Diutronomi 7:24 - Buka Blahi Ka Cheke Holo

²⁴ Iara ginauna lisa ari nodi king re ka khamemi ghotilo mala aknu falehedi hui mala theo kaisei na teke ghathodi re. Ghotilo ginauna aknu falehedi naiknore, eghuteuna theo kaisei naikno na teke kegra fanogridi ka ghotilo re.

Diutronomi 7:24 ပူးပေါင်းရင်းမြစ်များ

Josua 23:9

“Naikno teke au ka namono igne tifa ra, mare kmana fara nei jaola nheta fara ka magra na. Nu leuleghu fata na, kate tei ghotilo te magra ka mare na, Lord thegna te ngolhidi ke uludi tathami ghotilo re. Eghuteuna leuleghu fata na, theo kaisei ka nomi naoka ghotilo igre te tangomana te ulu ghami ghotilo na.

Josua 10:8

Lord ne cheke eghu ka mae Josua, “Thosei mhaghudi mae tuare. Iara ginauna togho ghami ghotilo, eghuteuna ghotilo ginauna uluni magra igne. Eghuteuna theo kaisei ka mare nate ulu ghami ghotilo ka magra na.”

Diutronomi 11:25

Eghuteuna kate tei ghotilo ka glose igne na, ginauna theo kaisei naikno nate kegra fanogra ghami ghotilo na, naugna Lord nomi God ghotilo na ginauna edi naiknore mala mhaghu ghami ghotilo jateula teke nhaꞌa chekenihi mana ka ghotilo ia eghu.

Josua 10:42

Ka narane tuare, Lord, nodi God maedi Israel igne ne toghodi mare mala uludi nei hata eghu nodi namono mae naoka igre.

Josua 1:5

Te chekeni iara ka iagho na, theo kaisei naikno nate ulu nigho iagho ka magra na. Iara ginauna au balumu iagho jateula teke au iara balugna mae Moses tifa ia eghu. Iara ginauna au balumu iagho, iara ginauna na theome tei koko nigho ba ghatho iho nigho.

Diutronomi 9:14

Iagho thosei lhoti ghau iara, iara ginauna goigonidi mare. Iara ginauna na theome snakreni kaisei naikno mala ke ghathodi mare. Eghume iara ginauna eni vikemu iagho na mala kaisei vike te biꞌo nei nolaghi fara eghu uludi mare.’

Letas Teke Riso Tei Mae Pol Ka Khiloau Rom 8:37

Nu tahati theome mala nigra ka glepo igre. Naugna Kraes mae ihei te namha ghita na, mana na togho ghita mala tapla sorudi tahati glepo igre leuleghu narane!

Ululahu Korin 15:57

Nu tahati cheke fakelini God, eigna mana te tapla soruni u glehe na ranghi ghita naugna ka nogna gloku noda Lord Jisas Kraes!

Profet Sefanaea 1:4

“Iara ginauna paradi naiknodi Juda, nei naikno te gnafa te au Jerusalem. Eghuteuna iara ginauna thofno goigoni fahui mumuju god Baal baludi nogna pris, nei iheire te figri tagruni Lord te tufru soru ka mumuju igre, eghuteuna theo kaisei naikno na teke ghatho fapulodi naikno igre.

Profet Jeremaea 10:11

“Ghotilo cheke eghu ranghidi naikno bongihehe are, ‘Nomi god ghotilo are neke theome vuavuha nauthoglu ghe maloa igre, nu God mae ihei teke vuavuhadi nauthoglu ghe maloa igre ginauna goigonidi gnafa god igre mala dofidi ka nauthoglu igne.’ ”

Profet Isaia 54:17

Nu theo kaisei glepo mala magra ka igre nate ghoreho ghotilo na. Eghuteuna ghotilo ginauna tangomana te cheke tughu ka iheire te cheke fapari ghami ghotilo na. Uve, iara ginauna edi glepo te keli ka ghotilo nogu mae gloku iara ra, eghuteuna togho ghami ghotilo mala ulu.” Igne chekegna Lord.

Proveb 10:7

Kate lehe kaisei naikno te doglo na, naiknore na ghathoni fabrahu nei gleꞌani eghu mana. Nu te lehe kaisei naikno te diꞌa na, naiknore na ghosei ghatho ihoni kolho mana.

Nodi Khoje Hatimare Mae Jiu 9:5

Iagho la fatedihi naikno bongihehe te pogho soru ka mumuju ra. Iagho la roꞌe sorudihi naikno te gnognoro ra, eghuteuna naikno igre ginauna na theo kaisei naikno nate ghatho fapulodire tifa e tifa.

Diutronomi 29:20

Lord ginauna theome tangomana nate hata fadelei nakhibogna nafnata mae igne. Diꞌa tagna Lord na ginauna mei ka mae igne jateula kaisei khaꞌaghi eghu. Eghuteuna thibri te gnafa teke rioriso mare ka Buka vetula igre ginauna soru ke kligna gna mana, eghuteuna Lord ginauna ghiha koko nanghagna mana na mala theome tangomana kaisei naikno ka nauthoglu igne nate ghathoni mana na.

Diutronomi 25:19

Lord nomi God ghotilo igne ginauna togho ghami ghotilo mala gnafa ka glose teke tusu ari mana te mala khotogna na, eghuteuna mae naoka te au faligoho ghami ghotilo are ginauna theome eni kaisei puhi te diꞌa ka ghotilo. Aonu ka narane tuare, ghotilo ginauna tei falehedi gnafa vikegna mae Amalek. Ghotilo ginauna goigonidi gnafa, mala theome tangomana kaisei naikno teke ghathodi re. Ghotilo thosei ghatho ihoni igne!”

Eksodas 17:14

Ke leghugna igne Lord ne cheke eghu ka mae Moses, “Rioriso eigna magra igne nei unha cheke igne eghu, eigna iara ginau na dalu koko fahui naiknodi Amalek gre mala theo kaisei naikno ka nauthoglu igne nate ghathodi re. Eghuteuna iagho iu'iju fabiꞌo ranghini mae Josua mala nomhini la ngau mana eghu.”

Diutronomi 9:3

Nu gognarona ghotilo laseni, Lord nomi God ghotilo na neke nhaꞌa chekehi te mala kulu ulu ka ghotilo na. Kate kulu tei na mana ginauna jateula kaisei khaꞌaghi te gnhubra gobigna lepora eghu na thofno goigonidi fara naikno tuare. Eghume ghotilo tangomana te ngolhi fajifladi re, eghuteuna ghotilo ginauna ghosei aknu falehedi kolho.

Josua 6:2

Nu Lord ne cheke eghu ka mae Josua, “Gognarona iara na snakre ari ka iagho namono Jeriko, balugna king, nei hatimare mae soldia fateote'o.

Josua 10:23

Aonu mare hata ne mei mae king di Jerusalem, Hebron, Jamut, Lakis nei Eglon teu igre ka mae Josua.

Josua 10:40

Mae Josua ne magra heta fara ne uludi namono biꞌo te gnafa te au ka vido igne. Mana tapla faparidi ne gnafa hatimare mae king te au ka thogele ke holo, ka nohi ke mata Negev, ka fanukhu ke mosu, nei ka vido rhegna ke maghati khoꞌu Jordan. Mana aknu falehedi ne gnafa mae king te gnafa nei naikno te gnafa teu te au ka vido te gnafa igre. Mae Josua ne theome magnahaghei te karha kaisei na, naugna God nodi Lord maedi Israel igre neke chekehi ka mare.

Josua 11:17

Nohigna vido igne funu ka thogele Halak ke mata Idom tei posa ka namono Balgad ka sare Lebanon ke raru Thogele Hemon. Mae Josua gne kmana fata tei magra ka mae king te funei ka namono igre ne kafe falehedi mae king igre.

Josua 12:24

eghuteuna Tasa. Mae Israel ne uludi tolufulu kaisei mae king ne atha nodi glose mae king igre.

Josua 21:44

Lord ne tusu ranghidi pharikeli heva heva ke lamnadi glose aheva teke nhaꞌa cheke mana ranghidi kuꞌedi mare tifa ra. Eghuteuna ka narane igre, theo kaisei naoka te tangomana te uludi mare na, naugna Lord neke toghodi neke uludihi mare nodi naoka mare igre.

Josua 23:3

Ghotilo la filodihi gobigna lepo teke edi Lord noda God ka naikno teke kulu au ka tahati ka namono igne. Ghotilo laseni Lord noda God neke magra ranghi ghita tahati.