Diutronomi 9:19 - Buka Blahi Ka Cheke Holo

¹⁹ Iara mhaghu noguni fara diꞌatagna Lord na naugna mana diꞌatagna fara jateula mana tarabana teu te mala aknu falehe ghami ghotilo na. Nu Lord neke nomhini nogu tharai iara na.

Diutronomi 9:19 ပူးပေါင်းရင်းမြစ်များ

Diutronomi 10:10

Mae Moses ne cheke eghu, “Iara neke au ka thogele igne phiatutu narane nei phiatutu bongi, jateula teke eni iara ulu lahu ia neku. Eghuteuna Lord neke nomhini nogu tharai iara na ka narane tuana, aonu mana neke theome falehe ghami ghotilo.

Nodi Khoje Hatimare Mae Jiu 99:6

Mae Moses ghe mae Eron, phia mare nogna mae pris God, eghuteuna mae Samuel kaisei mae ka mae iheire neke tarai ka God. Hatimare mae igre neke tarai ka God, eghuteuna mana neke cheke tughudi nodi tharai mare re.

Eksodas 33:17

Eghuteuna Lord ne cheke eghu ka Moses, “Iara ginauna thofno eni tutuani unha te toreni iagho na, naugna iara thofno lase nigho iagho fara, eghuteuna iara jaola keli tagu fara ka iagho.”

Eksodas 32:14

Aonu, Lord ne tughu nagnafagna na ne theome eni kaisei puhi biꞌo te mala goigonidi nogna naiknore, jateula teke chekeni mana ululahu tifa ia eghu.

Nodi Khoje Hatimare Mae Jiu 106:23

Aonu te chekeni God na, mana ginauna roꞌedi nogna naiknore. Nu mae Moses, mae ihei teke vavahi thegna Lord na ne theome magnahagheni gaoghathogna God na. Aonu mana ne kegra ke ulugna God ne fanograni te diꞌatagna mana ka naiknodi Israel re.

Diutronomi 9:8

Jare Thogele Sanai, ghotilo neke faꞌeiꞌei neke diꞌatagna fara Lord, eghuteuna diꞌatagna mana igne namo falehe ghami ghotilo.

Hibru 12:21

Tutuani fara, kate filodi glepo igre, mare ne mhaghu nodi fara. Tulao mae Moses mhaghu ne cheke eghu, “Iara mhaghu nogu ne fififri fara.”

Eksodas 34:10

Lord ne cheke eghu ka Moses, “Fanomho sagho, iara gognarona nake eni nogu nhaꞌa cheke teke eni iara balumi ghotilo ia. Iara ginauna edi glepo biꞌo ke ulumi ghotilo. Glepo igre neke theome edi nekeu aheva nga ke uludi naiknore ka nauthoglu igne. Eghuteuna naikno te gnafa te au faligoho ghami ghotilo are ginauna filodi glepo biꞌo nate edi iara Lord, eghuteuna mare ginauna jaglo nodi fara nei jaola mhaghu nodi.

Diutronomi 9:20

Eghuteuna Lord jaola neke diꞌatagna fara ka mae Eron, jateula mana te tarabana teu te mala aknu faleheni ra neu. Nu iara ne taraini mae Eron, aonu mana neke theome faleheni mana.

Diutronomi 11:17

Jame te eghu ghotilo na, Lord ginauna diꞌatagna fara ka ghotilo, eghuteuna mana ginauna theome snakreni nakhete na, aonu nomi vido glose ghotilo re ginauna khapra eghuteuna theo kaisei glepo nate kotu tagna na. Eghuteuna neuba glose teke tusu ari Lord ka ghotilo igne ne thofno keli fara, nu ghotilo ginauna theome raugha lehe tagna.

Nodi Khoje Hatimare Mae Jiu 78:59

Kate filodi mana glepo igre, mana ne hongoni fara ka mare ne thono diꞌatagna fara.

Naba 11:2

Naiknore ne tanhi ka mae Moses mala toghodi, aonu mana ne tarai ka Lord, eghuteuna khaꞌaghi biꞌo na ne lehe soru.

Nodi Khoje Hatimare Mae Jiu 106:19

Ka Thogele Sanai, mare neke hohoro kaisei mumuju buluka ka gol neke pogho soru tagna.