Diutronomi 8:17 - Buka Blahi Ka Cheke Holo

¹⁷ Eghume ghotilo fiofilo ghami, glahu ne nomi nanheta themi kolho te jateula na dedei teuna eghu ghotilo gaoghathomi na.

Diutronomi 8:17 ပူးပေါင်းရင်းမြစ်များ

Diutronomi 9:4

“Aonu ke leghugna teke kulu ulu Lord nomi God ghotilo na teke ngolhi fajifladihi naikno igre na, ghotilo thosei cheke eghu fari themi, ‘Lord neke hata mei ghami ghehati ka glose igne naugna ghehati gne doglo ka tathagna mana na!’ Theo, mana ginauna ngolhi fajifladi naiknore naugna mare ne leghuni puhi te diꞌa na.

Ululahu Korin 4:7

Ba ihei te chekeni te doglo ghotilo ke uludi keha naiknore? Tutuani, glepo te khotodi ghotilo gre God ngala teke tusu ari ka ghotilo na! Eghume, ghotilo theo nafumi te mala cheke fahaehaghe fara eidi glepo igre.

Profet Daniel 4:30

Mana ne cheke eghu, “Tutuani fara, Babilonia gne kaisei famane namono biꞌo tutuani fara. Iara ngala teke eni gna namono biꞌo igne, iara neke falalase nogu nanheta nei nogu nolaghi teure ka naikno igre.”

Profet Hosia 12:8

Mare neke cheke fahaehaghe eghu, “Tahati dedei fara, unha te magnahaghedi tahati re la hatahi tahati! Theo kaisei naikno nate chekeni ne chaichaghi tahati ne hata glepo te keli teuna!”

Diutronomi 7:17

“Glahu cheke eghu ghotilo, ‘Naikno igre thono nheta fara salaꞌu ghita tahati! Thono ninhigrana fara ranghi ghita tahati te mala ngolhi fajifladi re!’

Profet Habaku 1:16

Nodi nolaghi mare te mala hata naikno na, jateula nodi god eghu mare. Uve, mare jateula nodi god eghu pogho soruni kolho fangna te mala ugra sasa igne. Eghuteuna mare fafara ka fangna igne eghuteuna gahu insens mala tarai. Mare eni igne, naugna fangna igne toghodi mare mala salo kmana glepo te keli.

Ululahu Samuel 2:7

Mana tangomana te fakumani mae te dedei na, eghuteuna mana tangomana te toghoni mae te kuma na mala ke dedei. Mana tangomana te nhaꞌa faparini mae te fahaehaghe na, eghuteuna mana tangomana te nhaꞌa haghedi naikno te nhaꞌa faparidi thedi re.

Nodi Khoje Hatimare Mae Jiu 44:3

Nou naikno iagho igre neke theome atha namono igne ka magra, ba ka nodi nolaghi thedi. Theo. Mare neke atha vido igne ka nou nolaghi nei ka khamemu eghu iagho, naugna iagho magnahaghedi mare te lase nigho te au teu baludi na. Ka puhi igne iagho falalase ranghidi iagho te namhadi fara nou naiknore.

Eklesiasti 9:11

Keha glepo te filoni iara ka nauthoglu na igne, keha fata mae te lase chari na theome uluni fangenghele na, keha fata mae te nheta na theome uluni magra na, keha fata mae te lalase na theome autagna nakarha te keli na, keha fata mae te ghaoghatho fakeli na theome dedei, keha fata mae te lalase fara na theome fnakno nanghagna na, naugna glepo te diꞌa na kafe thoke ghita hui.

Ululahu Samuel 30:23

Nu mae Devet ne cheke eghu ka mare, “Theo, thabusiguro. Thosei eni puhi tuana ke leghugna unha Lord teke tusu ranghi ghita na. Mana neke batu ghita nei togho ghita neku neke uludi tahati mae naoka teke goigoni ni noda namono tahati ia.

Thoutonu Eigna Mae Job 31:25

Iara theome fahaehaghedi kolho glepo kmana te khotodi iara igre naugna iara neke loku heta.

Eklesiasti 3:6

Narane mala hara glepo, nei narane mala theome hara glepo. Narane mala hata glepo nei narane mala koko glepo.

Profet Jeremaea 9:22

Lord ne cheke eghu ka iara, “Thinidi naikno te lehehire ginauna naga tafri jateula chara, ba jateula kharaꞌo wit te theo ihei nga te tei pala ka nagare ra eghu.”

Profet Esikiel 28:5

Iagho laseni fara te horo bisnis baludi keha naiknore, eghuteuna ka glalase igne te dedei fara iagho na. Nu glepo te keli igre te batu nigho iagho te fahaehaghe fara iagho na.

Profet Daniel 4:27

Eghume king, iagho te leghu fakelidi nogu cheke iara igre. Iagho thosei ke edi puhi te diꞌa teke edi iagho ra. Iagho kokhonidi iheire te kuma nei eni ranghidi unha puhi te doglo. Jame te eghu iagho na, iagho ginauna na au fakeli eghuteuna unha te edi iaghore ginauna na thofno keli fara.”