Diutronomi 8:11 - Buka Blahi Ka Cheke Holo

¹¹ Fiofilo ghami, glahu ghatho ihoni ghotilo Lord nomi God, ba theome leghudi nogna cheke mana ra, nei vetula nei farirhiu eghu te tusu ari ka ghotilo gognaro igre.

Diutronomi 8:11 ပူးပေါင်းရင်းမြစ်များ

Nodi Khoje Hatimare Mae Jiu 106:21

God na neke edi glepo te biꞌo fara Ijep, neke fakarhidi mare, nu mare neke theome ghathoni mana kolho eghu.

Proveb 1:32

Iheire te theome au tadi gaoghatho te keli na ginauna lehe, naugna mare ne figri tagru ghau iara. Eghuteuna naikno te fameomekro re ginauna lehe naugna ne tirodini puhi te doglo na.

Proveb 30:9

Glahu dedei fara iara ghatho ihoni Lord. Glahu kuma fara iara blau glepo, eghuteuna famamajani nanghagna nogu God iara na.

Naba 15:39

Gnarho kmo'e te susuki fodu mare igre mala fagaglana gna nogu cheke iara na. Eghuteuna kate filodi mare gnarho kmo'e igre, mare ginau ke ghathodi nogu farirhiu iara re nei leghudi eghu. Ka puhi igne mare ginauna theome tangomana te leghudi nodi gaoghatho thedire, nei mare ginauna theome tangomana te leghudi unha te magnahaghei mare na.

Diutronomi 4:9

“Nu fiofilo ghami eghu! Na eghunu ghatho ihodi ghotilo glepo tela filo tathamihi igre eghu. Leuleghu fata ka nakarhami re, ghotilo mala ghathodi glepo igre. Eghuteuna ghotilo mala farirhiudi thumi are nei grami te ikodi are eghu.

Diutronomi 8:14

Jame te theome filo fakeli ghotilo na, ghotilo tangomana te ghatho tahu ghami themi, eghuteuna ghotilo ginauna ghatho ihoni Lord nomi God. Mae ihei teke hata fajifla ghami ka naꞌau papara Ijep kani teke au sneka jare ia.

Nodi Khoje Hatimare Mae Jiu 103:2

Iara mala cheke fakelini nanghagna God na, eghuteuna iara ginauna na theome tangomana te ghatho ihodi glepo te keli teke edi mana re.

Profet Isaia 51:13

Ghotilo theome lase ghau iara sia? Iara ngala mae ihei teke vuavuha ghami ghotilo na. Iara neke lilisei maloa ghe nauthoglu igre ka thofno mala audire. Naugna unha si ghotilo te mhaghudi fara naikno te para ghami nei tarabana mala goigoni ghami teu igrea? Diꞌa tadi mare igre ginauna theome thoke ghami ghotilo.

Profet Malakai 4:4

“Ghotilo mala ghatho tahudi nogna farirhiu mae nogu gloku iara mae Moses, nei vetula teke tusu lao iara ka mae Moses ka Thogele Sanai ra eghu malami ghotilo te gnafa Israel.

Diutronomi 4:1

Mae Moses neke cheke eghu, “Ghotilo naiknomi Israel ra fanomho fakeli ka cheke nei vetula eghu nate farirhiu ghami iara igre. Eghuteuna jame te leghudi ghotilo cheke nei vetula teu igre na, Lord nodi God kuꞌemi ghotilo tifa ra mana ginauna fakarhi ghami, eghuteuna ghotilo ginauna tangomana nate tei te hata glose tarabana teu te mala tusu ari ka ghotilo.

Diutronomi 4:5

“Iara la farirhiu ghamihi ghotilo cheke nei vetula teu igre leghuni unha teke cheke ranghi ghau noda Lord God. Iara eni igne mala leghudi ghotilo vetula igre kate au teu ghotilo ka glose te hata ghotilo re.

Diutronomi 6:11

Eghuteuna glose igne au suga te fodu ka glepo te keli teke theome lilisei ghotilo, seu teke theome dokha ghotilo, nei nagare grep, nei nagare oliv eghu teke theome joꞌu ghotilo. Eghume kate ghamu te boho ghotilo ka gano igre,

Diutronomi 7:11

Eghume, ghotilo mala thofno leghudi nogna cheke, nogna vetula nei nogna farirhiu teu mana te chekedi iara ka ghotilo gognaro igre.”

Diutronomi 11:32

ghotilo mala thofno leghudi nogna cheke nei nogna farirhiu teu mana te tusu ari iara ka ghotilo gognarogne.”

Jajis 3:7

Naiknodi Israel ne eni puhi te diꞌa na ka tathagna Lord nodi God mare na. Mare ne loku ranghini mumuju god Baal ghe Astarot.

Profet Jeremaea 23:27

Ka gaoghathodi thedi mae igre na, mifi chaichaghi igre ginauna toghodi naiknore mala ghatho iho ghau iara eghu. Kuꞌedi mae igre neke jaola tifa na neke ghatho iho ghau iara neke pogho soru ka god Baal.