Efesus 4:21 - Buka Blahi Ka Cheke Holo

²¹ Ghotilo neke thofno nomhinihi eigna mae Jisas Kraes, eghuteuna ghehati neke farirhiu ghami ghotilo unha te tutuani na.

Efesus 4:21 ပူးပေါင်းရင်းမြစ်များ

Ululahu Jone 5:20

Eghuteuna tahati lasenihi Thugna God ne mei tusu ranghi ghita glalase mala laseni tahati thofno God. Eghuteuna tahati au balugna mae ihei te tutuani, tulao balugna mae Jisas Kraes. Mana thofno God nei mae ihei te tusu ranghi ghita u karha fei tifa na.

Efesus 1:13

Ghotilo jaola mala nogna naikno God kate nomhini thofno farirhiu te tutuani igne, u Nonomho te Keli eigna u thofno nakarha te malami ghotilo. Kate fatutuani ni ghotilo Kraes na, God neke tusu ranghi ghami mae Tharunga te Blahi teke nhaꞌa chekeni mana na, mala laseni ghotilo te nogna naikno mana re.

Kolose 2:7

Ghotilo kaisei balugna Kraes jateula kaisei gaju ba suga te kegra maku ke kligna glose. Eghuteuna nomi fatutuani ghotilo ka mae Kraes na mala e heta fakeli, jateula mare teke farirhiu ghami ghotilo. Eghuteuna leuleghu fata na ghotilo mala cheke fakelini mana.

Fapea Korin 11:10

Kraes na chekeni koba unha te tutuani na nei iara jaola eni tuana. Eghume te chekeni iara ka ghotilo na, ginauna theo kaisei naikno ka ghotilo te au heva heva ka Provins Akaia tangomana te tughu puhigu iara te cheke fahaehaghe igne.

Fapea Korin 1:20

Nogna nhaꞌa cheke te gnafa God re tutuani ka mae Jisas. Naugna igne tahati chekei “Amen” ka nanghagna mana mala cheke fakelini God.

Jone 14:6

Mae Jisas ne cheke eghu ka mana, “Iara nabrou na, iara tutuani na, nei iara karha na. Jare na theo kaisei nabrou heva nga te mala tei te thoke ka Mama na, mei ka iara.

Jone 10:27

Naikno te leghudi nogu cheke iara igre jateula ngau sipu te laseni naoglagna mae greireghi sipu ia eghu. Iara lasedi reꞌe nei reꞌe kafe leghu ghau iara.

Jone 1:17

God neke tusu lao vetula na ka mae Moses. Nu khokofakasai ghe tutuani re neke mei balugna mae Jisas Kraes.

Luku 10:16

“Mae ihei te nomhidi nomi cheke ghotilo re, mana ginauna na nomhidi la nogu cheke iara re. Eghuteuna mae ihei te tirogna ghami ghotilo na, mana tirogna ghau la iara. Eghuteuna mae ihei te tirogna ghau iara na, mana ginauna na tirogna nila mae ihei teke kuru mei ghau iara na.”

Matiu 17:5

Kate cheke mae Pita na, kaisei khoveo te siasigla ne kafe toku tafrudi mare. Eghuteuna ka vido tuana kaisei naogla ne mei funu ka khoveo na, ne cheke eghu, “Igne thofno mae Thugu iara na. Iara namhani mana nei keli taguni eghu mana. Ghotilo fanomho fakeli nei leghuni eghu mana!”

Nodi Khoje Hatimare Mae Jiu 45:4

King, iagho na fnakno fara nanghamu na. Iagho saghe ka hose te tei magra! Iagho ginauna na uluni magra na ka nou nolaghi te biꞌo fara. Eghume, ka puhi igne iagho na kafe toghodi nou naikno te leghudi thofno chekemu te tutuani nei puhimu te thofno doglo fara, nei farirhiudi mala namhadi nei taegodi eghu keha naiknore.

Letas Teke Riso Tei Mae Pol Ka Khiloau Rom 10:14

Nu faꞌunha eghu tangomana mare te tore ka Lord na mala toghodi, jame te theome kulu fatutuani mare na? Theome tangomana. Ba, faꞌunha eghu fatutuani mare ka Lord, jame te theome kulu nomhini mare kaisei thoutonu eigna mana na? Ba, faꞌunha eghu nomhini mare u thoutonu na, jame te theo kaisei naikno te toutonuni ka mare u Nonomho te Keli na?

Efesus 2:17

Eghuteuna Kraes neke mei toutonu u Nonomho te Keli eigna pharikeli maladi naikno te gnafa, ka ghotilo iheire te theome Jiu te au khaba ka God nei ka mae Jiu te au namo ka mana langau eghu.

Kolose 1:5

Tutuani fara, fatutuani nei namha teuna au ka ghotilo naugna ghotilo rouronu mala hata unha God tela kulu tarabanahi malami ghotilo kligna. Ghotilo laseni grouronu igne kani teke nomhini cheke te tutuani eigna mae Jisas Kraes.

Kolose 1:6

Nonomho te Keli te nomhini ghotilo igne mala toghoni nodi fatutuani naikno heva heva ka nauthoglu igne. Igne neke enila ka ghotilo, kate nomhini ghotilo u Nonomho te Keli igne nei thofno laseni gaoghathogna nogna khokofakasai God na.