa na tangomana te fadidiꞌa ghami fabrahu.

Efesus 4:22 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 6:6

Tahati laseni fara igne. Nakarhada tifa na tahati jateula te tupijuru eghu balugna Kraes ke kligna gaju fafatha, mala tangomana God te roꞌeni nogna nolaghi nakhibo teke au ka nakarhada tifa na. Ka puhi igne nakhibo na theo kaisei nogna nolaghi te mala funei fruni ghita na.

Hibru 12:1

Eghume kmana naikno te fatutuani ni God re au faligoho ghita. Naugna igne tahati mala lisei fadelei nakhibo te tangomana te fanogra ghita mala chari heta fabrahu ka fangenghele te au ke uluda na.

Jemes 1:21

Eghume, koko nafnata nakhibo nei puhi te diꞌa eghu te edi ghotilo are. Thosei fahaehaghe, nu nhaꞌa fapari ghami themi nei leghuni eghu nogna farirhiu God teke farirhiu ghotilo ia. Naugna farirhiu igne ngala tangomana te fakarhi ghami ghotilo na.

Hibru 3:13

Nu fari totoghoi leghu narane. Eni igne gognaro kani au nomi narane ngau ghotilo, mala theo kaisei naikno te dofu nei meglini eghu naoglagna God na ka nogna chaichaghi mae Satan, mae ihei te batudi nagnafada ka nakhibo.

Taetus 3:3

Naugna tifa na tahati neke theome ghaoghatho fakeli, jateula naikno te theome fatutuani ni Kraes ra neku. Tutuani, tahati neke huhughu koba. Nu keha naiknore chaichaghi ghita koba mala loku jafra tahati. Tahati tifa na neke loku ranghini kolho unha te magnahaghei fara u thinida theda na. Tahati neke edi fabrahu ngala unha glepo te diꞌa nei goghotu teure. Naiknore neke theome magnahaghei ghita fara nu tahati jaola ngau neke theome magnahaghedi fara keha naiknore.

Efesus 4:25

Eghume te keli na ghotilo lilisei puhi te chaichaghi gne. Eghuteuna unha te chekeni ghotilo ka naikno khiloaure glepo te tutuani na ngala, naugna tahati te gnafa na kaisei ngala ka thinigna Kraes.

Ululahu Pita 4:3

Tifa na ghotilo neke raꞌe salaꞌui fara kate leghuni puhidi naikno te theome fatutuani ni God re, eigna ghotilo neke magnahagheni fara te jafra ka ihei na, ghotilo magnahagheni fara te eni puhi te diꞌa na, ghotilo magnahagheni fara te koꞌu waen na, ghotilo neke eꞌei gaghamu biꞌo mala ghamu nei koꞌu nei edi glepo te thono diꞌa fara re, nei ghotilo edi glepo te jafra fara kate tufru sorudi ghotilo mumujure.

Efesus 4:17

Ka nanghagna Lord, iara magnahaghei te cheke heta ka ghotilo, thosei au fabrahu jateula naikno te theome fatutuani ni God eghu. Gaoghathodire theo nafudi kolho.

Fapea Pita 2:13

Eghuteuna mare ginauna na paradi fara, eigna mae velepuhi chaichaghi igre neke kulu paradi keha naiknore. Mae velepuhi chaichaghi igre magnahaghei fara te hohoro gaghamu te diꞌa, neubane farihotei naublatha. Eghuteuna kate mei ima balumi ghotilo na, mare na famamaja ghami ghotilo fara ka nodi puhi te diꞌare. Nu mare keli tadi fara te mala chaichaghi ka nodi puhi te diꞌa tuare.

Ululahu Pita 1:18

Ghotilo laseni igne, tifa na ghotilo neke au ka nakarha te theo nafugna. Ghotilo neke hata u nafnata nakarha te diꞌa igne leghudi mae ku'emi tifa ra. Nu God neke fakarhi ghami ghotilo. Mana neke foli fapulo ghami ghotilo eidi nakarha te diꞌa teke edi ghotilo re. Mana neke theome foli fapulo ghami ka glepo tangomana te boto, jateula silva ba gol.

Kolose 2:11

Kate mei ghotilo te kaisei balugna mae Kraes na, mana ne hata fasnagla ghami ka gaoghatho te diꞌa. Kraes neke tohi fagaglana ghami ghotilo, theome tohi fagaglana fei thini nu fei tharunga.

Proveb 11:18

Jame te eni iagho unha te diꞌa na, iagho ginauna hata taba te diꞌa. Nu te eni iagho unha te doglo na, naiknore ginauna tusu ranghi nigho glepo te keli.

Thoutonu Eigna Mae Job 22:23

Kate figri fapulo iagho ka God mae ihei au nolaghi fateote'o igne na, iagho lilisei puhi te diꞌa ka nakarhamu na, eghuteuna iagho ginauna nake keli.

Efesus 2:3

Tifa na, tahati te gnafa na neke au jateula mare neku. Tahati neke diꞌa nei leghuni kolho unha te magnahagheni theda na, eigna tahati eni unha thini nei gaoghathoda te magnahagheni. Naugna igne, God nabagna te para ghita jateula keha naikno te theome leghuni mana re eghu.

Profet Obadaea 1:3

Nomi nagnafa fahaehaghe ghotilo eigna nomi nanheta na igne thofno jafra fara. Ghotilo filoni nomi namono biꞌo te au ka thogele te bara te maku ka thina igne ngala te fahaehagheni ghotilo te cheke eghu igne, ‘Theome tangomana kaisei mae te nheta nate mei te roꞌe ghami ghehati na.’

Fapea Pita 2:7

Nu God neke fakarhini mae Lot ka phei namono igre, Sodom ghe Gomora. Eigna mae Lot gne kaisei mae doglo fara, eghuteuna mana neke au diꞌanagnafa ka puhidi naikno te diꞌare.

Profet Jeremaea 49:16

Ghotilo neke famamhaghu naikno, eghuteuna ghotilo fahaehaghe ghami themi fara. Ghotilo au ka thoa ke kligna thogele, eghuteuna gaoghathomi ghotilo na, ne karha nomihi eghu. Nu gaoghatho igne theome tutuani kolho. Neuba ghotilo ne au ke kligna thogele jateula gnoku gaghata neu, nu iara ginauna atha fapari ghami ghotilo.” Igne chekegna Lord.

Galesia 1:13

Ghotilo nomhihi unha teke eni iara tifa kani au teku ka nodi puhi hatimare mae Jiura. Iara neke faheaheta fara mala paradi iheire teke fatutuani ni mae Jisas. Iara neke fariuriu roꞌeni nogna khiloau God na.

Ululahu Samuel 1:14

aonu mae Eli ne cheke eghu, “Ei! Those dranga agne mala fahaehaghe nigho themu! Iara theome magnahaghei nigho iagho te koꞌu te dranga na, kegra haghe!”

Letas Teke Riso Tei Mae Pol Ka Khiloau Rom 7:11

Eghuteuna puhi nakhibo na neke filoni kaisei nabrou ka nagnafagu iara na ne hata keha cheke ka vetula na ne saosagro ghau iara nei falehe ghau iara neu.

Jemes 1:26

Mae ihei la naikno khiloau hi thegna teu ka gaoghathogna na nu theome saghe leghu fakelini nogna cheke na teuna, mana chaghini kolho thegna nei nogna fatutuani mana na theo nafudi kolho.

Profet Jeremaea 17:9

Ihei te lase fakelini gaoghathogna naikno na? Gaoghathogna naikno na jateula kaisei fogra biꞌo te theome tangomana kaisei naikno teke famafoni ra eghu. Thiꞌagna naikno na fodu ka chaichaghi. Ihei te lase fakelini nagnafagna naikno na?

Fapea Korin 11:3

Nu iara nanga nogu fara, glahula baubatu fajafradi mare gaoghathomi ghotilo re mala theome klino nei theome namhani eghu ghotilo Kraes. Glahu jateula mogo teke saosagroni Ivi ka chekegna te chaichaghi ia eghu.

Efesus 4:31

Lilisei puhi te gnafa te poru ka nagnafamire te mala fari fadiadiꞌai; thosei cheke diꞌa ba diꞌatami; thosei fnaja fabiꞌo; thosei vuavuha cheke; thosei majora.