Efesus 4:15 - Buka Blahi Ka Cheke Holo

¹⁵ Theo! Tahati mala cheke ranghidi kheradare unha te tutuani nei doglo balu namha, mala tangomana tahati te thofno kotu haghe te mala kaisei balugna Kraes mae ihei te pha'ugna khiloau.

Efesus 4:15 ပူးပေါင်းရင်းမြစ်များ

Ululahu Jone 3:18

Thuguro, noda namha na theome ka cheke kolho nu tahati thofno fatakleni noda namha ka unha te eni tahati ranghini kheragna fofodu.

Efesus 4:25

Eghume te keli na ghotilo lilisei puhi te chaichaghi gne. Eghuteuna unha te chekeni ghotilo ka naikno khiloaure glepo te tutuani na ngala, naugna tahati te gnafa na kaisei ngala ka thinigna Kraes.

Profet Sekaraea 8:16

“Nu igne unha te mala eni ghotilo na: Ghotilo mala cheke tutuani fabrahu ka keha naiknore. Kate fatedi ghotilo naiknore ka kot, ghotilo mala fate ka puhi te doglo nei mala au fakeli mare.

Ululahu Pita 1:22

Gognaro ghotilo fagae ghamihi themi naugna ghotilo leghuni cheke te tutuani na. Eghuteuna gognaro ghotilo jaola tangomana te namhadi kherami fofodure ka khiloau gne. Eghume te keli na ghotilo kafe namhadi naikno khiloau te gnafare ka thofno nagnafami fateo.

Fapea Pita 3:18

Nu ghotilo mala au fabrahu ka nogna khokofakasai nei glalase noda Lord Jisas Kraes. Tahati kilo fnaknoni tifa tifa nanghagna noda Lord mae ihei teke fakarhi ghita. Amen. Me gnafa. Iara, mae Pita.

Efesus 2:21

Mana thegna te loku haghe gna suga thongana igne mala au heta kate loku fodu, eghuteuna mana te mala babana fabiꞌo gna te mala Sugablahi nogna Lord.

Efesus 1:22

God lilisei gobigna lepo fateo ke parigna nogna nolaghi Kraes. God tusu ranghini Kraes u nolaghi mala pha'ugna khiloau mala jateula pha'udi eghu gobigna lepo te gnafare.

Ululahu Pita 2:2

Nu ghotilo mala jateula sua gegeꞌe te karha majaghani te magnahaghei chuꞌu ia eghu kolho. Naugna ghotilo nabami na magnahaghei farirhiu te famane klino nei bligi eghu kolho. Eghuteuna ghotilo ginauna tangomana te kotu haghe ka farirhiu igne nei ginauna hata u thofno nakarha eghu.

Letas Teke Riso Tei Mae Pol Ka Khiloau Rom 12:9

Thosei namha chaichaghi. Filo uchuni unha te diꞌa. Loku famaku ka nagnafami unha te keli.

Jone 1:47

Mae Jisas filoni mae Natanel te mei ke ulugna mana na, ne cheke eghu eigna mana, “Filoni si ghotilo. Mae igne ngala thofno mae gna Israel na, naugna mana theome tangomana te chaghi na.”

Efesus 5:23

Naugna mae nalhaꞌu na pha'ugna khetogna na, jateula Kraes te pha'ugna khiloau. Khiloau na u thinigna Kraes eigna mana neke fakarhinihi khiloau na.

Fapea Korin 4:2

Nu ghehati lisei fadelei glepo te poru ke lamnami te tangomana famamaja ghami teu, nei theome lase chaichaghi, nei theome tangomana te tuthughu chekegna God na. Ghehati farirhiuni unha te tutuani igne te falalase ghami themi ka naikno te gnafare. Mare tangomana te lase ghami ka nagnafadire te unha nafnata naikno ghehati na nei jaola ghehati thofno leghuni Lord.

Nodi Khoje Hatimare Mae Jiu 32:2

Mae ihei Lord te theome filoni kaisei najafra ka nakarhagna na nei theome leghuni puhi te chaichaghi na teuna, mae tuana thono keli tagna fara.

Jajis 16:15

Aonu Delila ne tanhi eghu ka mana, “Samson, faꞌunha eghu iagho chekeni, iagho ne thofno namha ghau iara teuna? Iagho la ghilei thilo fata chaghi ghau iara! Naugna unha sagho te theome chekeni ka iara unha te eni ka iagho te rheta fara gnea?”

Fapea Korin 8:8

Iara theome lisei soru kaisei vetula ranghi ghami. Nu kate toutonu ka ghotilo na iara eni igne mala laseni ghotilo eidi naikno khiloau te au Masidonia, mare magnahaghei fara te toghodi keha naiknore. Uve, iara neke eni igne naugna iara magnahaghei te filoni glahula te au thofno namha na ka ghotilo nanaba ka mare.

Profet Malakai 4:2

Nu ghotilo naikno te ghatho tahuni nanghagu iara na igre nogu nolaghi iara na ginau soru mei ke klignami ghotilo jateula naphaegna naprai te agha soru mei funu klignara eghu mala fablahi ghami ghotilo. Eghume, ghotilo ginauna na snagla nomi nei glealeꞌa nomi eghu, jateula sua buluka te jifla balu glealeꞌa ka bara na te ghasa tafri ra eghu.

Ululahu Korin 11:3

Nu iara magnahaghe ghami ghotilo te mala lase fakelini eigna God na pha'ugna Kraes, eghuteuna Kraes na pha'ugna nalhaꞌu eghuteuna nalhaꞌu na pha'ugna khetogna na.

Efesus 1:4

Ka narane theome vuavuha nga teku nauthoglu gne God neke vahi ghita mala nogna thegna kate kaisei tahati balugna Kraes. Tutuani, God neke vahi ghita mala naikno blahi nei theo kaisei najafra ke ulugna mana.