Efesus 4:13 - Buka Blahi Ka Cheke Holo

¹³ U gloku igne na theome gnafa ghilei kaisei ngala tahati hui ka fatutuani nei ka glalase eigna Thugna God. Eghuteuna tahati ginauna naikno puhi nei kotu haghe jateula Kraes ka nakarhagna eghu.

Efesus 4:13 ပူးပေါင်းရင်းမြစ်များ

Kolose 1:28

Eghume, ghehati toutonuni u Nonomho te Keli eigna mae Kraes na koba ranghidi naikno te gnafare, nei ghehati cheke faheta nei famane farirhiudi eghu koba. Ghehati cheke ka gaoghatho te keli mala tangomana te toghodi mare te gnafa na mala kotu haghe nei nheta ka nodi fatutuani na ka mae Kraes.

Jone 17:21

Mama, iara kafe taraidi naikno te fatutuani ghau iara gre mala kaisei ngala mare, jateula iagho te au balugu iara nei iara au balumu iagho. Iara tore nigho iagho mala kaisei ngala mare baluda tapa, eghuteuna naiknogna nauthoglu igne ginauna fatutuani nigho iagho mae teke kuru mei ghau iara gne.

Efesus 4:5

Jare na kaisei Lord, kaisei fatutuani, nei kaisei apublahi.

Efesus 4:3

Tharunga te Blahi na salo fodu ghami ka puhi pharikeli. Hati nhetami na mala au ka puhi tuana ke lamnami.

Fapea Pita 3:18

Nu ghotilo mala au fabrahu ka nogna khokofakasai nei glalase noda Lord Jisas Kraes. Tahati kilo fnaknoni tifa tifa nanghagna noda Lord mae ihei teke fakarhi ghita. Amen. Me gnafa. Iara, mae Pita.

Kolose 2:2

Iara eni igne mala heta ghotilo nagnafamire nei au fodu ghotilo kau namha. Ka puhi igne, ghotilo thofno lase fakelini mae ihei God teke theome falalaseni tifa, mae igne Jisas Kraes thegna.

Hibru 5:14

Nu ihei te ghamu gano te maku na mana jateula mae tela biꞌohi eghu. Nafnata naikno tuana au fabrahu tagna gaoghatho te keli mala laseni unha glepo te keli ba unha glepo te diꞌa.

Filipae 3:8

Uve, iara magnahaghei te lisa faleghu te gnafa gobigna lepo teke ghatho tahudi iara kau nauthoglu igne. Naugna gognaro na iara thofno lase fakelini mae Jisas Kraes. Eghume te laseni iara na glepo tuare theo nafudi kolho. Tutuani fara, glepo igre jateula chara eghu ka gaoghathogu iara na. Eghuteuna iara magnahaghei te koko fadelei glepo tuare naugna iara magnahaghei te loku ranghini nogu Lord Jisas Kraes,

Ululahu Korin 14:20

Kheraguro, puhimi ghotilo re mala klino jateula sua eghu. Thosei edi glepo te diꞌare. Nu ghotilo mala au jateula mae tela biꞌohi eghu ka puhimire ka khiloau gne, thosei ghaoghatho jateula mae sua eghu.

Efesus 1:23

Eigna khiloau na thinigna Kraes, eghuteuna ka thini tuana te au mae ihei te au nolaghi ke klignadi gobigna lepo te au heva heva.

Mae Khuru 4:32

Naikno te fatutuani ni mae Jisas re ne kaisei nagnafa ngala nei kaisei gaoghatho ngala. Theo kaisei naikno te chekeni ne khotogna thegna ngala kaisei glepo teuna. Nu mare tufa gobigna lepore.

Profet Sekaraea 14:9

Lord ginauna King ka nauthoglu igne. Ka narane tuana, Lord ngala God na, eghuteuna naikno te gnafa heva te heva ka nauthoglu igne ginauna pogho soru ka mana kolho.

Ululahu Jone 5:20

Eghuteuna tahati lasenihi Thugna God ne mei tusu ranghi ghita glalase mala laseni tahati thofno God. Eghuteuna tahati au balugna mae ihei te tutuani, tulao balugna mae Jisas Kraes. Mana thofno God nei mae ihei te tusu ranghi ghita u karha fei tifa na.

Profet Sefanaea 3:9

“Ka Narane igne, iara ginauna tusu lao gaoghatho majaghani ka naikno te au ka kantri igre. Uve, gaoghathodi naikno igre ginauna majaghani mala pogho soru ghau iara, nei mala kaisei nagnafa eghu mala leghuni chekegu iara na.”

Efesus 4:12

Mana neke eni igne mala tangomana nogna naikno te gnafa God re te mala loku fakelidi nogna glokure, nei mala kotu heta thinigna Kraes.

Efesus 2:15

Mana neke hata koko nodi vetula hatimare mae Jiu gre baludi keha nafnata grereghidi vetulare mala theome fotadi naikno te theome leghudire ka naikno te leghudire. Ka puhi igne, mana neke hata fodu phei nafnata naikno igre mala kaisei nafnata naikno majaghani balugna thegna nei mala au kau pharikeli.

Fapea Korin 4:6

Naugna God neke chekeni naphae na mala siasigla kate romno na, eghuteuna God tuanala te fasigla mei u naphae gna na ka nagnafami ghehatire. Mana eni igne mala lase fakelini ghehati nogna nolaghi biꞌo God te sigla mei ka thinigna Kraes.

Ululahu Korin 1:10

Kheraguro, gognaro na iara cheke heta ka nanghagna noda Lord Jisas Kraes. Iara tore ghami fara ghotilo mala thosei eni ghotilo nafnata puhi te fnota tafri ghotilo igne. Te keli na ghotilo jame ke funu loku fodu ka kaisei nagnafa nei kaisei gaoghatho ngala.

Jone 17:3

Eghuteuna karha fei tifa igne gaoghathogna na naiknore mala lase nigho, iagho kaisei God ngala te tutuani, eghuteuna naiknore mala lase ghau la iara mae Thumu Jisas Kraes, mae teke kuru mei iagho kau nauthoglu igne.

Jone 16:3

Mare ginauna edi glepo igre ka ghotilo naugna mare theome lase ghami ghepa mae Mama.

Profet Isaia 53:11

Ke leghugna te au papara na, mana ginauna nake gleale'au, naugna mana laseni la mana theome fiti au papara kolho. Puhigna nogu mae gloku iara igne thofno doglo fara, mana ginauna toghodi kmana naikno mala jaola doglo, eghuteuna mana au papara eidi nakhibodi naiknore.

Matiu 11:27

Mae Jisas ne cheke eghu, “Mae Kmagu iara na la lisa meihi ka khamegu iara gobigna lepore. Theo kaisei naikno te thofno laseni mae Thugna God na, mae Mama thegna ngala. Tutuani, theo kaisei naikno te thofno laseni mae Mama na, kaisei mae Thugna ngala. Nu iheire ngala teke vahidi iara ginauna cheke ranghidi eigna mae Mama, eghuteuna mare ginauna jaola laseni mae Mama.

Jone 1:16

Tutuani fara, mae igne thofno mae keli fara, naugna mana ne edi fabrahu glepo te kelire ranghi ghita tahati hui.

Jone 6:69

Gognaro ghehati fatutuani nigho iagho. Ghehati laseni nigho iagho mae blahi neke mei funu ka God.”

Ululahu Korin 2:6

Tutuani, u cheke glalase te farirhiu iara ranghidi iheire te kotu haghe tela biꞌohi nakarhadire ka khiloau na igne theome nodi glalase iheire te lalase fara kau nauthoglu igne nei nodi iheire mae te nolaghi te funei frunini nauthoglu igne. Eghuteuna mare ginauna na ari luvu kolho.

Galesia 4:19

Thuguro, iara haimini fabrahu eigna iara jateula gaꞌase te namo fakarha sua ia eghu. Naugna iara kabru ghegu fara, eigna iara ofoni narane te mala thofno leghuni ghotilo puhigna mae Jisas Kraes.

Efesus 1:17

Eghuteuna iara toreni God koba, Kmagna noda Lord Jisas Kraes, mala tusu ranghi ghami nogna Tharunga te Blahi na mala tangomana ghotilo te filo glani puhigna God na, nei thofno laseni mana.

Filipae 3:10

Eghume unha te magnahagheni iara gognaro na, iara magnahaghei te lase fakelini mae Kraes nei u nolaghi teke karha fapulo mana kau glehe ia. Iara magnahaghei jateula mana eghu narane teke au papara nei lehe teku mana.

Fapea Pita 1:4

Ka puhi igne mana neke tusu ranghi ghita glepo te keli fara teke nhaꞌa cheke ranghi ghita. Eigna ka glepo igre tahati au noda nolaghi te mala rikhadi nodi nafnata puhi te diꞌa naiknogna nauthoglu igne. Eghuteuna tahati na tangomana te salofodu ka nakarhagna nei puhigna eghu God te thofno keli fara.