Diutronomi 8:5 - Buka Blahi Ka Cheke Holo

⁵ Ghotilo laseni, Lord nomi God ghotilo na tangomana te fadogli ghami ghotilo na jateula kaisei mae te fadoglini thugna na ia eghu.

Diutronomi 8:5 ပူးပေါင်းရင်းမြစ်များ

Thakle 3:19

Naikno te namhadi fara iara gre, iara tangomana te cheke faheta ranghidi mala lilisei nodi puhi te diꞌare, nei jaola tangomana te farirhiudi mala leghuni nabrou te doglo na. Eghume, ghotilo mala hati nhetami na mala koko puhi te diꞌare.

Proveb 3:12

Naugna Lord na fadoglini ihei te namhani fara mana na, jateula mama te fadoglini thugna te namhadi fara mana na.

Fapea Samuel 7:14

Iara ginauna kmagna mana, eghuteuna mana ginauna thugu iara. Eghuteuna jame te eni mana kaisei puhi te diꞌa na, iara ginauna parani mana jateula kaisei mae te parani thugna na ia eghu.

Ululahu Korin 11:32

Nu kate farirhiu ghita na, Lord na togho ghita mala laseni tahati puhi te doglo na. Mana eni igne ka tahati mala theome au tahati kau fate ginauna baludi naikno te theome fatutuani ni mana re.

Nodi Khoje Hatimare Mae Jiu 94:12

Lord God, mae ihei te tusu lao iagho nou cheke na tagna nei farirhiuni nou famane farirhiu iagho re tagna teuna, mana keli tagna fara.

Profet Esikiel 18:28

Naugna mana ne filo glanidi nakhibogna re, eghuteuna mana tirognani puhi te diꞌa na, eghuteuna mana ginauna theome lehe.

Diutronomi 4:9

“Nu fiofilo ghami eghu! Na eghunu ghatho ihodi ghotilo glepo tela filo tathamihi igre eghu. Leuleghu fata ka nakarhami re, ghotilo mala ghathodi glepo igre. Eghuteuna ghotilo mala farirhiudi thumi are nei grami te ikodi are eghu.

Profet Esikiel 12:3

“Eghume, maegna ka nauthoglu, iagho mala kaikaliti nou gloi na, jateula mae ihei te jifla teke huhurudi teke tei au ka keha kantri delei ra eghu. Ame romno nga teuna, iagho hata nou gloi na jifla kosi aheva naiknore tangomana te filoni te tei iagho na. Neuba naikno igre te theome magnahaghei ghau iara na, mare jame laseni unha te eni iagho na.

Diutronomi 4:23

Ghotilo fiofilo ghami. Glahu ghatho ihoni nei huhughuni eghu ghotilo nogna Nhaꞌa Cheke Lord teke eni mana balumi ghotilo ia. Glahu ghatho ihoni ghotilo eigna blahi te horo ghotilo kaisei mumuju te mala tarai tagna na.

Profet Isaia 1:3

Buluka na laseni mae khotogna na, eghuteuna dongki na laseni mae teke reireghini te faghamuni na. Nu nogu naikno iara Israel igre theome lase ghau iara. Uve, nogu naikno iara igre theome laseni kaisei glepo te keli.”

Diutronomi 4:36

Ka maloa na mana snakre ghami ghotilo mala nomhini naoglagna mana na, mala tangomana mana te fadogli ghami ghotilo na. Eghuteuna ka glose na mana snakre ghami ghotilo mala filoni nogna khaꞌaghi biꞌo na, mala tangomana ghotilo te nomhini chekegna mana te jifla mei ka khaꞌaghi igne.

Diutronomi 8:6

“Eghume ghotilo mala leghudi nogna cheke teke chekedihi ka ghotilo ra, eghuteuna ghotilo mala leghudi puhigna mana re eghuteuna thofno ghatho tahuni mana.

Proveb 13:24

Mae te theome purini thugna na, mana theome namhani thugna na. Nu mae te namhani thugna na, mana farirhiuni thugna na.

Eklesiasti 7:14

Kate keli gobigna lepore ka nakarhamu na, iagho mala gleale'a. Nu kate theome keli gobigna lepore, iagho mala laseni igne, eigna God neke tusu ranghi nigho narane te keli nei narane te diꞌa. Eghume, tahati theome laseni unha nate thoke mei ke leghugna te lehe tahati na.

Diutronomi 1:31

nei ka namono nagou ia eghu. Ghotilo la filonihi jateula kani teke hata fajifla ghita mana Ijep ia eghu, theo kaisei glepo teke goigoni ghita tahati ka nabrou te mei posa agne! Mana reireghi fakeli ghami ghotilo jateula kaisei mama te reireghi fakelini thugna na ia eghu.’

Proveb 3:11

Thuguo, jame te magnahaghei fadogli nigho Lord te cheke faheta ka iagho na, iagho thosei diꞌatamu nei hongo nigho tagna.