Efesus 4:14 - Buka Blahi Ka Cheke Holo

¹⁴ Kate kotu haghe te naikno biꞌo na, tahati ginauna theome jateula vaka te pala tafri ka nuri ba galo biꞌo ia eghu. Tahati ginauna theome tangomana te ghosei leghuni u nafnata farirhiu te chaichaghi na. Neuba hatimare mae velepuhi chaichaghi are ne magnahaghei chaghi ghita tahati kolho mala leghuni tahati nabrou te jafra na.

Efesus 4:14 ပူးပေါင်းရင်းမြစ်များ

Hibru 13:9

Eghume thosei ke riu ka keha nafnata puhi majaghani te jafra. Eigna ghotilo ginauna na snivi ka nabrou te doglo. Nu snakreni God mala farheta ghami ka nogna khokofakasai na. Nu nafnata vetula eigna gano na, theome tangomana te farheta ghita, nei theome eni kaisei glepo te kelila ranghidi iheire te leghudire.

Ululahu Korin 14:20

Kheraguro, puhimi ghotilo re mala klino jateula sua eghu. Thosei edi glepo te diꞌare. Nu ghotilo mala au jateula mae tela biꞌohi eghu ka puhimire ka khiloau gne, thosei ghaoghatho jateula mae sua eghu.

Ululahu Jone 4:1

Uve kheraguro, gognaro na kmana mae profet chaichaghi ka nauthoglu gne. Eghume kate toutonu naiknore, thosei fatutuani nodi cheke te gnafare, nu faglanidi eghu glahula gaoghatho te au ka mare tuare neke mei funu ka God.

Fapea Korin 2:17

Ghehati theome jateula kmana naikno te magnahaghei sileni kolho kate toutonuni chekegna God na ia eghu sia. Theo. God neke vahi ghami ghehati, eghuteuna ghehati chekeni koba ka nagnafa te tutuani ke ulugna mana. Ghehati toutonuni chekegna mana na naugna ghehati nogna mae gloku Kraes.

Jemes 1:6

Nu kate tore ka God na, ghotilo fatutuani ni God nei thosei ghatho peapea. Naugna mae ihei te ghatho peapea na, mana khogla jateula galo te haghe nei ke soru teu ka nuri na ia eghu kolho.

Efesus 6:11

Fahaghe nomi gobigna lepo mala magra teke tusu ari God ka ghotilo are mala nabami te kegra fanogradi nogna saosagro te diꞌa mae Satan.

Matiu 24:24

Naugna ginauna hatimare mae Kraes chaichaghi nei hatimare mae profet chaichaghi teu igre ginauna thakle mei. Mare ginauna edi kmana glepo te biꞌo nei kofubobhoi biꞌo eghu ka naiknore, mala fariuriu chaghidi nei baubatu fadiꞌadi eghu naikno te gnafa teke vavahi God re. Nu theome tangomana eghu.

Fapea Timoti 4:3

Naugna ginauna tahati na thoke ka narane nate tirodi fanomho naiknore ka thofno farirhiu na, nu naiknore ginauna leghudi kolho nodi gaoghatho thedire. Eghuteuna mare ginauna hiro mae velepuhi tafri mala nomhini kolho u farirhiu te magnahagheni thedi na.

Letas Teke Rioriso Mae Jud 1:12

Kate ei famane gaghamu ghotilo fagaglana gna nomi namha biꞌo na eghuteuna te mei mare me ima fodu balumi ghotilo teuna, mare famamaja ghami ghotilo fara ka puhidi te diꞌare. Ka vido tuare mare ghathodi thedi kolho. Naikno tuare jateula khoveo te pala te mei nuri ia eghu kolho, nu theo kaisei nakhete te mei na. Eghuteuna mare jateula gaju te theome ure kate thoke mei nhigra dira eghu kolho. Eghume mae glokure ginauna na rathu koko naikno tuare mala koko lao ka khaꞌaghi. Mae velepuhi chaichaghi igre jateula gaju tela botohi ia eghu.

Thakle 19:20

Nu kate magra na, mae ihei te saghe ka hose vegha na igne ne hata bosu na, balugna mae profet chaichaghi na. Mae profet chaichaghi igne mana neke eꞌei kofubobhoi ke ulugna bosu na tifa. Eghuteuna ka puhi igne mana chaichaghidi fara naiknore teke hata mare fagaglana gna bosu na nei pogho soru ka mumuju gna na. Aonu mae profet chaichaghi ghe bosu gre karha neu ne koko lao mare ka kholo khaꞌaghi te ngire ka thina te ngaja na.

Galesia 3:1

Ghotilo naikno fameomekro ka namono Galesia! Naugna cheke eigna mae Jisas Kraes teke lehe ke kligna gaju fafatha ia la mei glolahi ka ghotilo. Neuba keha naikno neke nunughere ghami ghotilo mala fameomekrodi gaoghathomi ghotilo re!

Matiu 24:11

Kmana profet chaichaghi ginauna thakle mei. Mare na batu fadiꞌadi naikno kmana mala fatutuanidi kolho glepo te chaichaghire.

Ululahu Jone 2:26

Iara riso ari ka ghotilo letas igne eidi iheire te fariu batu fadiꞌa ghami ghotilo.

Fapea Timoti 3:13

Tutuani fara, naikno te diꞌa nei mae velepuhi chaichaghi teu igre ginauna diꞌa fara puhidire. Mare ginauna chaghidi koba naiknore, nu mae Satan ginauna nake chaghi fapulo dila mare.

Profet Isaia 28:9

Kate nomhidi mare nogu cheke iara igre, mare ne cheke eghu balu diꞌatadi ka iara, “Mae igne magnahaghei te farirhiuni mae ihei signea? Mae ihei gne te magnahaghei fanomho ka nogna cheke mana re? Ghehati theome sua ikoi te chuꞌu nga teu ka idogna na ia sia!

Fapea Korin 4:2

Nu ghehati lisei fadelei glepo te poru ke lamnami te tangomana famamaja ghami teu, nei theome lase chaichaghi, nei theome tangomana te tuthughu chekegna God na. Ghehati farirhiuni unha te tutuani igne te falalase ghami themi ka naikno te gnafare. Mare tangomana te lase ghami ka nagnafadire te unha nafnata naikno ghehati na nei jaola ghehati thofno leghuni Lord.

Matiu 11:7

Aonu, ke leghugna teke pulohi nogna mae fanomho Jone igre, mae Jisas ne toutonu eigna mana ka naiknore. Mana ne ghusna eghu ka mare, “Ghotilo teke tei ka namono nagou ia unha nafnata naikno teke tei filoni ghotilo jare na? Ghotilo neke tei filoni kaisei mae jateula fora te blele tafri kau nuri ra neku? Theo!

Ululahu Korin 12:2

Uve, ghotilo laseni kani au teku ghotilo ka nodi puhi iheire te theome fatutuani God ra, mae Satan neke batu fadelei ghami te mala pogho soru ghotilo ka mumuju te theo karha tadire.

Mae Khuru 23:21

Nu thosei fatutuanidi mare! Naugna naba phiatutu mae salaꞌui poru ofou mala faleheni mae Pol. Mare la kulu enihi kaisei nhaꞌa cheke biꞌo mala theome ghamu ba theome koꞌu ghilei faleheni mana! Gognaro mare ofoniu kolho chekemu iagho na.”

Profet Maeka 7:2

Uve, jateula nafnata puhi tuana eghu mana theome tangomana te filoni kaisei gano na, ka kantri igne, theo kaisei naikno te leghuni puhigna God te doglo na. Theo kaisei naikno te ghatho tahuni God. Naikno te gnafa gre ofou kolho te mala aknu faleheni keha mae na. Mare jateula mae ihei te horo phighoro te mala fakhale nanghaji ra eghu chaghidi kheradi thedi re.

Nodi Khoje Hatimare Mae Jiu 59:3

Filo sagho. Mare poru mala falehe ghau iara. Mae te diꞌa igre mare khapru poru au mala magri ghau iara. Lord, iara gne neke theome eni kaisei najafra nei neke theome huhughuni eghu nou vetula iagho na, ba iara neke theome eni kaisei nakhibo. Nu mare ghosei ne tei poru mala magra ka iara.

Nodi Khoje Hatimare Mae Jiu 10:9

Mana poru efrau jateula lion te efra teu ka gluma thina ra eghu. Mana poru ofodiu iheire te kuma mala fakhaledi ka nogna phighoro na, mala korho teidi delei.

Ululahu Jone 2:19

Nogna naoka mae Kraes gre neke au baluda tahati. Nu gognaro na mare la jifla koko ghitahi. Naugna mare theome thofno nogna tothoghei tahati gne. Jame thofno nogna tothoghei tahati gne na, mare au ngau baluda tahati. Nu mare tei koko ghita tahati, eghume gaglana fara te theo kaisei mae ka mare tarabana te mala leghuni mae Kraes baluda tahati na.

Fapea Pita 2:18

Mare fahaehaghedi fara eidi nodi cheke te theo nafudire. Mare batudi keha naiknore mala eni unha te diꞌa na ka thinidire. Ka puhi igre mare korho fapulodi naikno teke funu rikha kokodihi puhi te diꞌare.

Jemes 3:4

Eghuteuna, ghotilo laseni u vaka biꞌo ia. Neubane nuri biꞌo ngau, vaka na tangomana te tei ke kligna thongna na. Naugna kaisei thaba ikoi ngala te batuni vaka biꞌo na te mala tei thoke ka namono aheva teke magnahaghei tei mae kapten na.

Ululahu Timoti 3:6

Nu mae mala baubatu na theome mae ihei teke ruma meila ka khiloau, na eghunu fahaehaghe fara mana eghu, eghuteuna God ginauna fate faleheni mana jateula teke eni tifa ka mae Satan ia eghu.

Fapea Timoti 1:15

Iagho lasedi mae Fijela ghe mae Hemojeni baludi keha naikno ka Provins Esia mare la tei koko ghauhi iara.

Ululahu Korin 3:19

Naugna nogna glalase te keli nauthoglu gne theo nafudi kolho ka God. Tutuani, grioriso te blahi na cheke eghu, “God ginauna fatedi mae glalase te lase chaghi re.”