Diutronomi 7:7 - Buka Blahi Ka Cheke Holo

⁷ “Lord namha ghami ghotilo neke vahi fadelei ghami ghotilo, theome naugna te kmana te salaꞌudi ghotilo keha naiknore ka nauthoglu igne. Ghotilo laseni, ghotilo bua fara salaꞌudi keha naiknore ka nauthoglu igne.

Diutronomi 7:7 ပူးပေါင်းရင်းမြစ်များ

Diutronomi 10:22

Kuꞌemi ghotilo teke sukha teke au Ijep tifa ra neke theome kmana, mare neke fitusalei naikno kolho. Nu gognarona Lord nomi God ghotilo na fablahi ghami ghotilo la ghilei kmana fara jateula nathunu ka maloa na are lau!”

Letas Teke Riso Tei Mae Pol Ka Khiloau Rom 11:6

Mana neke theome vahidi eigna ka nodi gloku te keli, nu eigna nogna khokofakasai ranghidi kolho. Naugna jame vahidi mana ka nodi gloku te keli muna, nogna khokofakasai God na ginauna theo nafugna kolho.

Ululahu Jone 4:10

Ka gloku igne tahati filoni thofno namha na, theome eigna tahati ne namhani God, nu God namha ghita nei kuru mei Thugna jateula kaisei fafara mala hata fadelei nakhiboda.

Letas Teke Riso Tei Mae Pol Ka Khiloau Rom 9:21

Mae ihei te hohorodi taperare mana hohoro leghuni unha te magnahagheni thegna na. Mana tangomana te hohoro phei nafnata glepo ka kaisei naphuki glose ngala. Mana tangomana te hohoro kaisei tapera nabagna narane te ulu, eghuteuna keha tapera na nabagna mala leghu narane kolho.

Nodi Khoje Hatimare Mae Jiu 115:1

Lord God, kaisei iagho ngala te mala ghatho tahu nigho ghehati na, naugna kaisei iagho ngala te namha ghami ghehati na, nei iagho taji fakelidi u nhaꞌa cheke teke edi iagho ka ghehati ra.

Letas Teke Riso Tei Mae Pol Ka Khiloau Rom 9:18

Eghume te laseni tahati na, kate magnahaghei kokhonini God ihei na, God ginauna kokhonini mana, eghuteuna kate magnahaghei fameglini God ihei na, God ginauna jaola fameglini mana.

Luku 12:32

“Neubane theome nheta ghotilo, thosei mhaghu. Naugna mae Kmami ghotilo na keli tagna fara te snakre ghami ghotilo te mala au ke lamnagna karha te funei frunini mana na.

Ululahu Jone 3:1

Tahati thofno lasenihi unha nafnata namha biꞌo Mama te tusu ranghi ghita. Ka nogna namha biꞌo igne mana kilo ghita goro thugna. Eghuteuna tahati thofno Thugna mana. Nu naiknogna nauthoglu igne theome filo glani ghita te goro thugna God, naugna mare theome laseni mana.

Diutronomi 1:10

Lord, nomi God ghotilo igne fablahi ghami ghotilo la kmana fara la jateula nathunu ka maloa na are lau.

Diutronomi 4:37

Naugna mana neke namhadi fara kuꞌemi ghotilo tifa ra, mana neke vahi ghami ghotilo mala nogna naikno mana. Eghume ka nogna nolaghi mana, mana neke hata fajifla ghami Ijep.

Ululahu Kronikols 16:19

Nu ka narane igre, kuꞌeda tahati ra neke theome kmana nekeu, eghuteuna mare neke theome au ka kaisei vido kolho ka glose igne.

Nodi Khoje Hatimare Mae Jiu 44:3

Nou naikno iagho igre neke theome atha namono igne ka magra, ba ka nodi nolaghi thedi. Theo. Mare neke atha vido igne ka nou nolaghi nei ka khamemu eghu iagho, naugna iagho magnahaghedi mare te lase nigho te au teu baludi na. Ka puhi igne iagho falalase ranghidi iagho te namhadi fara nou naiknore.

Nodi Khoje Hatimare Mae Jiu 105:12

Nu ka narane tuare, kuꞌeda tahatire neke theome kmana nga teku, eghuteuna mare neke theome au ka kaisei vido ngala ka kantri tuana.

Profet Isaia 63:9

Kate kabru nei au papara teu mare na, Lord na jaola kabru nei au papara eghu baludi. Mana namhadi nei kokhonidi eghu, naugna igne mana thegna teke fakarhidi nei atha fasnagli teku re. Funu tifa te mei na, mana neke reireghidi fabrahu.

Profet Esikiel 36:22

“Eghume naugna igne, iagho cheke ka naiknodi Israel iara Lord God te cheke eghu igne: ‘Iara ginauna nake hata fapulo ghami ghotilo, theome naugna te keli ghotilo na. Theo! Naugna ghotilo ne lausasaba nanghagu iara te blahi na ka namono aheva te au ghotilo tagna na.

Diutronomi 14:2

Ghotilo thosei diꞌanagnafa, jateula keha naikno te leghudi keha nafnata god delei ra eghu. Naugna ghotilo nogna naikno blahi Lord nomi God. Eghuteuna Mana neke vahi fadelei ghami ka keha naikno te gnafa ka nauthoglu igne mala nogna naikno mana kolho.”

Profet Esikiel 20:5

Iagho cheke ka mare: ‘Tifa na, iara Lord God neke vahini Israel mala nogu thegu neku, eigna iara neke kulu eni kaisei nhaꞌa cheke te rheta ka kuꞌemi ghotilo ra, mae iheire teke karha mei ke leghugna kuꞌemi ghotilo Jekop tifa ia. Kani teke au mare Ijep ia, iara neke fakakhana nogu nolaghi na ka mare, eghuteuna iara neke cheke eghu ka mare, “Iara nomi Lord God ghotilo.”