Efesus 3:20 - Buka Blahi Ka Cheke Holo

²⁰ Nogna nolaghi God te loku ka nagnafada gre tangomana te eni glepo te ulu fara ka unha tahati te toreni ba ghathoni.

Efesus 3:20 ပူးပေါင်းရင်းမြစ်များ

Fapea Korin 9:8

God tangomana te tufa te salaꞌui unha te nabami ghotilo re. Eghuteuna igne kaisei fablahi biꞌo fara ka ghotilo! Ghotilo ginauna au kmana nomi gobigna lepo fabrahu, eghuteuna ghotilo jaola tangomana te au naba glepo te mala tufa ka gloku keli te gnafare.

Letas Teke Riso Tei Mae Pol Ka Khiloau Rom 4:21

Naugna mae Ebraham thofno laseni ngala God te theome ghatho ihoni nogna nhaꞌa cheke na.

Profet Jeremaea 32:27

“Iara Lord, nodi God naikno te gnafa ka nauthoglu igne. Theo kaisei glepo te ninhigrana ranghi ghau iara na.

Letas Teke Rioriso Mae Jud 1:24

Uve, kaisei God ngala tangomana te reireghi ghami te mala leghuni fabrahu mae Kraes. Kaisei mana ngala tangomana hata ghami te tei ka nogna famane namono kligna na. Jare ghotilo ginauna na au gleale'a fara, naugna jare na ghotilo na theo kaisei glepo te jafra ke ulugna God.

Ululahu Korin 2:9

Nu grioriso te blahi na cheke eghu, “Unha God teke kulu tarabana maladi naikno te namhani mana re, theo kaisei naikno te filoni ba nomhini na. Theo kaisei naikno teke ghathoni unha nate thoke mei ginauna.”

Efesus 1:19

Jaola mala filo glanini ghotilo thofno nogna nolaghi te heta fara te loku ke lamnadi iheire te fatutuani ni mana. Nolaghi biꞌo te loku ke lamnada igne u nolaghi teke fakarha fapuloni mae Kraes kau glehe ia, eghuteuna fagnokroni ka sape nafnakno fei nhetagna kligna.

Profet Jeremaea 32:17

“Lord God, iagho neke vuavuha maloa ghe nauthoglu igre ka nou nolaghi biꞌo. Theo kaisei glepo te ninhigrana ka iagho na.

Hibru 7:25

Naugna igne mana gognaro te haghe na au nolaghi te mala fakarhadi naikno te mei ka God re naugna mare ne fatutuani ni mae Jisas. Mae Jisas tangomana te mala fakarhadi naugna mana karha fabrahu, eghuteuna mana mala taraidi mare ka God Kmada.

Efesus 3:7

Ka nogna nolaghi, God neke tusu mei ka iara khokofakasai mala toutonuni u Nonomho te Keli igne. Tutuani, neubane iko lahu ngau iara ka nogna naikno God gre, God vahi ghau iara ka nogna khokofakasai na mala tei ka naikno te theome Jiu gre mala toutonuni Nonomho te Keli eidi nogna gloku te keli fara Kraes te theome naba tahati te lasedire.

Ululahu Kings 3:13

Eghuteuna iara ginauna jaola tusu ari ka iagho keha nafnata glepo teke theome toredi iagho re: Iagho ginauna dedei fara, eghuteuna naiknore ginauna ghatho tahu nigho fara ke tulaodi puhi teke ghatho tahudi mare keha mae king ra.

Jenesis 17:1

Kate nheva salei nheva finogha gnahi mae Ebram na, Lord ne thakle ka mana ne cheke eghu, “Iara God te nolaghi fara. Iagho mala leghu ghau iara fabrahu, nei eni unha te doglo ka tathagu iara na eghu.

Profet Daniel 3:17

Nu God mae ihei te pogho soruni ghetilo na ginauna fakarhi ghami ghetilo ka khaꞌaghi te brana fara tuana, nei fakarhi ghami ka nou nolaghi iagho na.

Kolose 1:29

Te mala eni igne na iara loku heta fara. Iara loku heta, eigna iara loku ka nolaghi teke tusu ranghi ghau mae Kraes.

Fapea Kronikols 25:9

Nu Amasaea ne ghusna eghu ka profet, “Ba, na faꞌunhadi tahati sileni teke tusu laohi te mala folidi mare ra?” Aonu nogna mae gloku God na ne cheke eghu ka mana, “Lord tangomana te tusu ari kmana ka iagho salaꞌudi teke koko iagho re!”

Jone 10:10

Mae nablau na mei kolho mala blau nei falelehe nei mala lalamadi eghu kolho naiknore. Nu iara gne mei mala tufa ka mare u thofno karha te theo ka huigna na. U nafnata karha te fodu kau glepo te keli.

Eksodas 34:6

Mana mei ne tei salaꞌu ke ulugna Moses, eghuteuna mana ne cheke eghu, “Iara Lord! Nei iara God. Leuleghu fata na iara kokhonidi naiknore, eghuteuna iara keli fara ka mare. Iara theome ghosei diꞌatagu, eghuteuna leuleghu fata na iara namhadi nogu naiknore nei ghatho tahudi fara mare.

Jemes 4:12

Nu thegna God ngala mae ihei te khotogna u vetula na eghuteuna tangomana te mala fate fakelini naikno na. Mana thegna tangomana te fakarhini mana ka puhi te diꞌa na nei tangomana te faleheni mana na. Eghume ghotilo thosei fateni mae ihei te keli na nei mae ihei te diꞌa na naugna tuana nogna gloku thegna God ngala.

Ululahu Timoti 1:14

Nu mae Jisas Kraes noda Lord neke bruara khokofakasai te biꞌo ke klignagu iara eghuteuna tusu ranghi ghau iara fatutuani nei namha maladi naiknore.

Profet Daniel 6:20

Kate tei namo ka khora igne, mana ne nanga nogna fara ka mae Daniel, aonu mana ne eha eghu fabiꞌo, “Daniel! Iagho nogna mae gloku God mae ihei te karha te tifa. Ba, God mae ihei te leghuni nei turupuku ranghini teu iagho igne mana la fofotho foflodi lion are la theome ghamu nigho?”

Hibru 11:19

Naugna mae Ebraham fatutuani ni God mae ihei te au nolaghi te mala fakarha fapulodi naikno teke lehehire. Tutuani fara, mae Isak gne jateula kaisei naikno teke karha fapulo neke pulo ka mae Ebraham.

Profet Isaia 55:7

Ghotilo iheire te leghudi puhi te diꞌa ra, ghotilo koko puhi te diꞌa tuare. Ghotilo koko gaoghatho te diꞌa tuara mala ke pulo mei ka Lord noda God, mala kokhoni ghami nei hata fadeleidi nakhibomi ghotilore eghu mana.

Fapea Pita 1:11

Eghuteuna God ginauna tangomana te thofno snakre ghami mala ruma ka nauthoglu majaghani te theo ka huigna. Ka nauthoglu igne noda Lord nei fakarhaida Jisas Kraes na King fabrahu tifa tifa.

Profet Isaia 35:2

Namono nagou igre ginauna famane keli fara, eghuteuna reꞌe ginauna glealeꞌa na eha fabiꞌo. Naiknore ginauna cheke fahaehagheni namono igne jateula teke cheke fahaehagheni mare kantri Lebanon ia eghu, eghuteuna mare ginauna na jaola ghatho tahuni namono igne, jateula mare teke ghatho tahudi phei namono Kamel ghe Saron. Naikno te gnafare ginauna filoni nogna nolaghi biꞌo Lord na. Nogna nolaghi biꞌo God igne ginauna agha soru ka mare.

Matiu 3:9

Thosei chekeni koba ghotilo ne doglohi ke ulugna God naugna ne vikegna mae Ebraham themi teuna. Naugna te chekeni iara ka ghotilo na, God na tangomana te ei vikegna mae Ebraham ka thina te filodi ghotilo igre!

Fapea Samuel 7:19

Eghuteuna Lord God, glepo te chekedi iagho eidi nauthuꞌu nauriha ka vikegu iara igre keli fara salaꞌudi glepo teke edi iagho ka iara tifa ra. Iara naikno kolho, nu iagho Lord God, iagho eni kaisei glepo te thofno ulu fara ka iara.

Famane Khoje 5:1

Kheraguo, iagho khetogu iara. Iara meihi lamna ka nogu nagare na. Iara atha khakladi te famane sisiri nei glaghobe. Iara kelitagu fara te ghamu ghegu famane jurukuli. Iara koꞌu waen balu milk. Ghopa kheraguro, ghopa mala ghamu fodu, nei koꞌu fodu, eghu ghilei thofno boho ghopa ka nomi namha na.

Jenesis 18:4

Iara ginauna na chekeni kaisei nogu mae gloku mala hata mei keha khoꞌu te mala titihi ghahe ghotilo na. Ghotilo tangomana te lao gnafa nomi ghu ke parigna u gaju igne.

Fapea Kronikols 9:12

Eghuteuna King Solomon ne tusu ranghini Kuin gna Seba unha teke toredi naꞌa re. Aonu mana ne tusu ranghini la ngau keha glepoi ka naꞌa salaꞌudi unha Kuin teke tusu ranghini mana re. Aonu Kuin neke pulo ka nogna kantri na baludi nogna mae glokure.