Efesus 1:18 - Buka Blahi Ka Cheke Holo

¹⁸ Iara toreni noda God mala tusu ari glalase te biꞌo. Glalase igne ginauna togho ghami ghotilo mala filo glanini unha teke kilo ghita God na. Jaola glalase igne mala togho ghami ghotilo te mala filo glanini thofno glepo keli te gnafa teke nhaꞌa cheke ranghidi nogna naiknore.

Efesus 1:18 ပူးပေါင်းရင်းမြစ်များ

Mae Khuru 26:18

Iara na kuru tei nigho mala tothora tathadi iheire te au kate romno mala filoni mare u thofno naphaegna God. Uve, iara na kuru nigho mala jifla kokoni mare nogna nolaghi mae Satan mala ke pulo ka God. Eghuteuna te fatutuani ghau iara mare na, God ginauna hata fadelei nakhibodire. Eghuteuna mare ginauna na kaisei ngala baludi naikno teke kulu vavahi God re.’

Fapea Korin 4:6

Naugna God neke chekeni naphae na mala siasigla kate romno na, eghuteuna God tuanala te fasigla mei u naphae gna na ka nagnafami ghehatire. Mana eni igne mala lase fakelini ghehati nogna nolaghi biꞌo God te sigla mei ka thinigna Kraes.

Luku 24:45

Mae Jisas ne tothora gaoghathodi mare re. Aonu mare ne tangomana te laseni grioriso te blahi na.

Efesus 1:7

Kraes neke foli fajifla ghita ka dadara glehegna ke kligna gaju fafatha jateula kaisei fafara teu te mala hata fadelei nakhiboda ka nogna khokofakasai God te bruara igne.

Efesus 5:8

Tifa na, ghotilo neke au ka naromno, nu gognaro na ghotilo kela au ka naphae, naugna ghotilo nognahi Lord. Eghume ghotilo leghuni puhidi naikno te au ka naphae,

Efesus 3:16

Iara toreni God ka nogna nafnakno biꞌo kligna mala snakre meini nogna Tharunga te Blahi na ka ghotilo, mala tangomana ghotilo te heta ka nagnafamire.

Efesus 4:4

Tahati naikno khiloau gre kaisei thini ngala. Jare kaisei Tharunga te Blahi. Eghuteuna God neke kilo ghita tahati gnafa mala hata kaisei glepo te keli ngala te ofoni teu tahati na.

Nodi Khoje Hatimare Mae Jiu 119:18

Fasnaglini nagnafagu gne mala filo glanidi iara thofno chekemu iagho te au ka vetula na igre.

Taetus 3:7

Mana neke eni igne mala tangomana tahati te hatini u karha majaghani te theo ka huigna teke rouronuni teku tahati na. Tahati tangomana te hatini u karha igne naugna God na thofno namha ghita ne fadoglo ghita ke ulugna thegna.

Profet Isaia 42:7

Iagho ginauna nake fakelidi tathadi iheire te dofu mala ke fifilo fakeli, eghuteuna toghodi iheire te au ka suga sosolo te romno mala jifla mei ka nasnagla.

Fapea Tesalonika 1:11

Naugna igne, ghehati tarai koba eimi ghotilo, nei toreni noda God mala togho ghami nei nabami te au ka nakarha te keli teke kilo ghamihi mana. Eghuteuna ghehati jaola toreni God ka nogna nolaghi mala togho ghami ghotilo mala leghudi gaoghathomi nei loku fahui gloku teke edi ghotilo naugna te fatutuani ni God.

Efesus 4:1

Iara au ka suga sosolo naugna iara ne loku ranghini Lord. Eghume iara cheke heta ka ghotilo, eigna nakarhami ghotilo na mala au doglo mala nanaba ka puhigna God mae ihei te kilo mei ghami na mala leghuni mana.

Profet Isaia 6:10

Isaia! Nou cheke iagho igre mare ginauna theome lase fakelidi, eghuteuna na theome nomhi fakeli, eghuteuna na jaola theome laseni kaisei glepo. Ka puhi igne, mare ginauna theome tangomana na teke pulo mei ka iara te mala fakarhidi re.”

Ululahu Timoti 6:12

Fariuriu fara nakarhamu ka khiloau gne mala au fakeli, jateula mae ihei te fariuriu chari te mala ulu ka fangenghele ia eghu. Ghaoghatho heta eigna iagho la hatahi nou taba u karha fei tifa na. God neke kilo nigho mala hata karha tuana. Eghuteuna iagho neke cheke thakleni nou fatutuani biꞌo eigna mae Kraes ke uludi kmana naikno te nomhini.

Profet Isaia 29:10

Lord neke edi tathami ghotilo re mala kukape, eghuteuna au jateula mae te thuru iho fara ra eghu. Eghuteuna Lord jaola fadodofu tathadi mae profet igre mala theome tangomana mare te filoni kaisei glepo te keli nei theome togho ghami ghotilo te mala tei ka nabrou te doglo na.

Ululahu Pita 5:10

Uve, leghu fata na God togho ghami ghotilo ka nogna khokofakasai te biꞌo. Eghuteuna naugna ghotilo te nogna mae Kraes na, mana kilo ghami ghotilo mala hata balugna nafnakno biꞌo te au fabrahu tifa te tifa. Gognaro na ghotilo au papara katha vido kmoꞌei kolho, nu God ginauna togho ghami mala ke majaghani fapulo nakarhamire nei fadodoglo nomi fatutuani ghotilo na. Eghuteuna mana ginauna jaola tusu ranghi ghami nolaghi mala tangomana ghotilo te au heta fabrahu na.

Efesus 1:11

Gobigna lepo igre God neke edi leghuni nogna gaoghatho nei glalase teu thegna na. Mana ne leghuni nogna gaoghatho thegna na neke vahi ghita tifa mala nogna naikno Kraes.

Hibru 10:32

Ghotilo ke ghathoni unha teke eni tifa ia, ka narane teke kulu fatutuani ni ghotilo mae Kraes na. Kau narane tuare neuba neke para ghami fara, ghotilo heta ghemi neke theome mhaghu.

Ululahu Tesalonika 2:12

Ghehati faheta ghami, togho ghami nei cheke ranghi ghami ghotilo mala leghuni nafnata nakarha te keli tagna God. Mana kilo ghami mala au ka thofno nakarha nate keli te funei frunini God ginauna.

Fapea Korin 4:4

Eigna Satan mae ihei te funei frunini nauthoglu igne ne faromnodi nagnafadi naikno te theome fatutuanire. Eghume mare theome tangomana te filoni u naphae gna Nonomho te Keli te thofno fatakleni nogna nolaghi biꞌo Kraes na, mae ihei te thofno thotoghale gna God na.

Profet Isaia 32:3

Gognarona mare tangomana te filo glani nei jaola nomhini teu chekegna God na.

Fapea Tesalonika 2:16

Ghehati tarai ka noda Lord Jisas Kraes thegna nei God Kmada mala fameomego ghau nei farheta ghau ka gobigna lepo te keli te edi ba chekedi ghotilo re. God neke namha ghita nei ka nogna khokofakasai na mana tusu ranghi ghita grouronu te keli nei fameomego ghita fabrahu tifa tifa.

Ululahu Tesalonika 5:8

Nu tahati nogna narane. Eghume tahati reireghi fakeli ghita theda. Noda fatutuani nei noda namha ranghini God jateula noda greoreo, nei noda grouronu te mala hatini tahati u karha fei tifa na jateula noda khepi eghu.

Matiu 13:15

Naikno igre bobotho nagnafadire naugna mare theome magnahaghei te raꞌe lalase. Mare fadodofu tathadire naugna mare theome magnahaghei te raꞌe filo glanini kaisei glepo. Mare fofotho khulidire naugna mare theome magnahaghei te raꞌe laseni kaisei glepo. Mare edi glepo igre naugna mare theome magnahaghei teke pulo mei ka iara mala fakarhidi.’ Igne unha teke chekeni God ka mae profet Isaia na.

Ululahu Pita 3:9

Jame kaisei mae ei puhi diꞌa ka ghotilo, thosei foli fapulo puhi te diꞌa tuana ka mana. Eghuteuna jame kaisei mae cheke diꞌa ka ghotilo, thosei cheke diꞌa fapulo ka mana. Blahi fara. Nu te keli na, ghotilo tarai ka God mala fablahini mana. Naugna tifa na God neke kilo ghami ghotilo, mana neke nhaꞌa cheke mala fablahi ghami ghotilo.

Hibru 6:4

Naugna keha naikno khiloaure theome tangomana te hogri nagnafa teke figri ka mae Kraes na. Kaisei fata mare neke auhi ka naphaegna God. Mare jaola hatahi unha teke tusu mei God funugna kligna nei mae Tharunga te Blahi la auhi ke lamnadi.

Kolose 3:15

Eghuteuna snakreni nogna pharikeli Kraes na mala saghe leghudi gaoghathomire. Naugna God neke kilo ghami ghotilo mala au fodu jateula kaisei thini eghu ngala, nei u pharikeli igne tangomana te au balumi ghotilo. Eghuteuna leuleghu fata na ghotilo mala cheke fakelini God.

Kolose 1:23

Mae Kraes tangomana te eni igne mala te kegra heta fabrahu ghotilo ka nomi fatutuani na. Thosei snakreni kaisei glepo ka nauthoglu igne mala hata fadelei ghami ka puhi fatutuani teke nomhinihi ghotilo ka Nonomho te Keli gne. Hatimare mae fatutuani ra neke toutonunihi u Nonomho te Keli gne ka naikno te gnafa ka nauthoglu gne. Eghuteuna iara mae Pol, kaisei mae gloku mala toutonu nila u Nonomho te Keli gne.

Kolose 1:5

Tutuani fara, fatutuani nei namha teuna au ka ghotilo naugna ghotilo rouronu mala hata unha God tela kulu tarabanahi malami ghotilo kligna. Ghotilo laseni grouronu igne kani teke nomhini cheke te tutuani eigna mae Jisas Kraes.

Galesia 5:5

Nu ka nogna thotogho mae Tharunga te Blahi na, ghehati ronuni fara God mala fadoglo ghami ke ulugna mana ginauna.

Profet Isaia 29:18

Ka narane tuana, iheire te meglire ginauna nake nomhidi cheke te au ka buka na igre. Eghuteuna iheire te dofu te au teu kate romno re, ginauna nake fifilo fapulo.

Ululahu Pita 1:3

Cheke fakelini God Kmagna noda Lord Jisas Kraes! Eigna ka nogna kokhoni ghita te biꞌo fara, mana neke tusu ranghi ghita u nolaghi te mala teke karha majaghani na. Eghume gognaro na tahati au noda grouronu eigna thofno nakarha na, naugna mae Kraes neke karha fapulo kau glehe.

Mae Khuru 16:14

Kaisei gaꞌase jare nanghagna na Lidia. Naꞌa thaugna Taetira neke mei au jare Filipae. Nogna gloku na mala fofoli pohe ukru nei naꞌa jaola pogho soruni thofno God. Kate fanomho teu naꞌa ka mae Pol na, God ne tothora nagnafagna na ne fatutuani ni mae Jisas.

Filipae 3:14

Iara faheaheta fara mala hata u taba igne. Naugna mae Jisas Kraes, God kilo ghau iara mala tei ka mana kligna nei au fabrahu balugna mana jare. Eghume tuana ngala nogu taba iara na.

Thoutonu Eigna Mae Job 42:5

Tifei na, iara nomhini kolho unha naikno gre te cheke eimu iagho na, nu gognarona, iara filo nigho ka tathagu thegu na.

Profet Isaia 11:2

Eghuteuna Tharungagna Lord na ginau mei au ka mana mala tusu ranghini gaoghatho te keli nei glalase. Tharunga igne ginauna tusu ranghini mana cheke te keli nei nolaghi mala funei fruni. Tharunga gna Lord na ginauna au balugna mana, mala batuni mana. Eghuteuna Tharunga igne ginauna toghoni king mala laseni unha Lord te magnahagheni te mala laseni mana na, nei mala ghatho tahuni mana.

Nonomho Te Keli Teke Risoi Mae Mak 10:17

Kate jifla te tei mae Jisas na, kaisei mae dedei chari ne mei tuturupuku ke ulugna mana ne cheke eghu, “Mae velepuhi te keli, unha nate eni iara te mala hatini nakarha fei tifa na?”

Letas Teke Riso Tei Mae Pol Ka Khiloau Rom 2:4

Jau ghotilo ghatho faꞌikoini kolho puhigna God na, eigna mana au kmu fara nei theome faghose diꞌatagna, nu mana ofou kolho. Ba, ghotilo theome filo glanini kolho God te au kmu fara na, naugna mana magnahaghei ghami ghotilo te mala tughu nagnafa na eghu sia?

Letas Teke Riso Tei Mae Pol Ka Khiloau Rom 11:29

Naugna God na theome tangomana nate tughu nagnafagna ka mae Jiu, iheire mana teke vahidi nei fablahidi.

Kolose 1:12

Eghuteuna ghotilo ginauna gleale'a balu cheke fakelini Kmada. Mana ne fatangomana ghami ghotilo te hatini u nakarha teke kulu tarabanahi maladi nogna naikno te au kligna ka nauthoglu te phae fabrahu na.

Kolose 1:27

God magnahaghei falalase ka nogna naiknore u famane cheke poru igne mala toghodi fara naikno te gnafa ka nauthoglu igne. U cheke poru igne gaoghathogna na mae Kraes na auhi ke lamnami ghotilo, eghuteuna mana ginauna hata ghami tei mala au balugna God.

Kolose 2:2

Iara eni igne mala heta ghotilo nagnafamire nei au fodu ghotilo kau namha. Ka puhi igne, ghotilo thofno lase fakelini mae ihei God teke theome falalaseni tifa, mae igne Jisas Kraes thegna.