Efesus 3:19 - Buka Blahi Ka Cheke Holo

¹⁹ Iara toreni God mala fodu e salaꞌui ghotilo ka puhigna God thegna kate lase fakelini ghotilo nogna namha Kraes igne. Iara toreni igne neubane theo kaisei naikno tangomana te thofno ruruthani ba thofno lase fakelini u namha igne!

Efesus 3:19 ပူးပေါင်းရင်းမြစ်များ

Efesus 1:23

Eigna khiloau na thinigna Kraes, eghuteuna ka thini tuana te au mae ihei te au nolaghi ke klignadi gobigna lepo te au heva heva.

Kolose 1:10

Aonu ghotilo ginauna au ka nafnata nakarha te doglo fara ke ulugna Lord nei jaola fagleꞌani mana ka puhimire. Ghotilo tangomana te edi kmana nafnata gloku te keli nei lase fakelini God.

Fapea Korin 5:14

Nogna namha Kraes na sagheleghu ghami ghehati. Naugna ghehati laseni kaisei Kraes ngala teke lehe tughu ghita te gnafa na. Eghume tahati te gnafa na jateula te lehe balugna mana eghu.

Jone 1:16

Tutuani fara, mae igne thofno mae keli fara, naugna mana ne edi fabrahu glepo te kelire ranghi ghita tahati hui.

Filipae 4:7

Eghuteuna God ginauna tusu ranghi ghami ghotilo pharikeli te biꞌo uludi noda glalase tahati re. U pharikeli igne ginauna au ka nagnafami nei gaoghathomi teu ghotilo re mala theome nanga nomi ghotilo, naugna ghotilo kaisei ngala balugna mae Jisas Kraes.

Galesia 2:20

Faꞌunha? Eigna iara jateula tela lehehi eghu balugna mae Kraes ke kligna gaju fafatha. Neubane eghu ngau, iara karhau ngala naugna mae Kraes te au ke lamnagu iara. Iara fatutuani ni mae ihei teke namha ghau iara nei lehe tughu ghau iara.

Efesus 5:2

Ghotilo mala biꞌo nomi namha na jateula Kraes eghu ka nagnafamire. Eigna mana namha ghita fara neke snakreni thegna neke lehe eida tahati jateula kaisei fafara te keli tagna God. Jateula mare te fafara nafnahi ka mana te sisiri keligna nei gleꞌani mana teu ia eghu.

Fapea Pita 3:18

Nu ghotilo mala au fabrahu ka nogna khokofakasai nei glalase noda Lord Jisas Kraes. Tahati kilo fnaknoni tifa tifa nanghagna noda Lord mae ihei teke fakarhi ghita. Amen. Me gnafa. Iara, mae Pita.

Jone 17:3

Eghuteuna karha fei tifa igne gaoghathogna na naiknore mala lase nigho, iagho kaisei God ngala te tutuani, eghuteuna naiknore mala lase ghau la iara mae Thumu Jisas Kraes, mae teke kuru mei iagho kau nauthoglu igne.

Matiu 5:6

Keli tadi iheire te magnahagheni fara te eni unha te keli te magnahagheni God. Naugna God ginauna toghodi mare te mala eni igne.

Efesus 5:25

Ghotilo mae tholaghi ra, namhadi khetomi are jateula Kraes te namhani fara khiloau gne eghu. Naugna mana namhani khiloau na. Mana neke snakreni thegna neke lehe mala fakarhani khiloau na.

Nodi Khoje Hatimare Mae Jiu 43:4

Eghume iara ginauna tei ka nou olta mala fafara. Nogu God, iara ginauna hata gita mala koje balu kilo fnaknoni nanghamu na. Uve, iara thofno glealeꞌa fara naugna iagho ne toghodi nou naiknore.

Filipae 1:7

Ghotilo au fabrahu ka nagnafagu iara na, eghume iara nabagu te ghatho ghami ghotilo na. Naugna ghotilo kaisei balugu iara ka nogna khokofakasai God. Eghuteuna igne tutuani fara, neubane au iara ke lamna suga sosolo, ba au iara kosi mala cheke thakleni u Nonomho te Keli gne ba iara toghodi mare mala fatutuani ni mae Jisas.

Nodi Khoje Hatimare Mae Jiu 17:15

Nu iara gne neke theome eni kaisei najafra, eghume iara gne ginauna na thofno ari filo nigho. Kate dofra haghe te filo nigho na, iara ginauna na thofno glealeꞌa fara.

Letas Teke Riso Tei Mae Pol Ka Khiloau Rom 8:35

Unha glepo gne te tangomana te fota ghita ka nogna namha Kraes na? Jame te thoke ghita puhi biꞌo ba vido te ninhigrana ba au papara? Jame te theo gheda gano ba pohe, ba jame mare nenei ghita ba falehe ghita, ba, glepo igre tangomana te fota ghita ka nogna namha Kraes na?

Letas Teke Riso Tei Mae Pol Ka Khiloau Rom 8:39

neuba kaisei vido ka maloa kligna ba kaisei vido mamhara ke pari glose, uve, neuba kaisei glepo biꞌo ka gobigna lepo teke vuavuha God gre, theome tangomana te fota ghita ka nogna namha God teke fatakle ranghi ghita Jisas Kraes noda Lord.

Ululahu Pita 1:8

Iara laseni, ghotilo theome filoni mana gognaro, nu ghotilo namhani mana, fatutuani ni mana nei gleale'ani mana. Tutuani, nomi gleale'a ghotilo na biꞌo fara, theome tangomana kaisei naikno te ruruthani gaoghathogna na.