Diutronomi 8:14 - Buka Blahi Ka Cheke Holo

¹⁴ Jame te theome filo fakeli ghotilo na, ghotilo tangomana te ghatho tahu ghami themi, eghuteuna ghotilo ginauna ghatho ihoni Lord nomi God. Mae ihei teke hata fajifla ghami ka naꞌau papara Ijep kani teke au sneka jare ia.

Diutronomi 8:14 ပူးပေါင်းရင်းမြစ်များ

Nodi Khoje Hatimare Mae Jiu 106:21

God na neke edi glepo te biꞌo fara Ijep, neke fakarhidi mare, nu mare neke theome ghathoni mana kolho eghu.

Fapea Kronikols 26:16

Nu kate haghe te rheta fara mana te fnakno nanghagna na, mana ne funu fahaehaghe fara ne ghilei groꞌe mana. Mana tapla jafra ka nakhibo ranghini Lord nogna God na kate tei ruma mana lamna ka nogna Sugablahi Lord na ne gahu insens ka Olta mala Gahu Insens.

Diutronomi 8:11

Fiofilo ghami, glahu ghatho ihoni ghotilo Lord nomi God, ba theome leghudi nogna cheke mana ra, nei vetula nei farirhiu eghu te tusu ari ka ghotilo gognaro igre.

Profet Jeremaea 2:31

“Ghotilo maemi Israel ra, fanomho ka nogna cheke Lord igne! “Iara neke theome tei koko ghami ghotilo ka namono nagou ia. Theo! Naugna unha si ghotilo ne snaglahi themi teu te tirodi leghu ghau iara gnea?

Profet Jeremaea 2:6

Mare ghatho ihoni teke atha fajifladi iara ka kantri Ijep tifa ra. Eghuteuna iara neke batudi neke tei ke lamna namono nagou. Namono te theo kaisei khoꞌu nei theo kaisei naikno tagna. Neuba iara ne fakarhidi, mare theome ghatho ghau nei hiro ghau eghu iara.

Fapea Kronikols 32:25

Nu mana thono fahaehaghe fara ne theome cheke tegio eidi gobigna lepo teke edi Lord ka mana re. Aonu diꞌatagna Lord na ne soru ke klignadi naiknodi Jerusalem ghe Juda.

Diutronomi 17:20

Ka puhi igne mana ginauna theome fahaehaghe nei theome ghathoni ne keli fara thegna ne salaꞌudi kheragna Israel igre teuna. Eghuteuna mana ginauna theome ghatho ihoni nogna vetula Lord na. Jame te ghatho tahuni Lord mana na, mana ginauna king fabrahu kmana finogha, eghuteuna vikegna mana re ginauna jaola king fabrahu Israel.”

Naba 15:39

Gnarho kmo'e te susuki fodu mare igre mala fagaglana gna nogu cheke iara na. Eghuteuna kate filodi mare gnarho kmo'e igre, mare ginau ke ghathodi nogu farirhiu iara re nei leghudi eghu. Ka puhi igne mare ginauna theome tangomana te leghudi nodi gaoghatho thedire, nei mare ginauna theome tangomana te leghudi unha te magnahaghei mare na.

Diutronomi 4:9

“Nu fiofilo ghami eghu! Na eghunu ghatho ihodi ghotilo glepo tela filo tathamihi igre eghu. Leuleghu fata ka nakarhami re, ghotilo mala ghathodi glepo igre. Eghuteuna ghotilo mala farirhiudi thumi are nei grami te ikodi are eghu.

Diutronomi 8:13

Eghuteuna ghotilo mala faghuai eghu ka narane te au nomi kmana gol nei silva, nei kmana buluka nei kmana sipu baludi keha glepo langau teu are.

Fapea Kings 14:10

Eghuteuna mana neke cheke eghui, “Tutuani, iagho neke ulunihi armi gna Idom ia ka magra, eghuteuna gognarona iagho fahaehaghe fara. Te keli na iagho tei au kolho ka sugamu na mala fahaehaghe nigho themu. Thosei eni kaisei puhi, naugna mana ginauna na goigoni nigho mana nei naiknodi Juda.”

Nodi Khoje Hatimare Mae Jiu 78:7

Ka puhi igne mare na jaola fatutuani ni God, nei na ghathodi unha teke edi mana re eghu, nei leghudi koba nogna cheke mana re eghu.

Profet Hosia 13:6

Nu kate hata glose mare te au tagna na, mare neke keli tadi, naugna iara neke tusu ranghidi kmana gano. Puhi igne te fahaehagheni fara mare te ghatho iho ghau iara fabrahu te ghilei mei posa gognarogne.

Eksodas 13:3

Mae Moses ne cheke eghu ka naiknore, “Thosei ghatho ihoni narane igne ghotilo ia, eigna ka narane igne na Lord neke atha fajifla ghita tahati ka nogna nolaghi te biꞌo na kani au sosolo teku tahati Ijep tifa na. Eghume ka narane te ghathoni tahati igne na ghotilo thosei ima bret te au isi tagna na.

Diutronomi 5:6

“Iara Lord, nomi God ghotilo. Iara neke atha fajifla ghami ghotilo ka naꞌau sosolo Ijep neke atha mei ghami ghotilo agne.

Diutronomi 6:11

Eghuteuna glose igne au suga te fodu ka glepo te keli teke theome lilisei ghotilo, seu teke theome dokha ghotilo, nei nagare grep, nei nagare oliv eghu teke theome joꞌu ghotilo. Eghume kate ghamu te boho ghotilo ka gano igre,

Diutronomi 13:6

“Neubane thabusimi, ba thumu, ba khetomu ihei iagho te namhani fara, ba kaisei mae kheramu fofodu keli, jame kaisei ka mare mei cheke poru eghu ka iagho, ‘Tapa ari mala tarai ka keha god delei,’ iagho thosei fanomho ka mana! Jau mana magnahaghei ghami ghopa te tei tarai ka nodi god naikno te au rhemi ghotilo are, ba nodi god naikno te au khaba ka ghotilo are. Jau mana magnahaghei ghami ghopa te tei tarai ka nodi god naikno te au ka glose igne, god teke theome lasedi ghotilo nei kuꞌemi tifa ra. Nu iagho thosei fanomho tagna. Eghuteuna iagho thosei diꞌanagnafamu, nei iagho thosei pophoru mae igne mala theome thokeni mana papara na.

Jajis 3:7

Naiknodi Israel ne eni puhi te diꞌa na ka tathagna Lord nodi God mare na. Mare ne loku ranghini mumuju god Baal ghe Astarot.

Fapea Kings 17:38

Ghotilo thosei ghatho ihoni u nhaꞌa cheke teke eni iara balumi ghotilo ia.

Profet Jeremaea 23:27

Ka gaoghathodi thedi mae igre na, mifi chaichaghi igre ginauna toghodi naiknore mala ghatho iho ghau iara eghu. Kuꞌedi mae igre neke jaola tifa na neke ghatho iho ghau iara neke pogho soru ka god Baal.

Profet Daniel 11:12

Mana ginauna na fahaehagheni fara. Kate uluni magra igne, mana ne aknu falehe kmana thogha soldia. Nu mana ginauna na theome tangomana nate ulu fabrahu na.