Efesus 2:11 - Buka Blahi Ka Cheke Holo

^11-12 Mae Jiure vahe mae sua nalha'ure ka khamedi thedi, eghume kilodi thedi “Naikno vahe”. Nu mare kilo ghami ghotilo “Naikno theome vahe”. Naugna ghotilo neke theome karha mei Jiu. Uve, ghotilo ghathoni igne. Tifa na ghotilo neke au khaba fara ka Kraes neke theome au fodu baludi naikno teke vavahi God re. Ka narane tuana ghotilo neke au ke kosigna nhaꞌa cheke teke cheke mei God ka nogna naiknore. Eghuteuna ghotilo fiti au kolho ka nauthoglu igne aheva ghotilo te theome au kaisei glepo te keli te mala ofoni, nei ghotilo theome laseni God.

Efesus 2:11 ပူးပေါင်းရင်းမြစ်များ

Kolose 2:11

Kate mei ghotilo te kaisei balugna mae Kraes na, mana ne hata fasnagla ghami ka gaoghatho te diꞌa. Kraes neke tohi fagaglana ghami ghotilo, theome tohi fagaglana fei thini nu fei tharunga.

Kolose 2:13

Tifa na, ghotilo neke jateula te lehehi neku naugna nakhibo teke edi ghotilo re nei naugna ghotilo neke theome snagla ka nogna nolaghi nakhibo te funei frunidi gaoghathomi are. Nu God neke fakarha fapulo ghami balugna mae Kraes. Eghuteuna God hata fadeleidi la gnafahi nakhibomire.

Kolose 3:11

Ka nakarha majaghani igne na, naikno te gnafare mala kaisei nanaba ngala. Neuba tahati ne mae Jiu ba theome mae Jiu, neuba tahati ne tohi fagaglana ba theome tohi fagaglana, neuba tahati ne mae sikolu ba tahati maeda holo, ba tahati mae sneka ba tahati mae au snagla kolho, nu kaisei mae Kraes ngala te glepo ulu ka nakarhada na, eghuteuna mae Kraes te au ke lamnada gnafa.

Kolose 1:21

Tifa na, ghotilo neke fnota ka God. Ghotilo neke nogna naoka mana nei tiromini mana ka gaoghathomi te diꞌare nei ka gloku fateo te diꞌa teke edi ghotilo re.

Filipae 3:3

Neubane eghu ngau, tahati nogna naikno God gre thofno laseni gaoghathogna tohi fagaglana. Naugna nogna Tharunga te Blahi God na te togho ghita tahati te mala pogho soru ranghini mana na. Tutuani, tahati gleale'a te kaisei balugna mae Jisas Kraes. Jaola theo kaisei noda fatutuani ka unha te eni ka thinida na.

Efesus 5:8

Tifa na, ghotilo neke au ka naromno, nu gognaro na ghotilo kela au ka naphae, naugna ghotilo nognahi Lord. Eghume ghotilo leghuni puhidi naikno te au ka naphae,

Galesia 6:12

Mae iheire te fariuriu huhuru ghami ghotilo te mala vahe na, mare magnahaghei keli ka tathadi naiknore ngala. Mare eni igne naugna mare theome magnahaghedi naiknore te paradi jame te toutonuni mare eigna glehegna mae Jisas Kraes ke kligna gaju fafatha na.

Ululahu Korin 12:2

Uve, ghotilo laseni kani au teku ghotilo ka nodi puhi iheire te theome fatutuani God ra, mae Satan neke batu fadelei ghami te mala pogho soru ghotilo ka mumuju te theo karha tadire.

Ululahu Korin 6:11

Tifa na, keha naikno ka ghotilo neke jateula tuana neku! Nu ka nanghagna noda Lord Jisas Kraes nei ka nogna nolaghi Tharunga gna noda God, mana neke hata fadelei nakhibomire mala nogna naikno nei mala au doglo ka tathagna God na.

Ululahu Samuel 17:26

Aonu, mae Devet ne ghusna eghu ka mae soldia te kegra teu rhegna mana igre, “Jame kaisei mae te faleheni mae soldia gna Filistia igne te mala atha fadelei mamaja igne ka mae Israel igre na, unha nate atha mana na? Tahati nogna armi God mae ihei te karha. Mae soldia tuana kaisei mae bongihehe kolho, mana theome laseni God, mana theome nabagna te cheke fadiꞌa ghita tahati na.”

Diutronomi 16:12

Ghotilo ke ghatho fapulodi narane teke au sneka Ijep ra, eghume ghotilo mala thofno leghudi vetula igre.”

Diutronomi 15:15

Ghotilo ke ghathodi narane teke sneka ghotilo Ijep ra eghuteuna Lord nomi God neke hata fajifla ghami ka khamegna Fero, king gna Ijep. Naugna igne teke cheke faheta iara ka ghotilo gognarogne.

Diutronomi 9:7

“Ghotilo thosei ghatho ihoni unha teke eni Lord nomi God ka namono nagou ia, mana neke diꞌatagna fara ka ghotilo. Funu ka narane teke jifla ghotilo Ijep te thoke ka narane te mei posa ghotilo ka namono igne, ghotilo neke theome leghuni Lord.

Diutronomi 8:2

Leuleghu fata na ghotilo mala ke ghathoni Lord nomi God mae ihei teke batu ghami ke lamna namono nagou nabagna phiatutu finogha. Mana neke fariuriu ghami ghotilo kate thokedi narane te ninhigrana mala laseni na tangomana ghotilo te leghudi nogna vetula mana re ba theo.

Galesia 2:15

Tutuani ghehati neke karha mei Jiu, eghuteuna ghehati theome iheire mae Jiu te kilodi, “Naikno te au ka nakhibo naugna mare theome mae Jiu.”

Profet Esikiel 36:31

Ka narane tuana, ghotilo ginauna nake ghatho fapulodi gobigna lepo te diꞌa teke fathona ghami themi ka tathagu iara na, eghuteuna ghotilo ginauna theome magnahaghedi puhimi te diꞌa teke edi ghotilo tura.

Diutronomi 5:15

Ghotilo ke ghatho fapulodi narane teke sneka ghotilo Ijep tifa ra, nu iara Lord, nomi God ghotilo, iara neke hata fajifla ghami ghotilo jare ka khame nhetagu iara. Naugna igne iara Lord nomi God ghotilo te cheke faheta ka ghotilo mala gnafa ka narane Sabat.

Profet Esikiel 20:43

Ka narane tuare, ghotilo ginauna nake ghatho fapulodi gobigna lepo te diꞌa teke fathona ghami themi ka tathagu iara na, eghuteuna ghotilo ginauna tiromi ghami themi ka puhimi te diꞌa re.

Ululahu Samuel 17:36

Iara neke falehedihi lion nei bea teu tuare. Eghume, iara ginauna na jateula tuana eghu faleheni mae bongihehe tuana, naugna mana ne cheke faparini nogna armi God mae ihei te karha na.

Letas Teke Riso Tei Mae Pol Ka Khiloau Rom 2:26

Naikno te theome Jiure mare theome tohi fagaglana. Nu te leghuni mare unha te chekeni ka vetula na, God ginauna ghatho tahudi mare, eigna mare la tohi fagaglana hi kau gaoghatho te keli.

Letas Teke Riso Tei Mae Pol Ka Khiloau Rom 2:27

Ka puhi igne God la fate ghamihi ghotilo. Naugna ghotilo ne huhughuni fabrahu nogna vetula na, neubane hatahi ghotilo nogna vetula mae Moses na ba tohi fagaglana hi ghotilo. Nu ihei te theome mae Jiu te leghuni unha te chekeni ka vetula na, neuba mana ne theome thofno tohi fagaglana fei thini, God ghatho tahuni mana.

Letas Teke Riso Tei Mae Pol Ka Khiloau Rom 11:17

Ghathoni cheke naba igne. Mae Jiu gre jateula thofno gaju oliv eghu. Eghuteuna ghotilo mae iheire te theome Jiu gre jateula grege oliv nathua ra eghu. God la kulu kato kokohi keha grege ka thofno gaju oliv na mala salo fodu ghamihi mala kaisei ka thofno gaju oliv na. Eghume gognaro na ghotilo jaola snori nomihi ka fablahi te jifla mei ka hatimare mae Jiu.

Efesus 2:2

Uve, tifa na ghotilo neke leghuni puhidi naikno te diꞌa ka nauthoglu igne. Ghotilo neke leghuni kolho mae Satan, mae funeidi naitu ka maloa gne, eigna mana gognaro na tangomana te funeidi iheire naikno te theome leghuni God.

Matiu 20:7

“Mare ne cheke eghu ka mana, ‘Naugna theo kaisei mae te foli ghami ghehati na.’ “Aonu mana ne cheke eghu ka mare, ‘Keli fara, ghotilo jaola tei loku ka nogu nagare iara na.’