Diutronomi 8:7 - Buka Blahi Ka Cheke Holo

⁷ Lord nomi God ghotilo igne ginauna hata tei ghami ghotilo ka glose te keli te au khoꞌu nei glokha te loloro ka glogu nei ka gukhu.

Diutronomi 8:7 ပူးပေါင်းရင်းမြစ်များ

Eksodas 3:8

Eghume iara na soru mala fakarhidi ka nodi nolaghi naiknodi Ijep eghuteuna batu fajifladi ka namono igne. Iara ginauna athadi tei ka kaisei namono te krepa nei keli eghu, eghuteuna glosegna na thono keli fara, eghuteuna leuleghu fata na au kmana gano fara. Namono igne gognarona, vikegna Kenan, nei vikegna Hit, nei vikegna Amoa, nei vikegna Peres, nei vikegna Hivi, nei vikegna Jebus eghu te au teu tagna na.

Profet Esikiel 20:6

Ka narane tuana, iara neke eni kaisei nhaꞌa cheke te rheta mala hata fajifladi Ijep, eghuteuna batu teidi ka kaisei namono aheva teke kulu vahini iara te mala au mare tagna na. Namono igne famane keli fara salaꞌudi keha kantri te gnafa ka nauthoglu igne. Glosegna na thono keli fara, eghuteuna leuleghu fata na au kmana gano tagna.

Jenesis 49:11

Iagho ginauna na au ka pharikeli, baludi unha te nabamu iagho re. Nou nagare nei nou buluka teu iagho re ginauna na e bruara. Eghuteuna gheu gano mala ima nei waen teu iagho re ginauna na kmana fara.

Diutronomi 8:6

“Eghume ghotilo mala leghudi nogna cheke teke chekedihi ka ghotilo ra, eghuteuna ghotilo mala leghudi puhigna mana re eghuteuna thofno ghatho tahuni mana.

Diutronomi 8:8

Glose igne au nagare wit nei bali, nei sisi grep, nei sisi pomegranet, nei gaju fig, nei gaju oliv, nei jaola au kmana jurukuli.

Fapea Kings 18:32

Uve, ghotilo tangomana nate au fakeli te ghilei thokeni narane nate hata ghami te tei iara ka keha kantri te jateula nomi kantri ghotilo igne teuna. Iara ginauna lisei ghami ghotilo ka namono aheva te au nagare grep te mala eꞌei waen, nei jaola au famane glose te keli te mala joꞌu wit te mala eꞌei bret. Eghuteuna jaola au gaju oliv, nei kmana jurukuli. Jame te leghuni ghotilo unha te chekeni mana igne meuna, ghotilo ginauna karha na theome lehe! “Ghotilo thosei fanomho ka mae Hesekaea mala chaghi ghami kate chekeni mana Lord ginauna fakarhi ghami ghotilo teuna.

Nodi Khoje Hatimare Mae Jiu 106:24

Nu ke leghu na mare ne tirodi fara te tei posa ka famane kantri Kenan, naugna mare neke theome fatutuani ni nogna nhaꞌa cheke God na.

Profet Jeremaea 2:7

Iara neke atha mei ghami ghotilo ka namono te keli igne mala tangomana ghotilo te ima thua nafnata gano te keli te karha ka vido igne. Nu kate mei au ghotilo agne na, ghotilo goigoni ni fara nogu glose iara teke tusu ari ka ghotilo igne. Eghuteuna ghotilo eni puhi te thono diꞌa fara na ke ulugu iara.

Profet Esikiel 17:5

“Gaghata igne hata gaju ikoi tuana ne joꞌu ka famane glose te au kmana khoꞌu tagna na, jateula mae te joꞌu gaju te kiloni wilo ra neu.

Jajis 18:10

Kate tei te posa tahati ka namono tuana, ghotilo ginauna filodi naiknore gaoghatho dina mare au kolho ka vido te karha eghu. Namono igne namono biꞌo eghuteuna au gobigna lepo te magnahaghedi tahati re. Eghuteuna God la snakrenihi namono igne ka tahati!”

Nodi Khoje Hatimare Mae Jiu 104:10

Iagho neke eꞌei glokha mala fura mei khoꞌu ka gloharo, nei khoꞌu biꞌo mala loloro soru fari hotei thogele.

Profet Isaia 5:1

Iara ginauna kojeni kaisei khoje eigna mae ihei te namhani fara iara na. Jateula igne eghu, mae igne neke eni kaisei nagare grep ka vido glose te keli rhegna kaisei thogele.

Profet Isaia 36:17

Eghuteuna ghotilo ginauna au fakeli nomi ghilei thokeni narane nate hata ghami te tei iara ka namono delei te jateula nomi namono ghotilo igne teuna. Iara ginauna lisei ghami ka kaisei namono te au nagare grep, nei jaola au famane glose te mala karha wit mala eꞌei bret.