Efesus 2:3 - Buka Blahi Ka Cheke Holo

³ Tifa na, tahati te gnafa na neke au jateula mare neku. Tahati neke diꞌa nei leghuni kolho unha te magnahagheni theda na, eigna tahati eni unha thini nei gaoghathoda te magnahagheni. Naugna igne, God nabagna te para ghita jateula keha naikno te theome leghuni mana re eghu.

Efesus 2:3 ပူးပေါင်းရင်းမြစ်များ

Taetus 3:3

Naugna tifa na tahati neke theome ghaoghatho fakeli, jateula naikno te theome fatutuani ni Kraes ra neku. Tutuani, tahati neke huhughu koba. Nu keha naiknore chaichaghi ghita koba mala loku jafra tahati. Tahati tifa na neke loku ranghini kolho unha te magnahaghei fara u thinida theda na. Tahati neke edi fabrahu ngala unha glepo te diꞌa nei goghotu teure. Naiknore neke theome magnahaghei ghita fara nu tahati jaola ngau neke theome magnahaghedi fara keha naiknore.

Ululahu Pita 1:14

Tifa na ghotilo neke theome lalase, ghotilo neke leghudi kolho puhimi themi te diꞌare. Nu gognaro na ghotilo magnahaghei te leghuni God. Eghume thosei ke au ka nafnata nakarha teke au ghotilo tifa ia.

Efesus 4:22

Tutuani, ghehati neke farirhiu ghami ghotilo mala lilisei puhi te diꞌa gna tifa teke leghuni ghotilo ka nakarhamira. Naugna puhigna tifa igne fodu ka chaichaghi nei puhi diꞌa, eghuteuna puhigna tifa na tangomana te fadidiꞌa ghami fabrahu.

Letas Teke Riso Tei Mae Pol Ka Khiloau Rom 13:14

Nu ghotilo loku famaku ka noda Lord Jisas Kraes. Eghuteuna thosei ghatho tahudi glepo te diꞌa te magnahaghei edi thinire.

Letas Teke Riso Tei Mae Pol Ka Khiloau Rom 6:12

Eghume, thosei snakreni nakhibo mala funei frunidi thinimi are, eigna thinimi are ginauna lehe kolho. Na eghunu batu ghami nakhibo me leghudi ghotilo puhimi themi te diꞌare eghu.

Nodi Khoje Hatimare Mae Jiu 51:5

Uve, iagho lase ghauhi iara, iara neke kulu naikno diꞌa neke mei ngala funu karhagu. Puhigu iara na kulu diꞌa neke mei ngala funu ka narane teke theome karha nga teku iara na.

Ululahu Jone 2:16

Igre glepo diꞌa ka nauthoglu igne: magnahaghei glepo diꞌa te keli tagna thini, magnahaghei glepo diꞌa te filoni ka tatha, nei fahaehaghedi fara eidi glepo te au tada. Nu glepo igre funudi ka puhigna nauthoglu igne, theome funudi ka God Mama.

Efesus 2:2

Uve, tifa na ghotilo neke leghuni puhidi naikno te diꞌa ka nauthoglu igne. Ghotilo neke leghuni kolho mae Satan, mae funeidi naitu ka maloa gne, eigna mana gognaro na tangomana te funeidi iheire naikno te theome leghuni God.

Jone 8:44

Ghotilo mae kmami na mae Satan. Ghotilo nogna naikno mana eghuteuna ghotilo magnahaghei edi unha glepo te magnahaghedi mana re. Mana kaisei mae falehe naikno funu tifa. Mana theome magnahaghei te leghuni u nabrou te tutuani na, naugna theo kaisei tutuani ke lamnagna mana. Mana kaisei mae chaichaghi, eghuteuna mana jateula chaichaghi te chekedi thegna tuare eghu. Eghuteuna, u chaichaghi te gnafare mei funudi ka mana.

Fapea Korin 7:1

Kheraguro, nhaꞌa cheke te gnafa igre neke edi God ranghi ghita. Naugna igne tahati mala au fadelei ka thua nafnata glepo tangomana te fathonadi thinida ba gaoghathodare. Naugna tahati ghatho tahuni fara God, tahati mala thofno leghuni puhi te blahi na.

Ululahu Korin 4:7

Ba ihei te chekeni te doglo ghotilo ke uludi keha naiknore? Tutuani, glepo te khotodi ghotilo gre God ngala teke tusu ari ka ghotilo na! Eghume, ghotilo theo nafumi te mala cheke fahaehaghe fara eidi glepo igre.

Letas Teke Riso Tei Mae Pol Ka Khiloau Rom 7:18

Iara laseni, fei iara thegu na, iara maegu ka nauthoglu igne kolho, theo kaisei glepo te keli te au ke lamnagu iara na. Naugna neubane au ka iara gaoghatho te keli na, iara theome tangomana te eni puhi te keli na. Theo fara, iara theo nogu nolaghi te mala eni puhi te doglo na.

Nonomho Te Keli Teke Risoi Mae Mak 4:19

nu mare ngagudi fara eidi thua nafnata glepo re. Eghuteuna mare magnahaghei fara dedei gna nauthoglu igne nei mamagna di keha glepoi. Eghume farirhiu na theome tangomana te tughu nakarhagna mana na.

Jenesis 6:5

Lord ne filodi puhidi naikno gna nauthoglu gne ne thono diꞌa fara. Eghuteuna mare ghathodi fabrahu kolho glepo te diꞌa re.

Letas Teke Riso Tei Mae Pol Ka Khiloau Rom 11:30

Tifa na, ghotilo neke theome leghuni God, nu gognaro na God na kokhoni ghami ghotilo naugna hatimare mae Jiu gre tirodi leghuni mana.

Letas Teke Riso Tei Mae Pol Ka Khiloau Rom 9:22

Unha te eni God na jateula tuana eghu. Mana magnahaghei te falaseni nogna diꞌatagna na mala laseni naiknore nogna nolaghi na. Nu mana loku famaku diꞌatagna na ka naikno naba te mala roꞌedi mana kate diꞌatagna na.

Jone 1:13

Naugna mare theome karha mei jateula sua te karha mei ka dadaradi idogna ghe kmagna ra eghu, nu thegna God ngala kmadi na.

Profet Isaia 53:6

Tahati te gnafa na jateula sipu te snivi ra eghu kolho. Naugna tahati neke leghudi kolho puhida thedare. Nu Lord neke snakreni nogna mae gloku mala au papara eidi nakhiboda jame teke au papara eidi tahati re.

Thoutonu Eigna Mae Job 25:4

Ihei gne te doglo kolho te theo nakhibogna ka tathagna God na? Theo kaisei naikno te karha mei ka nauthoglu igne te klino ka tathagna God na.

Thoutonu Eigna Mae Job 14:4

Ba, mae ihei gne te tangomana te filoni mae ihei te klino ka tathagna God na? Theo kolho!

Jenesis 8:21

Lord ne gnanghini u fafara te famane sisiri keligna igne ne keli tagna fara ne cheke eghu, “Iara ginauna nake theome goigoni u nauthoglu igne ke tughugna puhi diꞌa teke edi naikno igre neuba iara kulu lasedihi naikno igre neke diꞌa neke mei ngala funu suadi. Nu iara ginauna nake theome goigonidi gobigna lepo te karha ka nauthoglu na igre jateula te eni iara gognaro gne eghu.

Fapea Pita 2:18

Mare fahaehaghedi fara eidi nodi cheke te theo nafudire. Mare batudi keha naiknore mala eni unha te diꞌa na ka thinidire. Ka puhi igre mare korho fapulodi naikno teke funu rikha kokodihi puhi te diꞌare.

Fapea Pita 2:14

Leuleghu fata na kaisei glepo ngala te magnahaghei mare na, mala ei puhi ka gaꞌase. Nodi puhi diꞌa igre na theome gnafa ka mare. Mare saosagrodi naikno te theome heta nodi fatutuanire mala jaola fagoigoli. Mare laseni fara puhi mamagna na. Naugna igne God chekenihi te mala paradi naikno igre.

Ululahu Timoti 6:9

Bligi fara ranghidi iheire te magnahaghei kolho dedei na te snoꞌo ka fariuriu na. Mare tangomana te tapla jafra ka nafnata glepo te fanoinoli ba glepo te diꞌa. Glepo igre tangomana te korho fadeleidi mare ghilei diꞌa fara nakarhadire, eghuteuna God ginauna na paradi fara.

Galesia 3:22

Nu igne theome tutuani, naugna u grioriso te blahi na cheke eghu, “U gaoghatho te mala eni nafnata puhi te diꞌa na funei frunidi naikno te gnafa ka nauthoglu igne.” Naugna igne tahati naikno te fatutuani ni mae Jisas Kraes ra ngala te tangomana hatini unha teke nhaꞌa chekeni God ka naikno te fatutuani re.

Letas Teke Riso Tei Mae Pol Ka Khiloau Rom 1:24

Eghume God lisa laodihi mae igre mala leghudi kolho gaoghatho te diꞌa te au ka nagnafadire mala gnognoro fabrahu nei lalamadi eghu thinidire fari thedi.

Ululahu Jone 2:8

Neuba, vetula igne majaghani fabrahu, jateula te filonihi ka mae Jisas Kraes nei ka ghotilo. Naugna gromno na sala'u ari, eghuteuna thofno naphae na la siasigla mei.

Mae Khuru 14:16

Tifa te mei na God neke snakredi naiknore mala leghudi nodi gaoghatho thedire.

Jenesis 5:3

Kate kaisei gobi tolufulu finogha na mae Adam neke au kaisei thugna nalhaꞌu jateula thegna neku. Eghuteuna mana ne kiloni nanghagna na Set.

Letas Teke Riso Tei Mae Pol Ka Khiloau Rom 2:14

Iheire te theome Jiu, theome hata nogna vetula mae Moses. Nu kate leghudi kolho mare nagnafadi thedire, eghuteuna jaola eni unha te chekeni ka vetula na teuna, igne glola fara te au nogna vetula God na ka nagnafadire, neuba mare ne theome laseni u nogna vetula mae Moses na.

Letas Teke Riso Tei Mae Pol Ka Khiloau Rom 5:9

Tutuani, gognaro na u dadaragna Kraes na togho ghitahi mala au doglo ka tathagna God na. Eghume te laseni tahati na, Kraes ginauna fakarhi ghita eigna God ginauna theome diꞌatagna ka tahati ka narane te mala fatedi naiknore.

Letas Teke Riso Tei Mae Pol Ka Khiloau Rom 5:10

Ulu lahu na tahati neke jateula nogna naoka God neku. Nu ka glehegna Thugna na, God neke togho ghita mala kheragna thegna. Eghume, naugna gognaro na tahati la kheragnahi God, tahati thofno laseni God na ginauna fakarha ghita, naugna Kraes te karha gognaro gne.

Kolose 1:21

Tifa na, ghotilo neke fnota ka God. Ghotilo neke nogna naoka mana nei tiromini mana ka gaoghathomi te diꞌare nei ka gloku fateo te diꞌa teke edi ghotilo re.

Ululahu Tesalonika 4:13

Kheraguro, ghehati magnahaghei ghami ghotilo te thofno lasedi iheire tela lehehi ra. Ghehati theome magnahaghei ghami ghotilo te diꞌanagnafa eidi iheire tela lehehi jateula naikno te diꞌanagnafa te theome fatutuani ni mae Jisas.

Ululahu Tesalonika 5:6

Eghume tahati thosei jateula keha naikno te thuru te theome lasedi glepo igre, nu tahati dofra nei reireghi fakeli ghita theda.