Efesus 2:20 - Buka Blahi Ka Cheke Holo

²⁰ Tahati naikno khiloau na jateula kaisei suga teke horo God eghu. Suga igne babana famaku ke klignadi hatimare mae khuru nei hatimare mae profet, jateula gogho thina eghu, eghuteuna thofno thina ulugna suga igne thegna mae Jisas Kraes ngala.

Efesus 2:20 ပူးပေါင်းရင်းမြစ်များ

Profet Isaia 28:16

Nu Lord God ne cheke eghu, “Gognarona iara na lilisei kaisei thina maku te theo ka nghaligna agne Jerusalem. Ka narane te babana iara nogu suga na, iara na lilisei kaisei thina pari mala sutu haghegna suga igne. Ihei te rouronu ka iara mae ihei teke lilisei gna thina igne na, mana ginauna theome tangomana te nghali na.

Matiu 16:18

Eghume te chekeni iara ka iagho na, iagho mae Pita jateula kaisei thina eghu. Kate babana iara nogu khiloau na, thina igne ginauna na famamhaku hi. Eghuteuna, nogna nolaghi glehe na ginauna na theome tangomana nate tapla soruni nogu khiloau iara na.

Nodi Khoje Hatimare Mae Jiu 118:22

U thina teke tirodini mae iheire te horo suga na, kela kegra haghe kaisei thina ulu fara ka suga na.

Thakle 21:14

Gringnigna namono igne mare babana ke klignadi nabotho phei thina. Ke klignadi thina igre mare rioriso nanghadi nabotho phei nogna khuru mae Lam.

Ululahu Korin 12:28

God neke lilisei soasopai naikno te mala edi soasopai gna gloku ka khiloau gne. Ulu lahu na, mana neu lilisei hatimare mae khuru, fapea na, hatimare mae profet. Fatilo na, hatimare mae velepuhi. Eghuteuna kehare mala eꞌei kofubobhoi, nei kehare mala fakelidi iheire te fogra, nei kehare mala totogho, nei kehare mala baubatu ka khiloau, nei kehare mala cheke ka keha nafnata cheke.

Matiu 21:42

Mae Jisas ne cheke eghu ka mare, “Uve, ghotilo iu'ijunihi igne kau grioriso te blahi ia, “ ‘Thina teke tirodini mae iheire te horo suga na, kela kegra haghe kaisei thina ulu fara ka suga na. Glepo igne Lord teke eni gnana, thofno keli fara ka tahati filogna na.’

Galesia 2:9

Eghuteuna kate filo glani mare God teke tusu mei khokofakasai ka iara mala eni gloku igne, hatimare mae biꞌo ka khiloau, mae Jemes nei mae Pita nei mae Jone mare mei ne kubae ka ghepa mae Banabas, fagaglana gna mare keli tadi te mala loku balumi ghepa na. Ghehati ne kaisei gaoghatho eigna nomi gloku ghepa mae Banabas na mala tei ka iheire te theome Jiu. Eghuteuna nodi gloku thedi na maladi mae Jiu.

Proveb 9:1

Gaoghatho te keli nei doglo teuna jateula kaisei gaꞌase te babana nogna suga na ka fitu khegra te maku ra eghu.

Profet Sekaraea 10:4

Iara ginauna vavahi keha mae ka vikegna Juda mala baubatu ka nogu naikno iara gre. Mare ginauna maku jateula thina te togho hagheni suga na, ba jateula gaju te haru te maku tagna phukrigna suga tapuale ia eghu, ba jateula phaloho mala magra ra eghu.

Efesus 3:5

Tifa na God neke theome chekeni ka naiknore eigna u gaoghatho teke poru igne. Nu gognaro na Tharungagna God na la falalasehi ka hatimare nogna mae khuru te blahi nei hatimare nogna mae profet.

Kolose 2:7

Ghotilo kaisei balugna Kraes jateula kaisei gaju ba suga te kegra maku ke kligna glose. Eghuteuna nomi fatutuani ghotilo ka mae Kraes na mala e heta fakeli, jateula mare teke farirhiu ghami ghotilo. Eghuteuna leuleghu fata na ghotilo mala cheke fakelini mana.

Ululahu Pita 2:6

Glepo igre tutuani fara, naugna grioriso te blahi na cheke eghu, “Iara vavahi kaisei thina te keli fara mala fakegra hagheni jateula kaisei thina te ulu tulao ka Sugablahi Jerusalem. Eghuteuna ihei te fatutuani ni mana na, mana ginauna theome mamaja.”

Ululahu Kings 7:11

Ke kligna khotogna igne, au keha famane thina te kato fadoglo ka fafaja teke eni mare na, eghuteuna jaola au thaba sida te lilisei mare kligna lahu na.