Diutronomi 9:5 - Buka Blahi Ka Cheke Holo

⁵ Theome naugna te keli nei doglo teu ghotilo na. Theo! Lord ginauna ngolhi fajifladi naikno igre naugna mare ne eni unha te diꞌa nei naugna teke nhaꞌa chekeni mana ka kuꞌemi ghotilo mae Ebraham, Isak nei Jekop mala tusu ranghi ghami ghotilo glose igne.

Diutronomi 9:5 ပူးပေါင်းရင်းမြစ်များ

Taetus 3:5

Mana neke fakarhi ghita. Nu mana neke theome fakarha ghita eidi unha gloku te keli teke edi tahati re, theo! Ka nogna kokhoni ghita kolho mana teke fakarha ghita na. Mana neke tusu mei ka tahati u nogna Tharunga te Blahi na mala fagagaedi u nagnafadare, nei hatini tahati u karha majaghani na.

Jenesis 26:4

Iara ginauna na snakre ari ka iagho kmana vike mala jateula nathunu te filodi iagho te theome naba te kahadi ka maloa na are eghu. Eghuteuna iara ginauna na snakre lao namono te gnafa igre ka mare. Naikno te gnafa ka nauthoglu igne ginauna na tore ghau iara mala fablahidi jateula teke eni iara ka vikemu iagho gre eghu.

Jenesis 17:8

Namono Kenan te au teu iagho gognaro igne nodi namono keha vikei. Nu iara ginauna na tusu ari ka iagho nei ka thumu iagho nate karha mei ke leghumu iagho re eghu namono igne, eghuteuna namono igne ginauna na nomi ghotilo fabrahu tifa e tifa. Eghuteuna iara ginauna mala nodi God thumu iagho re ngala.”

Jenesis 15:7

Lord jaola ne cheke eghu ka mae Ebram, “Iara Lord. Iara neke batu fajifla nigho ka namono Ur jare Babilonia. Iara neke eni igne mala tangomana iara te tusu ari ka iagho namono igne mala khotogna iagho.”

Jenesis 13:15

Namono te gnafa te filo laodi iagho are iara ginauna tusu ari ka iagho nei ka vikemu iagho gre eghu. Namono igne ginauna na nomi ghotilo fabrahu tifa e tifa.

Jenesis 12:7

Nu Lord ne thakle ka mae Ebram ne cheke eghu ka mana, “Iara ginauna na tusu ari ka vikemu iagho re namono igne mala au nodi tagna.” Mae Ebram ne cheke eghu, “Lord, iagho keli fara ne chekeni igne ka iara.” Aonu mae Ebram ne hohoro kaisei olta ka thina jare malagna Lord.

Profet Esikiel 20:14

Nu iara na theome eghu, naugna jame naiknodi ka keha kantri te au falithuidi mare igre ginauna faparini nanghagu iara na. Mae igre neke filo glani ghau iara teke hata meidi iara funu Ijep. Jame te theome leghuni iara nhaꞌa cheke igne na, mare ginauna faparini nanghagu iara na.

Eksodas 32:13

Iagho ke ghathodi thilo nou mae gloku ra, Ebraham, nei Isak nei Jekop, iagho ke ghathoni u Nhaꞌa Cheke teke eni iagho ka thilo mare ka nanghamu themu. Iagho neke nhaꞌa cheke eghuhi ka thilo mare, ‘Iara ginauna edi iheire nate karha mei ke leghumi ghotilo re mala kmana fara jateula nathunu ka maloa na are eghu. Eghuteuna iara ginauna tusu lao ka mare vido glose te gnafa teke nhaꞌa cheke iara ka ghotilo ra, mala nodi mare fabrahu.’ ”

Jenesis 28:13

Eghuteuna mae Jekop ne filoni Lord na kegra neu rhegna mana ne cheke eghu, “Iara Lord, nogna God mae kuꞌemu iagho Ebraham nei nogna God kmamu iagho Isak. Glose te thuru teu iagho igne iara ginauna tusu ari ka iagho nei ka vikemu iagho igre eghu.

Letas Teke Riso Tei Mae Pol Ka Khiloau Rom 15:8

Te chekeni iara ka ghotilo na, Kraes neke eni nogna gloku na mala toghodi mae Jiu, mala farerheta nogna nhaꞌa cheke God teke eni mana ka mae ku'edi mae Jiure ne tutuani.

Letas Teke Riso Tei Mae Pol Ka Khiloau Rom 11:28

Naugna mae Jiu gre mare tirodini u Nonomho te Keli na, mare nogna naoka God. Eghuteuna igne togho ghami ghotilo iheire te theome Jiura. Nu naugna nogna nhaꞌa cheke teke eni mana ka mae ku'edi mae Israel ra, God namhadi fara iheire mana teke vahidi.

Mae Khuru 3:25

U nhaꞌa cheke teke chekedi God ka mae Profet ra malami ghotilo neku, jateula u nhaꞌa cheke teke edi God ka mae kuꞌeda tifa ra. God neke nhaꞌa cheke eghu ka mae kuꞌeda Ebraham, ‘Funu ka goro thumu iagho gre iara ginauna na fablahidi naikno te hui ka nauthoglu igne.’

Profet Maeka 7:20

Ghehati tharakna gna Jekop rouronu nigho fabrahu. Uve, ghehati lase nigho iagho ginauna ghatho tahu ghami ghehati fabrahu nei namha ghami ghehati tharakna gna Ebraham. Ghehati thofno laseni igne, naugna iagho neke nhaꞌa cheke ka kuꞌemi ghehati tifa ra.

Jenesis 19:29

Aonu kate roꞌedi te gnafa namono teke au ka sare na igre, God neke ghathoni unha teke toreni mae Ebraham eidi naikno te doglo ra ne fakarhi ni mae Lot. Nu mana ne roꞌeni namono aheva teke augna mana na.

Levitikas 18:25

Nafnata puhidi mare igne fathonani glose na mala theome klino ka tathagu iara na, eghume iara na paradi naikno te au jare ra. Papara igne mala eni glose igne mala jateula mae ihei te rogna luꞌara eghu, eghume glose igne na luꞌa fajifladi naikno te au tagna re.

Diutronomi 12:31

Ghotilo thosei leghudi puhidi mare re kate pogho soruni ghotilo Lord nomi God. Naugna kate pogho soru mare ka nodi god re, mare edi glepo te thono diꞌa fara te tirognadi fara Lord. Ghotilo laseni, mare gahu thudire mala fafara ka nodi god re.

Diutronomi 18:9

Mae Moses ne cheke eghu, “Kate tei ghotilo ka glose aheva Lord nomi God teke tusu lao ka ghotilo na, ghotilo thosei leghudi puhidi naikno te diꞌa te au ka vido tuana.

Diutronomi 20:18

Jame te theo na, mare ginauna farirhiu ghami ghotilo mala leghudi ghotilo puhidi mare te diꞌa re mala tarai ka nodi god mare are. Eghuteuna jame te eghu ghotilo na, ghotilo ginauna eni nakhibo biꞌo ranghini Lord nomi God.

Profet Esikiel 36:22

“Eghume naugna igne, iagho cheke ka naiknodi Israel iara Lord God te cheke eghu igne: ‘Iara ginauna nake hata fapulo ghami ghotilo, theome naugna te keli ghotilo na. Theo! Naugna ghotilo ne lausasaba nanghagu iara te blahi na ka namono aheva te au ghotilo tagna na.

Profet Esikiel 36:32

Ghotilo mala lasedi unha te edi iara glepo igre, theome eidi glepo te keli teke edi ghotilo ra. Ghotilo naiknomi Israel! Ghotilo mala diꞌanagnafa nei mala mamajadi eghu unha teke edi ghotilo ra! Igne nogu cheke iara Lord God.

Jenesis 15:16

Gramu iagho re ginauna na theome ghosei ke pulo mei ka namono igne. Mare nake pulo mei ka namono igne kate thokeni mare fati phagusu na. Naugna naiknodi Amor gre ginauna kulu edi kmana glepo te diꞌa fara ka namono igne. Ke leghugna igne, iara ginauna na paradi nei kuru fajifladi eghu naikno tuare ka namono igne.”

Levitikas 18:24

“Thuagna nafnata puhi igre tangomana te fathona ghami ka tathagu iara na, eghume ghotilo thosei eni glepo te diꞌa igne. Tharaknagna Kenan igne neke edi nafnata glepo igre neke theome klino mare ka tathagu iara na, eigna iara ginauna ngolhi fajifladi eghuteuna tusu ari nodi glose mare na ka ghotilo.

Diutronomi 1:8

Igne namono teke nhaꞌa cheke iara teke tusu lao ka thilo kuꞌemi ghotilo tifara, Ebraham, Isak nei Jekop, baludi iheire nate karha mei ke leghudi thilo mare. Gognarona ghotilo tei hata namono igne, nomi ghotilo.”

Diutronomi 18:12

Ihei te edi nafnata glepo igre, thono diꞌa fara ka tathagna Lord na. Uve, naugna igne mana na kulu tei brue fajifladi naikno te au ka glose tuana.