Efesus 2:7 - Buka Blahi Ka Cheke Holo

⁷ Eghume, gaoghatho teke eni mana igne tangomana te falase ghita tifa tifa nogna khokofakasai biꞌo nei nogna thotogho ka tahati naugna mae Jisas Kraes.

Efesus 2:7 ပူးပေါင်းရင်းမြစ်များ

Taetus 3:4

Neubane eghu ngau tahati, God noda mae Fakarhai na mana falalase ranghi ghita nogna nagnafa lolokeli nei namha teu ranghi ghita nogna naiknore.

Fapea Tesalonika 1:12

Jame eni ghotilo igne na, nanghagna noda Lord Jisas Kraes na ginau fnakno ke lamnami. Eghuteuna ghotilo tangomana te hata nafnakno ka mana. Nafnakno tuana mei funu ka nogna namha noda God nei Lord Jisas Kraes.

Efesus 2:4

Nu neuba, tahati nabada te lehe naugna u nakhiboda, God neke kokhoni ghita fara nei namha ghita fara.

Profet Isaia 60:15

“Naiknore figri tagru ghami nei tirodi ghami eghu ghotilo. Eghuteuna theo kaisei naikno te mei sigho ghami ba ei bisnis ka ghotilo ka namono biꞌo igne. Neuba, iara ginauna na fafnaknoni fabrahu namono biꞌo igne, eghuteuna naikno te gnafare ginauna magnahaghei fara te mei tagna.

Efesus 3:5

Tifa na God neke theome chekeni ka naiknore eigna u gaoghatho teke poru igne. Nu gognaro na Tharungagna God na la falalasehi ka hatimare nogna mae khuru te blahi nei hatimare nogna mae profet.

Efesus 3:21

Tahati nogna khiloau mana eigna tahati kaisei balugna mae Jisas Kraes, tahati ginauna kilo fnaknoni God fabrahu tifa tifa. Amen.

Nodi Khoje Hatimare Mae Jiu 106:48

Tahati cheke fakelini Lord, mae ihei te noda God tahati naiknoda Israel! Uve, tahati cheke fakelini mana gognaro gne nei tifa tifa! Ghotilo te hui na cheke eghu, “Amen!” Cheke fakelini Lord!

Ululahu Pita 1:12

Eghume, God neke falalase ka mare u thofno gaoghathogna cheke igne, theome mala toghodi kolho thedi kate toutonu na, nu mala togho ghami ghotilo. Gognaro na mae Tharunga te Blahi teke kuru mei God funu kligna na tusu lao nolaghi ka keha naiknore mala toutonu ka ghotilo. Naikno igre neke toutonu eigna u Nonomho te Keli na ka ghotilo glepo teke toutonu dila hatimare mae profet ra. Tutuani fara hatimare mae engel, mare magnahaghei te lase fakeli nila Nonomho te Keli igne.

Nodi Khoje Hatimare Mae Jiu 41:13

Tahati cheke fakelini Lord, eigna mana noda God tahati naiknoda Israel. Tahati cheke fakelini mana fabrahu tifa tifa. Amen. Amen.

Letas Teke Riso Tei Mae Pol Ka Khiloau Rom 2:4

Jau ghotilo ghatho faꞌikoini kolho puhigna God na, eigna mana au kmu fara nei theome faghose diꞌatagna, nu mana ofou kolho. Ba, ghotilo theome filo glanini kolho God te au kmu fara na, naugna mana magnahaghei ghami ghotilo te mala tughu nagnafa na eghu sia?

Efesus 1:7

Kraes neke foli fajifla ghita ka dadara glehegna ke kligna gaju fafatha jateula kaisei fafara teu te mala hata fadelei nakhiboda ka nogna khokofakasai God te bruara igne.