Diutronomi 8:8 - Buka Blahi Ka Cheke Holo

⁸ Glose igne au nagare wit nei bali, nei sisi grep, nei sisi pomegranet, nei gaju fig, nei gaju oliv, nei jaola au kmana jurukuli.

Diutronomi 8:8 ပူးပေါင်းရင်းမြစ်များ

Jone 6:13

Aonu, hatimare ne salofodu vido gano teke salaꞌui ka glima bret re ne fafofodu nabotho phei khara'o.

Nodi Khoje Hatimare Mae Jiu 147:14

Mana tusu ranghi ghita pharikeli mala au fakeli tahati ka kantri igne, nei tusu ranghi ghita gano te keli mala glealeꞌa tahati.

Diutronomi 32:14

Eghuteuna nomi buluka nei nanigot nei sipu teu ghotilo re blokha fara ka teke au reꞌe ka namono Besan. Reꞌe tufa kmana milk ka ghotilo. Eghuteuna nomi nagare wit ghotilo re famane fara. Eghuteuna waen ukru te koꞌu ghotilo re thofno mamahe fara.

Jone 6:9

“Kaisei mae sitei agne au glima bret nei phei sasa. Nu gano igre ginauna theome naba kolho ka naikno te kmana igre!”

Profet Habaku 3:17

Neuba tahati ne au ka puhi biꞌo, jateula gaju fig, gaju grep, gaju oliv teu igre ginauna theo fuꞌadi, nagare igre theo ganodi, sipu nei buluka teu igre ginauna kafe lehe, God ginauna togho ghita!

Profet Maeka 4:4

Naikno te gnafa igre ginauna au fakeli, nei au muana fabrahu. Mare ginauna tangomana te au fakeli ka nodi nagare grep, eghuteuna mare tangomana te gnokro ke paridi nodi gaju fig. Eghuteuna na theo kaisei naikno nate famamhagudi. Igne nogna cheke Lord mae ihei te au nolaghi fateote'o.

Profet Hosia 2:8

Nu naꞌa theome lasedi gano, nei oel, nei waen, eghu te hata naꞌa are neke tufa iara ka naꞌa. Eghuteuna silva, nei gol teu te lalaoni naꞌa are jaola neke tufa iara ka naꞌa. Naꞌa theome laseni kolho silva nei gol eghu te lalaoni naꞌa te tarai ka mumuju Baal igre, iara teke tufa ka naꞌa re.

Profet Esikiel 27:17

“ ‘Maedi Juda baludi mae Israel foli famane glepo ka iagho ka soasopai nafnata famane wit, nei jurukuli, nei oliv oel, nei glepo mala ei oel nei insens.

Profet Jeremaea 5:17

Mare ginauna atha fahui ghemi gano ghotilo te au ka nomi nagare nei ka nomi suga teu are. Eghuteuna mare ginauna na falelehe thumi nei nomi sipu nei nomi buluka teu ghotilo are. Eghuteuna mare ginauna goigonidi nomi gaju grep nei gaju fig teu ghotilo are. Uve, mae igre ginauna goigonidi fara nomi namono biꞌo ghotilo teke bara te maku ka thina igne.”

Profet Isaia 7:23

Ka narane igne, nagare grep te mala hata sileni biꞌo igre, ginauna buburu fachuchuru nei soro eghu kolho nate kotu haghe tagna na.

Ululahu Kings 5:11

Leuleghu finogha na, King Solomon fatei kaisei gobi namnosalei thogha baeg wit te biꞌo, eghuteuna fati gobi thogha lita oliv oel eghu ka mae Hiram.

Fapea Samuel 4:6

Phiamare tei jateula mae te mala tei hata wit ra neu ne tei ruma lamna suga kate thuru teu mana na ne thoghi naflahi na ka thiꞌa na ne lehe. Aonu phiamare kusu grara na ne atha phaꞌu gna king na ne jifla kate dofu teu naiknore. Phia mare rikha bongiro ne tei thoke ka glogu Khoꞌu biꞌo Jordan.

Nodi Khoje Hatimare Mae Jiu 81:16

Jame leghu ghau iara nogu naikno gre meuna, iara ginauna na faꞌimadi ka thofno gano te keli, eghuteuna iara ginauna na thofno faglealeꞌadi ka narane te imani mare jujurukuli te keli na.”

Jenesis 49:11

Iagho ginauna na au ka pharikeli, baludi unha te nabamu iagho re. Nou nagare nei nou buluka teu iagho re ginauna na e bruara. Eghuteuna gheu gano mala ima nei waen teu iagho re ginauna na kmana fara.

Diutronomi 8:7

Lord nomi God ghotilo igne ginauna hata tei ghami ghotilo ka glose te keli te au khoꞌu nei glokha te loloro ka glogu nei ka gukhu.

Diutronomi 8:9

Eghuteuna kate au teu ghotilo ka glose igne, ghotilo ginauna na theome kmoꞌe ka gano na, eghuteuna ghotilo ginauna jaola theome ninhigrana ka kaisei glepo na. Jare na au thina mala horo aean tagna, eghuteuna ghotilo ginauna tangomana te dokha bras ke lamna gukhu.

Diutronomi 32:13

Mana hata mei ghami ghotilo ke lamna kmana thogele ka namono Kenan. Mana tusu ari kmana famane gano ka nagare ghotilo re. Mana neke togho ghami ghotilo mala au ghemi kmana jurukuli te jifla mei ke lamna goro thina. Mana neke fablahi ghami ghotilo baludi famane gaju oliv te kotu ka glose aheva teke theome naba te mala tobi nagare ghotilo.

Naba 13:23

Kate thoke lao mare ka gloha Eskol, mare tei ne kato nure gna gaju grep te ure re. Nure gna gaju grep igre tahu fara, eghume keha phei mae te pala gna na eghu. Eghuteuna mare jaola atha keha sisi pomegranet baludi keha sisi gna gaju fig.

Diutronomi 6:3

Eghume, ghotilo Israel, ghotilo fanomho fakeli ka vetula igre, eghuteuna famane leghu fakelidi. Jame te eghu ghotilo na, ghotilo ginauna au fakeli, eghuteuna ghotilo ginauna na vuragha ka famane glose igne, jateula Lord nodi God kuꞌemi ghotilo teke nhaꞌa cheke ka ghotilo ra.

Fapea Kings 18:32

Uve, ghotilo tangomana nate au fakeli te ghilei thokeni narane nate hata ghami te tei iara ka keha kantri te jateula nomi kantri ghotilo igne teuna. Iara ginauna lisei ghami ghotilo ka namono aheva te au nagare grep te mala eꞌei waen, nei jaola au famane glose te keli te mala joꞌu wit te mala eꞌei bret. Eghuteuna jaola au gaju oliv, nei kmana jurukuli. Jame te leghuni ghotilo unha te chekeni mana igne meuna, ghotilo ginauna karha na theome lehe! “Ghotilo thosei fanomho ka mae Hesekaea mala chaghi ghami kate chekeni mana Lord ginauna fakarhi ghami ghotilo teuna.

Profet Jeremaea 2:7

Iara neke atha mei ghami ghotilo ka namono te keli igne mala tangomana ghotilo te ima thua nafnata gano te keli te karha ka vido igne. Nu kate mei au ghotilo agne na, ghotilo goigoni ni fara nogu glose iara teke tusu ari ka ghotilo igne. Eghuteuna ghotilo eni puhi te thono diꞌa fara na ke ulugu iara.