Diutronomi 7:26 - Buka Blahi Ka Cheke Holo

²⁶ Ghotilo thosei hata mei kaisei glepo te diꞌa igre ka sugami re. Jame te eni ghotilo igne na, Lord ginauna goigoni ghami ghotilo jateula mana te goigonidi glepo igre eghu.”

Diutronomi 7:26 ပူးပေါင်းရင်းမြစ်များ

Diutronomi 13:17

Gobi lepogna namono tuana blahi eghuteuna ghotilo thosei hata kaisei glepo tagna. Jame te leghuni cheke igne na, Lord ginauna na theome ke diꞌatagna ka ghotilo, eghuteuna ginauna mana nake kokhoni ghami ghotilo. Kate leghudi ghotilo nogna vetula mana teke tusu ari iara ka ghotilo gognaro igre, nei edi unha te doglo ka tathagna mana na teuna, mana ginauna keli ranghi ghami ghotilo, eghuteuna mana ginauna fablahi ghami ghotilo mala kmana e kmana jateula teke nhaꞌa chekehi mana ka kuꞌemi ghotilo tifa ra eghu.”

Profet Hosia 14:8

Ghotilo Israel, thosei tei tarai ka mumuju. Eigna kate tarai ghotilo ka iara na, iara na fanomho ka ghotilo, eghuteuna iara ginauna na reireghi ghami ghotilo. Iara gognarona jateula kaisei gaju te theome gnhagha khaklagna ra eghu. Thua nafnotu te keli te au ka ghotilo igre, iara ngala teke tusu ari ka ghotilo na.”

Profet Esikiel 11:18

“Kate ke pulo mare ka kantri igne na, mare ginauna koko gnafa mumuju te diꞌa re.

Profet Isaia 30:22

Eghuteuna mumuju god te toku tafru ghotilo ka silva nei gol teu igre, ghotilo ginauna koko jateula glepo te diꞌa ra eghu. Ghotilo ginauna koko glepo igre na cheke eghu ka mare, “Iara tirogu nigho fara.”

Letas Teke Riso Tei Mae Pol Ka Khiloau Rom 2:22

Ghotilo cheke ka mare mala thosei tolaghi pedo, nu ghotilo themi na tolaghi pedo la ngala. Ghotilo tiromidi fara mumujure, nu ghotilo blau la ngala ke lamnadi nodi Sugablahi mumujure.

Profet Esikiel 14:7

“ ‘Jame kaisei ka ghotilo naiknomi Israel ra, ba ka keha kantri te au balumi ghotilo are, tirodi ghau iara tarai ka mumuju. Jame mae igne mei filoni kaisei mae profet mala laseni kaisei glepo ka iara, iara Lord ngala ginauna tusu lao cheke tughu na ka mana.

Profet Sekaraea 5:4

Igne unha te chekeni Lord mae ihei te au nolaghi fateote'o. Mana ne cheke eghu, ‘Iara ginauna fatei cheke ka sugadi mae mala blau, nei ka sugadi mae ihei re te chaichaghi kate nhaꞌa cheke. Eghuteuna puhi biꞌo igne ginauna goigoni thaba te gnafa nei thina ka suga igre, ghilei thono diꞌa fara.’ ”

Profet Isaia 2:20

Ka narane God te fatedi naiknore igne, mare ginauna koko mumuju god teke hohoro ka gol nei silva, mala tei koko ka vido aheva te fodu ka nakusi tagna.

Diutronomi 13:16

Aonu ghotilo hata mei bubukrei farihotei namono nodi gobigna lepore. Nako namono tuana baludi gobigna lepore, mala tusu ranghini Lord nomi God jateula fafara te gahu te thono krono ra eghu. Eghuteuna namono tuana ginauna diꞌa fabrahu na theome tangomana na teke kegra haghe na, eghuteuna blahi kaisei naikno na teke loku tagna na.

Profet Isaia 41:24

Nu theo eghu! Ghotilo theo nafumi kolho! Ghotilo theome tangomana te eni kaisei glepo na! Eghuteuna iheire te tarai ka ghotilo are thono diꞌa parilahu!