Diutronomi 9:12 - Buka Blahi Ka Cheke Holo

¹² Aonu Lord ne cheke eghu ka iara, ‘Moses, faghose sukha, naugna naikno teke hata fajifla iagho Ijep igre gognarona la fadiꞌadi thedi. Mare la koko puhi teke cheke ranghidi iara mala leghuni mare teku igne. Mare horo kaisei nodi mumuju ka gol mala tarai.’

Diutronomi 9:12 ပူးပေါင်းရင်းမြစ်များ

Jajis 2:17

Neuba, mare theome fanomho fakeli kolho ka mae lida igre. Eghuteuna mare tei leghudi kolho god chaichaghi igre jateula gaꞌase te tei leghuni nalhaꞌu te theome khetogna naꞌa na. Eghuteuna theome raugha mare theome leghudi puhidi kuꞌedi mare te keli teke thofno leghudi nogna cheke Lord ra.

Diutronomi 31:29

Iara laseni ke leghugna te lehe iara na, ghotilo ginauna na thofno diꞌa fara, eghuteuna ghotilo ginauna figri tagrudi glepo te farirhiu ghami iara igre. Eghume ka narane nate mei are puhi biꞌo ginauna thoke ghami ghotilo, naugna ghotilo ne edi glepo te diꞌa te diꞌatagnadi fara Lord re.”

Galesia 1:6

Iara jaglo nogu ka ghotilo te ghosei te figri tagruni God, mae ihei teke kilo ghami ka nogna khokofakasai mae Jisas Kraes. Gognaro na ghotilo figri mala fanomho ka keha nafnata Nonomho te Keli te nhogri.

Profet Hosia 6:4

Aonu Lord ne cheke eghu, “Ghotilo naiknomi Israel nei Juda teura, unha nate eni iara ka ghotilo na? Uve, ghotilo namha ghau iara nabagna kaisei narane kolho, theome raugha. Nomi namha ghotilo na jateula khoveo ke kligna thogele ra eghu kolho, ba jateula nabubla te ghosei te blalho te dofidi kate haghe naprai na hamerane boibongi ra eghu kolho.

Letas Teke Rioriso Mae Jud 1:10

Nu mae velepuhi chaichaghi igre cheke fadiꞌadi unha glepo te theome lasedire. Mare mae glalase fara, nu unha te lase fakelini mare jateula glepo te laseni ngala khuma ba bosu teu, tuana ngala te eni mare na. Nafnata puhi te edi mare tuare ginauna roꞌedi kolho thedi.

Nodi Khoje Hatimare Mae Jiu 78:57

Mare figri tagruni, nei theome ghatho tahuni eghu kolho mana. Ku'edire neke jaola tifa na, eghume theo kaisei naikno te tangomana te rouronudire.

Diutronomi 32:5

“Ghotilo naiknomi Israel theome leghuni u puhigna Lord te doglo na. Kokhoni ghami fara, ghotilo famamaja ghami themi eghume ghotilo theome nabami te au jateula thugna Lord teuna, nu ghotilo naikno chaghi nei leghuni kolho puhi te diꞌa na.

Diutronomi 9:16

Eghuteuna kate posa iara ka ghotilo na, iara filo ghami ghotilo te eni nakhibo biꞌo ranghini Lord nomi God. Ghotilo neke eni kaisei mumuju sua buluka ka gol. Ghotilo ghosei ngala te tei kokoni puhi teke chekeni Lord mala leghuni ghotilo teku ia.

Diutronomi 4:16

glahu sari mumuju mala tarai ghotilo. Puhi igne thofno jafra fara te eni ghotilo na! Neuba mumuju igne ne mae nalhaꞌu, ba gaꞌase, ba buluka, ba ka thua nafnata nanghaji, ba ka thua nafnata sasa, ba ka thua nafnata thotoli ba unha te tagu ka glose, ghotilo thosei edi glepo igre.

Eksodas 32:1

Kate filoni naiknore Moses te au raugha fara ka thogele na te theome faghose soru na, naiknore mei ne khegra faligohoni Eron, ne cheke eghu ka mana, “Unha te thokeni Moses mae ihei teke batu ghita teke mei funu Ijep igne? Glahu keha glepo diꞌa thokeni mana jau. Eghume ghehati magnahaghei nigho iagho te horo kaisei noda god, mala ke batu ghita.”

Eksodas 13:3

Mae Moses ne cheke eghu ka naiknore, “Thosei ghatho ihoni narane igne ghotilo ia, eigna ka narane igne na Lord neke atha fajifla ghita tahati ka nogna nolaghi te biꞌo na kani au sosolo teku tahati Ijep tifa na. Eghume ka narane te ghathoni tahati igne na ghotilo thosei ima bret te au isi tagna na.

Diutronomi 5:15

Ghotilo ke ghatho fapulodi narane teke sneka ghotilo Ijep tifa ra, nu iara Lord, nomi God ghotilo, iara neke hata fajifla ghami ghotilo jare ka khame nhetagu iara. Naugna igne iara Lord nomi God ghotilo te cheke faheta ka ghotilo mala gnafa ka narane Sabat.

Diutronomi 9:26

Ka narane tuana iara tarai ka Lord ne cheke eghu, ‘Lord nogu Funei, thosei falehedi. Naikno igre nou iagho, eghuteuna iagho neke hata fajifladi Ijep ka nou nolaghi te biꞌo nei ka khamemu te rheta tulao.

Diutronomi 9:29

Nu iagho lasedi, naikno igre nou iagho, iagho neke hata fajifladi Ijep ka nou nolaghi te biꞌo nei ka khamemu te rheta tulao.’ ”