Efesus 2:8 - Buka Blahi Ka Cheke Holo

^8-9 Ka narane teke fatutuani ghotilo na, God neke fakarhi ghami. Ghotilo theome tangomana te fahaehaghe ghami themi neke hatini thofno nakarha na naugna gloku teke edi themire teuna. Theo. Ghotilo neke hatini thofno nakarha igne ka nogna khokofakasai God.

Efesus 2:8 ပူးပေါင်းရင်းမြစ်များ

Efesus 2:5

Kate au tahati ka glehe eigna te huhughuni nogna cheke na, God neke fakarhi ghita balugna Kraes. Eghume ghotilo karha ka nogna khokofakasai God.

Letas Teke Riso Tei Mae Pol Ka Khiloau Rom 4:16

Eghume naiknore hata nogna nhaꞌa cheke God na ka nodi fatutuani kolho. God neke eni u nhaꞌa cheke igne mala horoghoto ka nogna khokofakasai na. U nhaꞌa cheke igne theome maladi kolho naikno te leghuni nogna vetula mae Moses na. Nu jaola nodi naikno te gnafa te fatutuani ni God na jateula mae Ebraham eghu. Naugna mana ngala mae kuꞌeda tahati te gnafa na.

Letas Teke Riso Tei Mae Pol Ka Khiloau Rom 10:17

Eghume te laseni tahati na, naiknore tangomana te fatutuani ni mae Jisas kate nomhi u Nonomho te Keli na, eghuteuna mare tangomana te nomhi Nonomho te Keli na kate toutonu ihei eigna Kraes na.

Mae Khuru 16:31

Phiamare ne cheke eghu ka mana, “Fatutuani ni noda Lord Jisas, God ginauna fakarhi nigho nei naikno te gnafa ka tharaknamu na.”

Jone 6:37

Naikno te gnafa teke tusu mei mae Mama ka iara re ginauna mei ka iara. Nu ihei te mei ka iara na iara ginauna theome brue fapuloni.

Jone 5:24

Mae Jisas ne cheke eghu ka mare, “Tutuani fara te chekeni iara ka ghotilo na. Mae ihei te nomhidi nei leghudi teu u nogu cheke iara re, nei fatutuani ni Mama mae ihei teke kuru mei ghau iara na teuna, mana na athini u karha te theo ka huigna na. Mae tuana iara na theome fate faleheni mana, naugna mana jateula mae ihei teke lehehi nu ke karha fapulo teu ia eghu.

Jone 4:10

Aonu mae Jisas ne cheke eghu ka gaꞌase na, “Naikno biꞌo, iagho theome laseni nogna khokofakasai God ranghini naikno na, nu iagho theome laseni mae ihei te tore khoꞌu teu ka iagho gne. Jame laseni iagho na, iagho tangomana te tore ghau iara na, eghuteuna iara tangomana te tusu ari ka iagho u khoꞌu karha na.”

Luku 7:50

Mae Jisas ne cheke eghu ka naikno biꞌo na, “Iagho fatutuani ghau iara. Naugna igne iara ne fakarha nigho ka nakhibo. Jifla tei kau pharikeli.”

Nonomho Te Keli Teke Risoi Mae Mak 16:16

Ihei te fatutuani ni Nonomho te Keli na, eghuteuna apublahi teuna ginauna na hatini karha fei tifa na. Nu ihei te theome fatutuani na, God ginauna na fate faleheni mana.

Jone 3:36

Ihei te fatutuani ni mae Thugna God na, mana na athini u karha te theo ka huigna na. Nu mae ihei te theome fatutuani ni mae Thugna God na mana na theome athini u karha tuana. Eghuteuna God ginauna diꞌatagna fabrahu ka mana.

Letas Teke Riso Tei Mae Pol Ka Khiloau Rom 4:5

Mae te theome ronuni nogna gloku te keli nu fatutuani ni God mae ihei tangomana te toghoni ihei te diꞌa te mala doglo ke ulugna God na, God ginauna toghoni mana. Eigna God ginauna filo glanini mana jateula kaisei mae te doglo eghu kate fatutuani ni mana na.

Efesus 2:10

Gognaro na God nake vuavuha fapulo ghita eghuteuna tusu ranghi ghita u karha majaghani kate salo fodu ghita balugna mae Jisas Kraes. Mana neke eni igne mala tangomana tahati te edi unha gloku te keli teke kulu tarabana thegna te mala edi tahatire.

Galesia 3:22

Nu igne theome tutuani, naugna u grioriso te blahi na cheke eghu, “U gaoghatho te mala eni nafnata puhi te diꞌa na funei frunidi naikno te gnafa ka nauthoglu igne.” Naugna igne tahati naikno te fatutuani ni mae Jisas Kraes ra ngala te tangomana hatini unha teke nhaꞌa chekeni God ka naikno te fatutuani re.

Galesia 3:14

Mae Kraes neke foli fajifla ghita mala tangomana iheire te theome Jiu te mala hatini unha God teke nhaꞌa cheke ka mae Ebraham na mala tusu ranghini mana. God fablahidi naugna mae Jisas Kraes. Eghuteuna ka puhi igne, tahati naikno fateo te fatutuani ra, tahati tangomana te hata Tharunga te Blahi God teke nhaꞌa chekehi ka tahati.

Jone 6:40

Naugna mae Kmagu iara na magnahagheidi naiknore te kafe filo glani ghau iara mae Thugna na nei fatutuani ghau iara teuna mala athini u karha fei tifa na. Eghuteuna iara na fakarha fapulodi kau narane leghu lahu na.”

Jone 6:35

Mae Jisas ne cheke eghu ka mare, “Iara jateula u gano eghu mala tusu lao u karha na ka naiknore. Mae ihei te mei ka iara na mana ginauna theome rofo. Mae ihei te fatutuani ghau iara na mana ginauna theome roi koꞌu.

Efesus 1:19

Jaola mala filo glanini ghotilo thofno nogna nolaghi te heta fara te loku ke lamnadi iheire te fatutuani ni mana. Nolaghi biꞌo te loku ke lamnada igne u nolaghi teke fakarha fapuloni mae Kraes kau glehe ia, eghuteuna fagnokroni ka sape nafnakno fei nhetagna kligna.

Mae Khuru 14:27

Kate thoke Antiok na, phiamare ne salo fodudi naikno khiloau re ne toutonu ranghidi unha teke eni God ranghidi phiamare na, nei unha puhi te eni God te mala fatutuani ni mae Jisas naikno te theome Jiure.

Jone 6:65

Mae Jisas neke cheke eghu, “Igne u gaoghathogna teke chekeni iara ia, theome tangomana kaisei naikno te mei ka iara na jame te theome snakre meini mae Mama ka iara na.”

Kolose 2:12

Kate apublahi na ghotilo kaisei ka mae Kraes, jateula mare te giugilu ghami nei ke karha fapulo ka glehe balugna mana. Igne tutuani fara ka ghotilo naugna nomi fatutuani ka nogna nolaghi biꞌo God teke fakarha fapuloni mana ka glehe.

Jone 6:44

Theo kaisei naikno tangomana te mei ka iara na ghilei batu meini mae Mama mae teke kuru mei ghau iara na. Eghuteuna mae ihei te mei ka iara na, iara ginauna fakarha fapuloni mana kau narane leghu lahu na.

Ululahu Pita 1:5

Ka nomi fatutuani ghotilo ka God na, mana ginauna na reireghi fakeli ghami ka nogna nolaghi na ghilei thoke mei narane leghu lahu te mala fakarhi ghami na.

Filipae 1:29

Tutuani fara, God la tusu arihi ka ghotilo u nafnakno te mala loku ranghini nei fatutuani ni mae Kraes nei au papara malagna mana teuna.

Letas Teke Riso Tei Mae Pol Ka Khiloau Rom 10:14

Nu faꞌunha eghu tangomana mare te tore ka Lord na mala toghodi, jame te theome kulu fatutuani mare na? Theome tangomana. Ba, faꞌunha eghu fatutuani mare ka Lord, jame te theome kulu nomhini mare kaisei thoutonu eigna mana na? Ba, faꞌunha eghu nomhini mare u thoutonu na, jame te theo kaisei naikno te toutonuni ka mare u Nonomho te Keli na?

Matiu 16:17

Mae Jisas ne cheke eghu ka mae Simon, “Iagho keli tamu, ghema Simon, thugna mae Jone. Theo kaisei naikno teke farirhiu nigho tuana. Nu mae Mama te au kligna neke falalase nigho eigu iara.

Mae Khuru 16:14

Kaisei gaꞌase jare nanghagna na Lidia. Naꞌa thaugna Taetira neke mei au jare Filipae. Nogna gloku na mala fofoli pohe ukru nei naꞌa jaola pogho soruni thofno God. Kate fanomho teu naꞌa ka mae Pol na, God ne tothora nagnafagna na ne fatutuani ni mae Jisas.

Fapea Tesalonika 1:9

God ginauna paradi fabrahu naikno tuare. Mana ginauna theome snakredi iheire te theome laseni God nei iheire te theome magnahagheni thofno karha te mala au balugna Lord, nei lisei fadeleidi ka nogna nolaghi te biꞌo.

Mae Khuru 15:11

Nu unha te fatutuani ni tahati na, tahati nei mare teuna kafe karha ngala ka nogna namha biꞌo noda Lord Jisas.”

Letas Teke Riso Tei Mae Pol Ka Khiloau Rom 9:16

Eghume God ginauna vahini kaisei naikno leghuni nogna lolokeli thegna na. Eghuteuna nogna vavahi mana tuana theome lelheghu ka unha te magnahaghedi naiknore ba unha te fariuriu eni mare na.

Hibru 6:4

Naugna keha naikno khiloaure theome tangomana te hogri nagnafa teke figri ka mae Kraes na. Kaisei fata mare neke auhi ka naphaegna God. Mare jaola hatahi unha teke tusu mei God funugna kligna nei mae Tharunga te Blahi la auhi ke lamnadi.

Matiu 20:9

“Mae gloku teke tei funu loku tanhi glimai ra mei ne hata nodi tabare. Mare ne sopa hata kaisei sileni kolho.