Diutronomi 9:28 - Buka Blahi Ka Cheke Holo

²⁸ Jame te goigonidi iagho naikno igre na, naiknodi Ijep igre ginauna cheke eghu, “Naiknodi Israel igre la lehehi naugna Lord na theome tangomana te hatadi te tei ka glose teke nhaꞌa chekeni mana mala tusu lao ka mare teku na.” Ba, mare ginauna cheke eghu, “Mana falehedi mare naugna mana tirognadi; mana magnahaghei te hata teidi kolho ka namono nagou na mala falehedi jare.”

Diutronomi 9:28 ပူးပေါင်းရင်းမြစ်များ

Naba 14:16

‘Lord na theome tangomana te atha te mei naikno igre ka vido teke nhaꞌa cheke thegna mala tufa ka mare na, aonu mana ne falehedihi mare ka namono nagou.’

Eksodas 32:12

Jame te eni iagho igne na, naiknodi Ijep igre ginauna chekeni te iagho neke chaghidi kolho naiknore mala mei falehedi ka thogele igre. Iagho thosei diꞌatamu di. Iagho tughu nagnafamu na, iagho thosei eni kaisei puhi biꞌo mala goigonidi.

Diutronomi 1:27

Mare au neku kolho ka nodi suga tapuale re, neke khuru cheke eghu, ‘Jauna Lord na tirogna ghami ghehati eghume mana hata fajifla ghami Ijep mala lehe ka khamedi kokhologna mae Amoa.

Diutronomi 9:27

Ghathodi sagho thilo nou mae glokura, Ebraham, Isak nei Jekop. Eghuteuna kate ghathodi iagho thilo mae igre, thosei filo ka nakhibo teke edi naikno te patu gama fara igre.

Josua 7:9

Jame nomhini naiknogna kantri igne eigna igne meuna, mare ginauna mei falehe ghami ghehati. Nafnata puhi igne naiknore ginauna cheke faparini nanghamu iagho na, eghume iagho togho ghami ghehati!”

Diutronomi 32:27

Nu iara laseni jame te eni iara igne na, nomi naoka ghotilore ginauna cheke fadiꞌa eghu ghau iara, “Ghehati neke uludi naiknodi Israel ka nomi nolaghi themi, Lord neke theome togho ghami ghehati neke uludi mare!” ’

Profet Esikiel 20:9

Nu iara neke theome eni igne, naugna jame laseni naiknodi Ijep gre igne meuna, mare ginauna faparini nanghagu iara na. Naugna iara neke nhaꞌa chekehi ka naiknodi Israel te au farihoteidi naiknodi Ijep igre te mala hata fajifladi iara nogu naiknore ka kantri Ijep. Jame te theome leghuni iara nogu nhaꞌa cheke na, naiknodi Ijep igre ginauna faparini nanghagu iara na.