Diutronomi 9:2 - Buka Blahi Ka Cheke Holo

² Eghuteuna naiknore brahu fara, nei thono nheta fara, mae igre vikegna mae Anak. Ghotilo lasedi eghuteuna te nomhidi ghotilo eidi mae igre na, mare chekeni te theome tangomana kaisei mae te uludi vikegna mae Anak.

Diutronomi 9:2 ပူးပေါင်းရင်းမြစ်များ

Naba 13:22

Ulu lahu na mare doglo ne tei mala filoni keha phile vido glose ke raru na ne ghilei thoke Hebron te au mae Ahiman, mae Sesae, nei mae Talmae. Naikno te au Hebron gre jifla mei ka tharakna gna mae Anak. Eghuteuna namono biꞌo Hebron gne neke eni haghe fitu finogha ke ulugna namono Soan jare Ijep.

Profet Nahum 1:6

Eghume, ihei gne te nabagna nate kegra heta kate diꞌatagna mana na? Theo kaisei te nabagna! Kate diꞌatagna na, phei tathagna manare ginauna ukru jateula khaꞌaghi eghu, eghuteuna thina biꞌore ginauna nghuja vuhai nakrofu kolho.

Profet Daniel 11:16

King gna Siria balu nogna armi ginauna eni kolho unha te magnahagheni thedi na, eghuteuna theome tangomana kaisei naikno te fanogradi mare na. Mana ginauna mei ruma haghe lamna namono Israel, eghuteuna mana ginauna au nogna nolaghi te mala goigonini namono igne.

Profet Daniel 8:4

Sipu nalhaꞌugna igne tei ne magra ke mosu, ke raru, nei ke mata. Theo kaisei glepo te tangomana te kegra fothini, ba te rikhani na, naugna naꞌa thono heta fara. Mana eni kolho unha te magnahagheni thegna na.

Thoutonu Eigna Mae Job 11:10

“Jame God mei lisei nigho ke lamna suga sosolo, eghuteuna mana fate nigho, ginauna unha nate eni iagho na?

Diutronomi 7:24

Iara ginauna lisa ari nodi king re ka khamemi ghotilo mala aknu falehedi hui mala theo kaisei na teke ghathodi re. Ghotilo ginauna aknu falehedi naiknore, eghuteuna theo kaisei naikno na teke kegra fanogridi ka ghotilo re.

Diutronomi 2:21

Mae igre brahu fara jateula mae ka vikegna Anak igre eghu. Tifa na, mae igre neke kmana fara, eghuteuna mare mae nheta fara, nu Lord neke kafe falehe fahuidi gnafa. Eghuteuna vikegna mae Amon igre neke ngolhi fajifladi neke hata kasa namono igne.

Naba 13:28

Nu naikno te au jare re nheta fara, nei namono dire thono biꞌo fara, eghuteuna au gringni thina biꞌo faligohoni namono na. Ghehati jaola filodi mae ka vikegna Anak. Mae iheire te nheta fara, brahu fara nei biꞌo fara.

Eksodas 9:11

Hatimare mae meresin theome tangomanadi te mei khegra ke ulugna mae Moses na. Naugna hatimare mae Ijep te gnafa re kafe nhughe hui, neubane mae meresin mare ne jaola ne nhughe.

Diutronomi 1:28

Mala unha kolho si tahati te tei ka namono ignea? Mae teke tei fasigho ka namono igne pulo mei neke famamhaghu ghami ghehati kate chekeni mare te maedi ka namono tuana mare rheta fara nei thono brahu salaꞌu ghita tahati. Eghuteuna nodi namono biꞌo mare igre bara ka thina haghe fara kligna. Eghuteuna mare jaola filodi goigholi ka kokhologna mae Anak jare.’

Josua 11:21

Mae Josua jaola ne roꞌedi vike te kilodi mae Anakim, mae igre mae nheta tulao. Eghuteuna mae igre au ka namono Hebron, Deba, Anab nei ka thogele te gnafa te au ka kantri Juda ghe Israel. Mae Josua ne thofno fahuidi nei goigonidi neu nodi namono mae igre.

Josua 11:22

Theo kaisei ka vikegna Anak te au teu Israel. Nu theome kmana kolho te au teu ka namono Gasa nei Gat nei Asdod.

Josua 15:14

Aonu mae Kelab ne ngolho fajifladi vikegna mae Anak ka namono igne. Mae igre ka vikegna mae Sesae, nei ka vikegna mae Ahiman nei ka vikegna mae Talmae.

Profet Emos 2:9

“Ghotilo nogu naikno iara ra, iara neke togho ghami ghotilo neke falehedi vikegna mae Amo. Vikegna mae Amo igne brahu nei rheta eghu jateula gaju sida ba gaju ok eghu, nu iara neke kafe falehedi gnafa.