Diutronomi 9:18 - Buka Blahi Ka Cheke Holo

¹⁸ “Eghuteuna iara ne khoko sukha pari ka glose na ne tarai ke ulugna Lord nabagna phiatutu narane nei phiatutu bongi, iara theome ghamu nei theome koꞌu. Iara eni igne naugna ghotilo neke eni nakhibo biꞌo ranghini Lord neke ghilei diꞌatagna fara mana.

Diutronomi 9:18 ပူးပေါင်းရင်းမြစ်များ

Eksodas 34:28

Moses au neu ka vido igne balugna Lord nabagna phiatutu narane nei phiatutu bongi, ka narane igre, mana theome ghamu, nei jaola theome koꞌu. Eghuteuna Lord ne ghagra ke klignadi phei thina u Nhaꞌa Cheke igre, tuare Nabotho Vetula re.

Diutronomi 9:9

Ka narane tuana, iara neke haghe ka thogele na neke hata phei thina tataba te au nogna nhaꞌa cheke Lord teke eni mana balumi ghotilo ia. Eghuteuna iara neke au ka thogele igne phiatutu narane nei phiatutu bongi, eghuteuna ka narane tuare iara neke theome ghamu nei theome koꞌu.

Nodi Khoje Hatimare Mae Jiu 106:23

Aonu te chekeni God na, mana ginauna roꞌedi nogna naiknore. Nu mae Moses, mae ihei teke vavahi thegna Lord na ne theome magnahagheni gaoghathogna God na. Aonu mana ne kegra ke ulugna God ne fanograni te diꞌatagna mana ka naiknodi Israel re.

Fapea Samuel 12:16

Aonu mae Devet ne tarai ka Lord mala ke keli fapulo thugna na. Mana ne theome ghamu ba koꞌu, eghuteuna leuleghu bongi na mana ruma ka nogna suga na ne thuru pari ka glose na.

Diutronomi 10:10

Mae Moses ne cheke eghu, “Iara neke au ka thogele igne phiatutu narane nei phiatutu bongi, jateula teke eni iara ulu lahu ia neku. Eghuteuna Lord neke nomhini nogu tharai iara na ka narane tuana, aonu mana neke theome falehe ghami ghotilo.

Eksodas 34:9

Eghuteuna mana ne cheke eghu ka Lord, “Lord, jame te thofno keli tamu fara iagho ka iara na, iagho mei balumi ghehati. Tutuani fara, naikno gre patu gama fara, nu iara tore nigho iagho mala atha koko gnafa puhimi te diꞌa nei nakhibomi teu ghehati gre, eghuteuna ke atha fapulo ghami jateula nou naikno themu eghu.”

Diutronomi 9:17

Aonu iara neke koko sukha phei thina igre pari neke phike ke ulumi ghotilo.

Diutronomi 9:25

“Aonu iara ne thuru sukha pari ke ulugna Lord nabagna phiatutu narane nei phiatutu bongi, naugna iara laseni mana neke chekeni te mala falehe ghami ghotilo na.

Ululahu Kings 19:8

Aonu mana kegra haghe ne ghamu nei koꞌu neu. Eghuteuna mana rheta ne nolo nabagna phiatutu narane ne ghilei tei posa ka Thogele Sanai, nogna thogele blahi God.

Esra 10:6

Aonu mae Esra kegra haghe ka vido ke kosigna grengathagna nogna Sugablahi God na ne tei ruma lamna ka nogna chogho mae Jehohanan thugna mae Eliasib. Kate au teu mana ka vido igne, mana ne theome ghamu nei theome koꞌuni kaisei glepo, naugna mana ne diꞌanagnafagna nei tanhidi neu puhi te edi iheire naikno teke pulo mei funudi Babilonia.