Efesus 1:23 - Buka Blahi Ka Cheke Holo

²³ Eigna khiloau na thinigna Kraes, eghuteuna ka thini tuana te au mae ihei te au nolaghi ke klignadi gobigna lepo te au heva heva.

Efesus 1:23 ပူးပေါင်းရင်းမြစ်များ

Jone 1:16

Tutuani fara, mae igne thofno mae keli fara, naugna mana ne edi fabrahu glepo te kelire ranghi ghita tahati hui.

Efesus 4:12

Mana neke eni igne mala tangomana nogna naikno te gnafa God re te mala loku fakelidi nogna glokure, nei mala kotu heta thinigna Kraes.

Efesus 3:19

Iara toreni God mala fodu e salaꞌui ghotilo ka puhigna God thegna kate lase fakelini ghotilo nogna namha Kraes igne. Iara toreni igne neubane theo kaisei naikno tangomana te thofno ruruthani ba thofno lase fakelini u namha igne!

Efesus 4:10

Tutuani fara, Jisas mae ihei teke soru mei, eghuteuna mana la mae ihei teke haghe na. Mana haghe ne tei sala'uni maloa gne. Mana neke eni igne mala au heva heva ka gobigna lepo fateore.

Kolose 1:24

Gognaro na iara keli tagu fara neubane au papara, naugna naꞌau papara te eni iara igne mala togho ghami ghotilo. Tifa na mae Kraes neke papara fara mala toghoni khiloau, thinigna mana na. Eghuteuna, iara jaola au papara ka thinigu na mala fakhaputu nogna gloku mae Kraes te theome gnafa nga teu.

Kolose 3:15

Eghuteuna snakreni nogna pharikeli Kraes na mala saghe leghudi gaoghathomire. Naugna God neke kilo ghami ghotilo mala au fodu jateula kaisei thini eghu ngala, nei u pharikeli igne tangomana te au balumi ghotilo. Eghuteuna leuleghu fata na ghotilo mala cheke fakelini God.

Kolose 3:11

Ka nakarha majaghani igne na, naikno te gnafare mala kaisei nanaba ngala. Neuba tahati ne mae Jiu ba theome mae Jiu, neuba tahati ne tohi fagaglana ba theome tohi fagaglana, neuba tahati ne mae sikolu ba tahati maeda holo, ba tahati mae sneka ba tahati mae au snagla kolho, nu kaisei mae Kraes ngala te glepo ulu ka nakarhada na, eghuteuna mae Kraes te au ke lamnada gnafa.

Efesus 2:16

Kate lehe kau gaju fafatha na, Kraes neke fahuhui puhidi mare te au naoka fabrahu igne. Mana neke salo fodu phei nafnata naikno igre mala kaisei thini ngala, eghuteuna ke hata fapulodi ka God.

Ululahu Korin 12:6

Eghuteuna jare na soasopai nafnata gloku tahati te mala toghodi naikno te gnafare, nu kaisei God ngala teke tusu meidi ka tahati soasopai nafnata nolaghi te mala edi gloku igre.

Letas Teke Riso Tei Mae Pol Ka Khiloau Rom 13:5

Eghume ghotilo mala leghudi hatimare mae biꞌo ka gavman. Nu ghotilo mala theome leghudi mare naugna ghotilo mhaghuni fate na ka mare kolho, nu naugna ghotilo laseni tuana te puhi te keli te mala eni na.

Efesus 4:4

Tahati naikno khiloau gre kaisei thini ngala. Jare kaisei Tharunga te Blahi. Eghuteuna God neke kilo ghita tahati gnafa mala hata kaisei glepo te keli ngala te ofoni teu tahati na.

Efesus 3:10

Nu gognaro na God ne babana u khiloau gne mala falalase nogna glalase te keli te gnafa God ka hatimare mae engel nei keha nafnata nolaghi langau ka maloa gne.

Efesus 4:13

U gloku igne na theome gnafa ghilei kaisei ngala tahati hui ka fatutuani nei ka glalase eigna Thugna God. Eghuteuna tahati ginauna naikno puhi nei kotu haghe jateula Kraes ka nakarhagna eghu.

Kolose 2:19

nei mare theome au heta ka mae Kraes. Mae Kraes pha'ugna khiloau na, eghuteuna khiloau na jateula thinigna mana eghu. Eghuteuna pha'u na tangomana te edi grerege te gnafare te mala kotu heta nei kaisei baludi nhubra ghe naula. Eghuteuna thinigna mae Kraes gne na kotu haghe ka puhi te magnahagheni God na eghu.