Diutronomi 8:19 - Buka Blahi Ka Cheke Holo

¹⁹ “Iara cheke fadoglo ari ka ghotilo gognarona, jame te ghatho ihoni ghotilo Lord nomi God na, eghuteuna leghudi keha god delei, eghuteuna tarai nei tufru soru tadi teuna, Lord ginauna thofno goigoni ghami fara ghotilo.

Diutronomi 8:19 ပူးပေါင်းရင်းမြစ်များ

Diutronomi 4:26

Iara kilodi maloa ghe nauthoglu mala fiofilo fakeli ka nogu cheke iara igre gognarona. Jame te horo thua nafnata mumuju ghotilo na, ghotilo na theome raugha dofi ghami ka glose te khotogna ghotilo tuana, naugna Lord ginauna falelehe kmana naikno ka ghotilo.

Luku 13:5

Theo! Nu te chekeni iara ka ghotilo na, te theome koko ghotilo puhimi te diꞌare teke figri ka God na, ghotilo te gnafa na ginauna kafe lehe jateula mare eghu.”

Luku 13:3

Theo! Nu te chekeni iara ka ghotilo na, te theome koko ghotilo puhimi te diꞌare teke figri ka God na, ghotilo te gnafa na ginauna kafe lehe jateula mare eghu.

Profet Sefanaea 3:6

Lord ne cheke eghu, “Iara neke roꞌedihi naikno te gnafa, baludi nodi namono te bara te maku teu igre. Eghuteuna ginauna na theo kaisei naikno nate nolo tafri ke lamnagna nabrou na, naugna theo kaisei naikno te au faleghu na.

Profet Sefanaea 1:18

Ka Narane te diꞌatagna God igne, silva nei gol teu igre ginauna theome tangomana nate toghodi mare na. Naugna diꞌatagna God igne thofno brana fara jateula khaꞌaghi te brana te nhako fahui namhata biꞌo ra eghu. Eghume diꞌatagna God igne ginauna na jateula tuana eghu na falehedi hui naikno te gnafa ka nauthoglu igne.”

Profet Emos 3:2

Lord ne cheke eghu, “Kmana vike fara ka nauthoglu igne, nu iara neke vahi ghami ghotilo kolho mala nogu naikno iara. Eghuteuna iara tangomana te reireghi fakeli ghami ghotilo na. Nu kate filoni iara te theome keli ghotilo ranghi ghau iara na, iara ginauna para ghami ghotilo eidi nakhibo te edi ghotilo ra.”

Profet Daniel 9:2

Ka finogha ululahu te king mae Darius igne, iara ne hironi chekegna God na ka Buka Blahi na. Ka igne iara ne ghathoni kaisei nogna cheke Lord teke cheke mana ka profet Jeremaea. Mana neke cheke eigna namono biꞌo Jerusalem teke groꞌe ka mae naoka ra. Eghuteuna namono biꞌo igne ginauna theome tangomana na teke babana fapulo na ghilei thokeni fitu salei finogha.

Ululahu Samuel 12:25

Nu jame te edi fabrahu ghotilo glepo te diꞌa re, mana ginauna goigoni ghami ghotilo fara balugna nomi king gne.”

Diutronomi 31:20

Iara ginauna hata teidi ka glose te thofno keli fara teke nhaꞌa cheke iara ka kuꞌemi ghotilo tifa ra. Eghuteuna kate au mare tagna na, mare na au ghedi kmana gano, eghuteuna mare ginauna glealeꞌa fabrahu. Neuba mare ginauna nake figri ke tarai nei pogho soru eghu ka keha god delei na figri tagru ghau iara, eghuteuna mare ginauna huhughuni u nhaꞌa cheke teke eni iara baludi mare ia.

Profet Jeremaea 7:6

Ghotilo thosei faparini ihei te mei funugna ka kantri delei te mei au balumi ghotilo, baludi goro sua tela lehehi idodi ba kmadi, nei baludi goro naikno biꞌo tela lehehi khetodire. Ghotilo thosei faleheni ihei te theome eni kaisei najafra. Ghotilo thosei tarai ka mumuju god, naugna nafnata puhi igne ginauna goigoni ghami ghotilo.

Profet Jeremaea 25:6

Ghotilo thosei leghudi nei pogho soru ranghidi eghu keha mumuju god teke sari themi are. Jame te edi ghotilo tuare na, iara ginauna diꞌatagu fara ka ghotilo. Nu jame te leghuni ghotilo unha te cheke iara igne na, iara ginauna na theome para ghami ghotilo.

Profet Malakai 4:4

“Ghotilo mala ghatho tahudi nogna farirhiu mae nogu gloku iara mae Moses, nei vetula teke tusu lao iara ka mae Moses ka Thogele Sanai ra eghu malami ghotilo te gnafa Israel.

Diutronomi 11:16

“Nu filo fakeli ghami eghu, glahu chaghi ghami keha mae mala figri tagruni Lord, eghuteuna loku ranghidi nei pogho sorudi eghu keha god delei.