Diutronomi 9:26 - Buka Blahi Ka Cheke Holo

²⁶ Ka narane tuana iara tarai ka Lord ne cheke eghu, ‘Lord nogu Funei, thosei falehedi. Naikno igre nou iagho, eghuteuna iagho neke hata fajifladi Ijep ka nou nolaghi te biꞌo nei ka khamemu te rheta tulao.

Diutronomi 9:26 ပူးပေါင်းရင်းမြစ်များ

Thakle 5:9

Mare ne kafe kojeni kaisei khoje te majaghani ranghini mae Lam na, ne cheke eghu, “Iagho nabamu te hata pepa na te mala hata koko loke are. Naugna mare neke falehe nigho, eghuteuna dadaragna glehemu iagho na kaisei fafara mala foli fajifladi nogna naikno God re. Naikno igre mei funudi ka vike te gnafa, ka cheke te gnafa, ka namono te gnafa nei ka kokholo te gnafa ka nauthoglu igne.

Taetus 2:14

Mae Jisas Kraes neke snakreni thegna mala lehe tughu ghita tahati nei neke hata fajifla ghita kau nakhibo. Nu mana neke hata fadeleidi nakhiboda tahati re, mala tangomana tahati nogna naikno mana re te magnahaghe edi fara unha glepo te magnahaghedi mana re.

Profet Jeremaea 14:21

Thosei faparini nafnaknomu na ka tathadi naiknore. Thosei fadidiꞌa puhi te keli te funei fruni iagho igne. Thosei ghatho ihoni nhaꞌa cheke teke eni iagho ka ghehati ia, iagho thosei lopini nhaꞌa cheke igne.

Nodi Khoje Hatimare Mae Jiu 107:2

Tahati naikno teke atha fapulo ghita Lord ka khamedi hatimare mae naoka ra, tahati kafe pala hagheni nanghagna Lord.

Eksodas 15:13

Iagho neke foli fapulo ghami ka nou namha na neke atha ghami ghehati neke tei. Kate tei ghehati na iagho ginau na baubatu ghami ghehati tei ka vido te blahi fara teke kulu vavahi iagho mala au ghehati teku iagho na.

Hibru 9:12

Mae Kraes ruma kaisei fata ngala ka chogho te blahi fara na, kaisei fata tuana ngala tifa tifa. Mana neke theome atha balugna dadara nanigot ba dadara buluka. Theo. Mana neke hata dadaragna thegna mala fafara! Ka puhi igne, mana tangomana te atha fajifla ghita mala snagla fabrahu tahati ka khamegna mae Satan.

Profet Maeka 6:4

Kani teke loku jateula naikno sneka teku kuꞌemi ghotilo Ijep tifa ra, iara neke atha fajifladi ka kantri tuana mala snagla mare. Iara neke kuru teidi Moses, Eron, nei greghadi Miriam mala batudi mare mala ke pulo mei.

Profet Isaia 63:19

Funu tifa te ghilei mei posa gognarogne ghehati jateula naikno te theome funei fruni ghami iagho ra eghu kolho. Uve, ghehati jateula te fiti naikno ra eghu kolho ka iagho.

Profet Isaia 44:23

Ghotilo gobigna lepo ka maloa ra, nei ghotilo gobigna lepo ka nauthoglu ra eghu koje balu glealeꞌa! Ghotilo thogele nei gaju fateote'o teura, ghotilo jaola glealeꞌa balu eha fabiꞌo! Ghotilo kilo fnaknoni Lord, naugna Mana neke fakarhidi nogna naiknore neke fakakhana nogna nolaghi na ranghini Israel.

Nodi Khoje Hatimare Mae Jiu 106:23

Aonu te chekeni God na, mana ginauna roꞌedi nogna naiknore. Nu mae Moses, mae ihei teke vavahi thegna Lord na ne theome magnahagheni gaoghathogna God na. Aonu mana ne kegra ke ulugna God ne fanograni te diꞌatagna mana ka naiknodi Israel re.

Nodi Khoje Hatimare Mae Jiu 99:6

Mae Moses ghe mae Eron, phia mare nogna mae pris God, eghuteuna mae Samuel kaisei mae ka mae iheire neke tarai ka God. Hatimare mae igre neke tarai ka God, eghuteuna mana neke cheke tughudi nodi tharai mare re.

Nodi Khoje Hatimare Mae Jiu 77:15

Ka nou nolaghi, iagho neke fakarhidi nou naiknore. Uve, iagho neke fakarhi ghami ghehati vikegna mae Jekop nei vikegna mae Josep.

Nehemaea 1:10

“Naikno igre nou naikno gloku iagho nei nou naikno iagho. Iagho fakarhidi ka nou nolaghi biꞌo nei nou nanheta.

Ululahu Kings 8:51

Iagho tangomana te eni igne, naugna mare nou naikno iagho. Tifa na kuꞌemi ghehati ra neke au Ijep, eghuteuna mare neke au papara fara jateula te au ke lamna khaꞌaghi ra neku kolho.

Fapea Samuel 7:23

Eghuteuna theo kaisei naikno ka nauthoglu igne te jateula nou naikno iagho Israel igre teuna. Iagho neke fakarhidi mala kafe laseni nanghamu te fnakno kligna lahu. Ulu lahu na iheire te sneka, nu iagho fasnaglidi mala nou naikno themu. Iagho neke fakarhidi kuꞌedi nou naikno iagho teke au Ijep ra. Iagho neke edi kofubobhoi te biꞌo kani teke brue fajifladi iagho keha naiknora balu nodi mumuju god.

Diutronomi 32:9

Nu ghotilo nogna naikno Lord. Ghotilo naikno ka vikegna Jekop ra, ghotilo nogna Lord.

Diutronomi 21:8

Lord, iagho gleꞌani fafara igne mala hata fadelei nakhibodi nou naikno iagho teke fakarhidi iagho gre. Thosei lisa mei ke klignami nakhibo igne mala para ghami naugna keha mae neke aknu faleheni mae te doglo igne.’ Eghume, Lord ginauna tangomana hata fadelei nakhibomi ghotilo re ka glehegna mae igne.

Diutronomi 15:15

Ghotilo ke ghathodi narane teke sneka ghotilo Ijep ra eghuteuna Lord nomi God neke hata fajifla ghami ka khamegna Fero, king gna Ijep. Naugna igne teke cheke faheta iara ka ghotilo gognarogne.

Diutronomi 13:5

Tifa na ghotilo neke sneka Ijep, eghuteuna Lord neke hata fajifla ghami neke fakarhi ghami ghotilo. Eghume ghotilo mala aknu falehe mae profet te fariuriu batu fadelei ghami ghotilo are, eigna mare magnahaghei ghami ghotilo te figri tagruni Lord nomi God, mala thosei ke eni mare puhi te batu fadiꞌadi naiknore igne.

Diutronomi 9:29

Nu iagho lasedi, naikno igre nou iagho, iagho neke hata fajifladi Ijep ka nou nolaghi te biꞌo nei ka khamemu te rheta tulao.’ ”

Diutronomi 7:8

Nu naugna mana namha ghami ghotilo, eghuteuna mana leghuni nhaꞌa cheke teke eni mana baludi kuꞌemi ghotilo tifa ra, mana neke fakarhi ghami ghotilo ka nogna nolaghi biꞌo na kani teke hata fajifla ghami ka khamegna king gna Ijep mala theome sneka ghotilo.

Eksodas 34:9

Eghuteuna mana ne cheke eghu ka Lord, “Lord, jame te thofno keli tamu fara iagho ka iara na, iagho mei balumi ghehati. Tutuani fara, naikno gre patu gama fara, nu iara tore nigho iagho mala atha koko gnafa puhimi te diꞌa nei nakhibomi teu ghehati gre, eghuteuna ke atha fapulo ghami jateula nou naikno themu eghu.”

Eksodas 33:13

Jame tutuani te eghu teu gaoghathomu iagho eigu iara na, iagho farirhiu ghau iara puhimu iagho te doglo na, mala lase fakeli nigho nei edi fabrahu nou gloku iagho re, eghuteuna iara tangomana te edi igre mala keli tamu iagho. Iara jaola tore nigho mala thosei ghatho iho ghau, eigna iagho neke vahidihi naikno igre mala thofno nou naikno iagho.”

Diutronomi 9:27

Ghathodi sagho thilo nou mae glokura, Ebraham, Isak nei Jekop. Eghuteuna kate ghathodi iagho thilo mae igre, thosei filo ka nakhibo teke edi naikno te patu gama fara igre.

Ululahu Samuel 7:9

Aonu mae Samuel ne aknu falehe kaisei sipu ikoi ne gahu knoro ka khaꞌaghi jateula kaisei fafara neu ka Lord. Eghuteuna mana ne tarai heta ka Lord mala toghodi naiknodi Israel. Eghuteuna Lord ne nomho ka nogna tharai mana na.

Ululahu Kings 8:53

Iagho neke vahi fadelei ghami ka naikno te gnafa ka nauthoglu igne, mala nou naikno themu. Lord, iagho neke chekeni glepo igne ka nou mae gloku Moses, mala cheke mana ka kuꞌemi ghehati ra ka narane teke hata fajifladi iagho Ijep ra.”

Nodi Khoje Hatimare Mae Jiu 78:35

Gognaro na mare ne ke ghatho fapulo eigna God na thofno fnakno fara, mana ngala teke reireghidi nei fakarhidi teku mare na.

Profet Jeremaea 15:1

Aonu Lord ne cheke eghu ka iara, “Jeremaea, fanomho sagho. Jame neubane mei namo ka iara mae Moses ghe mae Samuel phei nogu mae gloku iara tifa ra, neuba phia mare ne mei tanhi ka iara mala toghodi naiknodi Juda igre neu, iara ginauna na theome kokhonidi naiknodi Juda igre. Kuru tei delei naikno igre! Iara theome magnahaghei te filodi agne na!

Lamentations 2:20

“Lord! Filo mei sagho ka iara, mala ghatho ghau iara: Iagho neke parani kaisei naikno jateula igne neku tifa na? Neubane gaꞌase te namhadi fara thudi re, rehati ghamu thinidi thudi te lehe re! Nou mae pris nei profet teu iagho igre, mae naoka igre aknu falehedi ke lamna nou Sugablahi iagho!

Diutronomi 9:12

Aonu Lord ne cheke eghu ka iara, ‘Moses, faghose sukha, naugna naikno teke hata fajifla iagho Ijep igre gognarona la fadiꞌadi thedi. Mare la koko puhi teke cheke ranghidi iara mala leghuni mare teku igne. Mare horo kaisei nodi mumuju ka gol mala tarai.’

Nodi Khoje Hatimare Mae Jiu 28:9

God, fakarhidi nei fablahidi eghu nou naikno gre, eigna mare jateula sipu eghu kolho. Reireghidi nei doadofradi eghu fabrahu tifa tifa.

Nodi Khoje Hatimare Mae Jiu 57:1

God, kokhoni ghau iara. Naugna iara au ka puhi biꞌo te jateula goigovi biꞌo teu igne. Iara mei mala poru ka iagho jateula sua nanghaji te poru ke paridi bagignai idodi na ia eghu mala au fakeli nogu ka iagho, ghilei salaꞌu ari u puhi biꞌo jateula goigovi biꞌo teu te goigoni ghau iara igne.