Efesus 4:11 - Buka Blahi Ka Cheke Holo

¹¹ Eghuteuna Jisas mae ihei teke tusu mei ka tahati u khokofakasai te mala loku ranghini God. Mana neke vavahi keha mae mala khuru, keha mae mala profet, keha mae mala toutonu eigna Nonomho te Keli, keha mae mala velepuhi nei reireghini nogna khiloau na.

Efesus 4:11 ပူးပေါင်းရင်းမြစ်များ

Profet Jeremaea 3:15

Iara ginauna vavahi keha mae te keli ka iheire te leghuni puhigu iara na mala batu ghami ghotilo.

Efesus 2:20

Tahati naikno khiloau na jateula kaisei suga teke horo God eghu. Suga igne babana famaku ke klignadi hatimare mae khuru nei hatimare mae profet, jateula gogho thina eghu, eghuteuna thofno thina ulugna suga igne thegna mae Jisas Kraes ngala.

Fapea Timoti 4:5

Nu iagho ghaoghatho fakeli leuleghu fata na, nei kegra maku ka narane nate thoke mei tamu naꞌau papara na. Eghuteuna iagho heta ka gloku igne mala toutonu eigna u Nonomho te Keli na nei loku fahui nou gloku blahi teke tusu ranghi nigho God na.

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Mae Khuru 20:28

Eghume filo fakeli ghami themiu, baludi naikno te gnafa teke lisa ari mala reireghidi ghotilo teku mae Tharunga te Blahi are. Ghotilo mala jateula mae greireghi sipu eghu mala reireghi fakelini nogna khiloau God teke fofoli ka glehegna mae Thugna ia.

Efesus 4:8

Naugna igne grioriso te blahi na ne cheke eghu agne, “Kate haghe kligna ka thofno namono na, mana na sesekai kmana naikno balugna. Eghuteuna tusu lao khokofakasai ka naiknore.”

Efesus 3:5

Tifa na God neke theome chekeni ka naiknore eigna u gaoghatho teke poru igne. Nu gognaro na Tharungagna God na la falalasehi ka hatimare nogna mae khuru te blahi nei hatimare nogna mae profet.

Letas Teke Riso Tei Mae Pol Ka Khiloau Rom 12:7

Jame te hata tahati u khokofakasai te mala toghodi naiknore, tahati mala toghodi naiknore. Jame te hata tahati u khokofakasai te mala farirhiu na, tahati mala farirhiu.

Fapea Kronikols 15:3

Lord na noda God tahati maeda Israel. Mana ngala te God tutuani na, nu kuꞌeda tahati ra la raugha te theome tarai ka mana na. Mare theo mae pris te mala farirhiudi re, eghuteuna mare jaola theome lasedi nogna vetula God re.

Hibru 5:12

Ghotilo naikno khiloaumi funu tifahi, eghuteuna ghotilo jame nabamihi te velepuhi na. Nu nabagna na kaisei mae ke pulo mei mala farirhiu ghami ghotilo eidi glepo ulu lahu teke nomhidihi ghotilo eigna mae Kraes. Ghotilo jateula sua te chuꞌu teu kolho te theome naba te ghamu gano te maku ia eghu puhimire.

Thakle 18:20

Eghuteuna engel ne cheke eghu, “Gleale'a ka ghotilo te au kligna baludi nogna naikno God ra! Gleale'a ka ghotilo hatimare mae khuru nei hatimare mae profet! Naugna God neke fateni namono igne eidi puhi te diꞌa teke edi naꞌa ka ghotilo ra.”

Mae Khuru 21:8

Ghehati jifla jare neke tei ka namono biꞌo Sisaria. Jare ghehati ne tei ka sugagna mae Filip ne au balugna mana. Mae Filip gne kaisei mae ka hatimare fitu mae thotogho teke vavahi mare tifa Jerusalem. Mae Filip gne nogna gloku na mala toutonuni u Nonomho te Keli na.

Mae Khuru 13:1

Igre mae profet nei mae velepuhi eghu te au ka khiloau Antiok re: mae Banabas; nei mae Simion mae te kiloni mae Pipito; nei mae Lusias mae gna Saerini; nei mae Manaen mae ihei teke biꞌo haghe balugna mae funei Herod Antipas; nei mae Sol.

Thakle 21:14

Gringnigna namono igne mare babana ke klignadi nabotho phei thina. Ke klignadi thina igre mare rioriso nanghadi nabotho phei nogna khuru mae Lam.

Letas Teke Rioriso Mae Jud 1:17

Uve kheraguro, thosei ghatho ihodi cheke teke edi hatimare nogna mae khuru noda Lord Jisas Kraes tifa ra.

Ululahu Korin 12:4

Jare na soasopai nafnata khokofakasai, nu kaisei Tharunga te Blahi ngala teke tusu meidire eghu.