Efesus 3:16 - Buka Blahi Ka Cheke Holo

¹⁶ Iara toreni God ka nogna nafnakno biꞌo kligna mala snakre meini nogna Tharunga te Blahi na ka ghotilo, mala tangomana ghotilo te heta ka nagnafamire.

Efesus 3:16 ပူးပေါင်းရင်းမြစ်များ

Kolose 1:11

God te au nolaghi biꞌo fateote'o, eghuteuna ghehati tarai ka mana mala tusu ranghi ghami nolaghi igne mala tangomana ghotilo te kegra heta ka unha puhi biꞌo te mei ke uluda.

Filipae 4:13

Iara tangomana te edi glepo igre, naugna mae Kraes mae ihei te au nolaghi na te togho ghau iara na.

Profet Isaia 41:10

Eghume ghotilo thosei mhaghu! Iara nomi God ghotilo mala au balumi ghotilo. Iara ginauna farheta ghami nei togho ghami eghu ghotilo. Uve, khame nhetagu iara na ginauna togho ghami ghotilo mala kegra heta ghotilo, eghuteuna iara ginauna reireghi ghami ghotilo ka puhi te doglo.

Profet Sekaraea 10:12

Iara ginauna toghodi nogu naiknore mala rheta ka nogna nolaghi Lord, mala kilo fnakno ghau iara nei leghu ghau iara fabrahu. Iara Lord, te chekeni igne!”

Fapea Timoti 4:17

Nu Lord Jisas Kraes togho ghau iara ne tusu mei nolaghi ka iara mala thofno toutonuni u Nonomho te Keli na mala kafe nomhini naikno te theome Jiure. Eghume mana togho fabrahu ghau iara mala theome tangomana mare te fate falehe ghau iara na nei theome snakre lao ghau iara ka lion mala ghamu ghau iara.

Fapea Korin 4:16

Naugna igne ghehati theome nigra ka gloku na. Neuba thinimi gre ne thoghei ne diꞌa nei nigra neu ne tei ngau, tharungamire majaghani fabrahu leuleghu narane.

Efesus 6:10

Nogu cheke leghu lahu iara ka ghotilo na igne. Kegra heta ka nogna nolaghi biꞌo Lord, eigna ghotilo kaisei balugna mana.

Fapea Korin 12:9

Nu Lord neke cheke eghu ka iara, “Nogu khokofakasai iara igne ngala te nabamu iagho na, naugna kate nigra iagho na, nogu nolaghi iara na heta fara!” Eghume iara gleale'a fara te cheke fahaehaghe eigna nogu nanigra na, eghuteuna nogna nolaghi Kraes na tangomana te au balugu iara na.

Filipae 4:19

Eghume, noda God mae ihei te khotodi gobigna lepo te gnafare, mana ginauna tusu ranghi ghami ghotilo unha te magnahaghedi ghotilo na. God tangomana te eni igne ka tahati, naugna tahati nogna naikno mae Jisas Kraes.

Nodi Khoje Hatimare Mae Jiu 28:8

Lord ngala mae ihei te reireghidi nogna naiknore, eghuteuna mare karha kolho ka mana. Mana neke vavahi ghau iara mala king, mala funei frunidi iara nogna naikno mana re. Iara tei poru koba ka mana, eghuteuna mana fakarhi ghau iara.

Letas Teke Riso Tei Mae Pol Ka Khiloau Rom 7:22

Ka nagnafagu iara na, iara keli tagu ka nogna vetula God na nei iara magnahaghei te leghuni vetula na.

Ululahu Korin 16:13

Reireghi fakeli ghami themi, brana ka nomi fatutuani na, thosei mhaghu, nei au heta fabrahu ka gaoghathomire.

Nodi Khoje Hatimare Mae Jiu 138:3

Ka vido te eha ari iara ka iagho na, iagho nomhi ghau iara, aonu ke farerheta ghau ka nou nolaghi na.

Letas Teke Riso Tei Mae Pol Ka Khiloau Rom 9:23

Eghuteuna mana jaola magnahaghei te falalaseni nafnakno gna te biꞌo tulao na ka naikno te kokhoni nognadi mana re. Eghuteuna mana vahidi hi naikno igre mala hata u nafnakno te biꞌo tulao tuana ka mana.

Kolose 1:27

God magnahaghei falalase ka nogna naiknore u famane cheke poru igne mala toghodi fara naikno te gnafa ka nauthoglu igne. U cheke poru igne gaoghathogna na mae Kraes na auhi ke lamnami ghotilo, eghuteuna mana ginauna hata ghami tei mala au balugna God.

Efesus 1:18

Iara toreni noda God mala tusu ari glalase te biꞌo. Glalase igne ginauna togho ghami ghotilo mala filo glanini unha teke kilo ghita God na. Jaola glalase igne mala togho ghami ghotilo te mala filo glanini thofno glepo keli te gnafa teke nhaꞌa cheke ranghidi nogna naiknore.

Matiu 6:13

Thosei snakreni kaisei glepo mala mei fariuriu ghami, nu fakarhi ghami kau nogna nolaghi Satan.’

Efesus 1:7

Kraes neke foli fajifla ghita ka dadara glehegna ke kligna gaju fafatha jateula kaisei fafara teu te mala hata fadelei nakhiboda ka nogna khokofakasai God te bruara igne.

Profet Jeremaea 31:33

Igne u nhaꞌa cheke majaghani nate eni iara baludi naiknodi Israel. Iara ginauna lilisei nogu vetula na lamna ka thiꞌadire, eghuteuna rioriso soru ka nagnafadire. Iara ginauna nodi God mare, eghuteuna mare ginauna mala nogu naikno iara.

Ululahu Pita 3:4

Nu unha te au ke lamna nagnafami ghotilo na tangomana te mala kekheliana fifilogna na. Eghuteuna te kekheliana fifilomi ghotilo na igne theome tangomana teke mala tughu na, naugna mei ka nakarha te au faleghu nei famane muana. Puhi igre thofno kekheliana fifilodire ka tathagna God nei mana ghatho tahudi fara.

Efesus 2:7

Eghume, gaoghatho teke eni mana igne tangomana te falase ghita tifa tifa nogna khokofakasai biꞌo nei nogna thotogho ka tahati naugna mae Jisas Kraes.

Letas Teke Riso Tei Mae Pol Ka Khiloau Rom 2:29

Nu God fadoglonihi nagnafagna mae ihei te thofno Jiu na ka nogna nolaghi mae Tharunga te Blahi. Naugna thofno gaoghathogna u tohi fagaglana na la horoghotohi ka nakarhagna naikno na kate leghuni mae Tharunga te Blahi na, theome kate leghuni mana u vetula na. Eghuteuna God tangomana te ghatho tahuni nafnata mae igne, neuba keha naiknore ne theome tangomana te ghatho tahuni mana na.

Thoutonu Eigna Mae Job 23:6

Ba, mana ginauna fapholai balugu iara ka nogna nolaghi na? Theo. Mana ginauna fanomho ka unha te chekedi iara re.

Efesus 3:15

Eigna mae fatutuani te gnafa te au nga teu ka nauthoglu gne, ba iheire te au teu kligna gognaro gne mana kilodi goro thugna.

Kolose 2:2

Iara eni igne mala heta ghotilo nagnafamire nei au fodu ghotilo kau namha. Ka puhi igne, ghotilo thofno lase fakelini mae ihei God teke theome falalaseni tifa, mae igne Jisas Kraes thegna.