Diutronomi 8:15 - Buka Blahi Ka Cheke Holo

¹⁵ Thosei ghatho ihoni teke batu ghami mana ke lamnagna namono nagou te krepa nei biꞌo fara nei diꞌa fara. Ka namono nagou aheva te au kmana mogo faghughumhu nei thafrasege, nei theo khoꞌu. Nu Lord neke chekeni khoꞌu na neke jifla mei ka kaisei thina biꞌo mala koꞌu ghotilo.

Diutronomi 8:15 ပူးပေါင်းရင်းမြစ်များ

Naba 21:6

Aonu Lord ne kuru mei mogo phanaga mala kathidi mare, eghuteuna kmana naikno ka mare ne lehe.

Naba 20:11

Aonu mae Moses ne loku haghe khodo na ne phia fata cha lao ka thina biꞌo na, eghuteuna khoꞌu ne loloro mei, aonu naikno baludi glepo te tautagu re ne koꞌu.

Profet Jeremaea 2:6

Mare ghatho ihoni teke atha fajifladi iara ka kantri Ijep tifa ra. Eghuteuna iara neke batudi neke tei ke lamna namono nagou. Namono te theo kaisei khoꞌu nei theo kaisei naikno tagna. Neuba iara ne fakarhidi, mare theome ghatho ghau nei hiro ghau eghu iara.

Diutronomi 1:19

Mae Moses ne cheke eghu, “Lord, noda God tahati na neke cheke ka tahati mala jifla Thogele Sanai, eghuteuna tei salaꞌu ka namono nagou biꞌo te thono diꞌa fara, mala tei posa ka nodi thogele kokhologna mae Amoa. Eghume tahati la eni igne la mei thoke agne Kades Banea.

Profet Hosia 13:5

Iara neke reireghidi kuꞌemi ghotilora ke lamna namono nagou te brana fara ia.

Ululahu Korin 10:4

Eghuteuna mare kafe koꞌu ka khoꞌu teke fafura mei God ranghidi ka thina teke tei baludi na. Thina igne Kraes thegna ngala.

Profet Isaia 35:7

Eghuteuna namono nagou teke au nusu brana kolho tadira, ginauna kholo biꞌo au tagna. Namono te theome keli teke au khuma mata ra, ginauna thua nafnata buburu khoꞌu ginauna kotu tagna.

Nodi Khoje Hatimare Mae Jiu 136:16

Mana batudi neke tei nogna naiknore ke lamna namono nagou na. Mana ne namha ghita tahati tifa tifa.

Nodi Khoje Hatimare Mae Jiu 105:41

Mana neke eni khoꞌu na neke jifla mei ka thina biꞌo na. Khoꞌu na jateula khoꞌu biꞌo neu ne tei posa ka namono nagou te khapra fara na.

Diutronomi 32:13

Mana hata mei ghami ghotilo ke lamna kmana thogele ka namono Kenan. Mana tusu ari kmana famane gano ka nagare ghotilo re. Mana neke togho ghami ghotilo mala au ghemi kmana jurukuli te jifla mei ke lamna goro thina. Mana neke fablahi ghami ghotilo baludi famane gaju oliv te kotu ka glose aheva teke theome naba te mala tobi nagare ghotilo.

Profet Isaia 30:6

Igne nogna nonomho Lord eidi glepo te tautagu te au Negev ke mata Juda. Lord neke cheke eghu, “Namono nagou igne fodu ka lion nei ka mogo te faghughumhu eghu tagna. Mae te mala hata nonomho igre mare luja nodi dedei nei glepo te keli teure ka dongki nei kamel mala tei ka vido igne. Mare hata tei glepo igre jateula namha eghu ka kantri Ijep te theome toghodi kolho mare igne.

Profet Isaia 43:19

Ghotilo filo ka glepo majaghani te edi iara gognaro igre! Iara ginauna eni kaisei nabrou mala tei ke lamna namono nagou, eghuteuna khoꞌure ginauna loloro soru ka vido te krogha.