Diutronomi 9:15 - Buka Blahi Ka Cheke Holo

¹⁵ “Aonu iara figri neke sukha funu ka thogele na kate dudulu teu khaꞌaghi na. Eghuteuna iara ne hata balugu phei thina nhaꞌa cheke igre.

Diutronomi 9:15 ပူးပေါင်းရင်းမြစ်များ

Eksodas 19:18

Aonu Lord ne soru mei ke lamna khaꞌaghi biꞌo ne phae falithui ke kligna thogele, eghuteuna gagahu biꞌo ne toku thafruni thogele na. Gagahu igne ne haghe kligna ka maloa na jateula gagahugna kaisei khaꞌaghi biꞌo, eghuteuna thogele igne ne nghali thongana.

Diutronomi 5:23

Mae Moses tudu ne cheke eghu, “Kate gnhubra khaꞌaghi biꞌo na ka thogele ia, ghotilo neke nomhini cheke na neke mei funugna ka gromno na. Aonu nomi mae mala baubatu nei mae biꞌodi vike ra eghu neke mei filo ghau iara.

Diutronomi 4:11

Kuꞌemi ghotilo ra neke kegra haghe ka pesigna Thogele Horeb, eghuteuna kaisei khoveo biꞌo te romno fara mei ne toku tafruni thogele igne, nu naphaegna khaꞌaghi na ne agha kligna ka maloa na.

Hibru 12:18

Ghotilo theome jateula naiknodi Israel tifa teke tei ka Thogele Sanai ia eghu. Kaisei fata kate mei namo ka thogele na, mare neke filoni u khaꞌaghi biꞌo na neke dudulu kligna, eghuteuna ka vido te romno fara tuana, nuri blahi na jaola neke ghaghafa mei tagna.

Eksodas 9:23

Kate tusu haghe mae Moses nogna khodo na ka maloa na, Lord ne fagafui maloa na ka khoveo ne romno soru, aonu nakhete thina aes na ne funu soru mei ka vido te gnafa ka kantri Ijep. Aonu fila na poha ne inge ka maloa na, eghuteuna u nakafli na ne sigla ulu leghu funu kligna ne soru mei ka glose na. Igne ngala u nakhete thina ulu lahu te thono biꞌo fara teke eni jare Ijep na. Tifa na mare neke theome filoni kaisei nakhete jateula igne teku na. Thono theo fara.

Diutronomi 9:16

Eghuteuna kate posa iara ka ghotilo na, iara filo ghami ghotilo te eni nakhibo biꞌo ranghini Lord nomi God. Ghotilo neke eni kaisei mumuju sua buluka ka gol. Ghotilo ghosei ngala te tei kokoni puhi teke chekeni Lord mala leghuni ghotilo teku ia.