Diutronomi 7:21 - Buka Blahi Ka Cheke Holo

²¹ Eghume ghotilo thosei mhaghudi mare, naugna Lord nomi God ghotilo na au balumi ghotilo. Mana au nolaghi fateote'o, eghuteuna mare mhaghu nodini fara mana.

Diutronomi 7:21 ပူးပေါင်းရင်းမြစ်များ

Nehemaea 9:32

“Nomi God, iagho fnakno fara nei au nolaghi biꞌo fateote'o, eghume ghehati mhaghu nomi te mei namo ka iagho na. Leuleghu fata na iagho tajini nou nhaꞌa cheke na neke ghatho tahu ghami ghehati. Funu ka narane teke mei king di Asiria teke goigoni ghami ghehati te ghilei mei posa ka narane gognarogne, ghehati au papara fara. Nomi king, nomi lida, nomi pris, nomi profet, nei kuꞌemi teku ghehati tifa ra, ghehati te gnafa na neke kafe au papara fara. Eghume puhi biꞌo igne theome tei koko ghami ghehati ghilei mei posa gognarogne.

Nehemaea 1:5

ne cheke eghu, “Lord God gna kligna. Iagho haghe fara, eghuteuna ghehati mhaghu nomi fara te mei namo ka iagho na. Leuleghu fata na iagho tajini nou nhaꞌa cheke na, baludi iheire te namha nigho nei leghudi teu nou chekere.

Diutronomi 10:17

Lord nomi God ghotilo igne, mana God frunidi god te gnafa nei Lord frunidi Lord te gnafa teu igre. Mana Thofno God mae ihei te au nolaghi fateote'o eghuteuna naikno te gnafa ka nauthoglu igne mhaghuni mana. Kate fateni ihei na, mana theome tangomana te phile ka ihei, eghuteuna mana theome tangomana te hata sileni ka ihei te mala theome fate ka puhi te doglo.

Nehemaea 4:14

Iara filodi naiknore ne mhaghu nodi fara, aonu iara ne eha fabiꞌo ka mae biꞌo, nei ka mae mala baubatu, nei ka keha naikno ka namono na, ne cheke eghu ka mare, “Tore! Ghotilo thosei mhaghudi mae naoka gre! Ghathoni noda Lord mae ihei te au nolaghi fateote'o, nei haghe fara! Tahati kegra haghe mala magra fanogradi mae naoka gre mala theome tangomana mare te mei goigonidi kherada, nei thuda, nei khetoda, nei noda suga la teu igre!”

Ululahu Korin 14:25

eghuteuna glepo te poru ka nagnafagna mana re ginauna thakle. Mana ginauna tuturupuku soru mala kilo fnaknoni God, eghuteuna mana ginauna cheke eghu, “Tutuani fara, God na au balumi ghotilo!”

Nodi Khoje Hatimare Mae Jiu 46:11

Lord mae ihei te funei frunini tharagna kligna na auhi baluda tahati agne. Mana noda God tahati maeda Israel. Mana noda namono keli mala poru tahati.

Nodi Khoje Hatimare Mae Jiu 46:7

Lord, mae ihei te blahi fara na au baluda tahati. Noda God tahati naiknoda Israel, mana taji fakeli ghita tahati.

Nodi Khoje Hatimare Mae Jiu 46:5

Namono tuana theome tangomana te nghali ba te paꞌe na, naugna God na au baludi naikno te tufru soruni mana ka namono tuana. Kate phage naprai na, mana auhi jare mala toghoni namono tuana.

Fapea Kronikols 32:8

Mana au nogna nolaghi, nu nogna nolaghi mana tuana mei funugna ka naikno kolho. Nu tahati au tada nogna nolaghi Lord noda God. Mana ginauna magra ranghi ghita mala uluni tahati magra igne.” Aonu nogna cheke King Hesekaea igne ne farerheta gaoghathodi mare re.

Ululahu Samuel 4:8

Nodi God mare igne au nogna nolaghi! Mae ihei gne te tangomana nate hata fajifla ghita ka nogna nolaghi mana na? Igne ngala god mae ihei teke kuru mei puhi biꞌo teke falehedi maedi Ijep ka namono nagou ia.

Diutronomi 25:8

“Aonu mae lida gna namono na igre kilo meini mae thabusigna igne mala cheke ranghini mana. Nu jame chekeni meu ngala mana te tirogna teuna,

Naba 23:21

Iagho na theome filoni kaisei glepo te thokedi kokhologna mae Jekob ginauna. Eghuteuna theo kaisei hoholo te ginau thokedi naiknodi Israel gre. Lord na nodi God mare, eghuteuna leuleghu fata mana au baludi mare. Leuleghu fata na mare eha eigna God ngala nodi king mare na.

Naba 16:3

Mare mei ka mae Moses ghe mae pris Eron ne cheke eghu, “Tore! Ghotilo raꞌe la salaꞌui fara! Unha site nhaꞌa fahaghe ghami themi ghopa ke klignami ghehati gnafa gnea? Naikno te gnafa igre naikno blahi, eghuteuna Lord na au balumi ghehati la!”

Naba 14:42

Ghotilo thosei tei! Naugna Lord na theome au balumi ghotilo, eghuteuna nomi mae naoka ghotilo re ginauna falehe ghami ghotilo.

Naba 14:14

Eghuteuna naiknodi Ijep gre na cheke eigna igne ka iheire naikno te au ka vido tuana. Mare la kulu nomhini hila eimu iagho na sia Lord. Mare la kulu laseni hila te au iagho baludi nou naiknore nei fakakhana nigho themu teu ka nou naiknore. Mare la kulu laseni hila eigna nou khoveo iagho te au ke klignadi te batudi iagho nou naiknore ka gromno fei narane nei khaꞌaghi fei bongiro teuna.

Naba 14:9

Eghume ghotilo thosei figri tagruni Lord! Ghotilo thosei mhaghudi naikno te au ka vido tuana, naugna mare theome naba ka tahati! Tahati ginauna goigonidi mare! Lord na au baluda tahati sia, eghuteuna mana la uludihi nodi god mare re, eghume ghotilo thosei nanga nomi eghu!”

Naba 9:20

Keha fatare, gromno igne au fabrahu jare nabagna phei ba thilo narane, nu mare leghuni koba unha te chekeni Lord na theome ke jifla kokoni vido tuana.

Eksodas 29:45

Iara ginauna au baludi naiknodi Israel mala nodi God mare fabrahu.

Nodi Khoje Hatimare Mae Jiu 47:2

Tahati mala mhaghuni Lord. Mana God te fnakno kligna lahu. Mana te mae nolaghi fara te funei frunidi naikno te gnafa ka nauthoglu igne.

Nodi Khoje Hatimare Mae Jiu 68:35

Kate jifla mei God ka sugagna te blahi na, naiknore mhaghuni mana, mare ghatho tahuni mana. Mana noda God tahati maeda Israel. Mana tusu mei nolaghi biꞌo ka tahati mala nheta tahati. Tahati cheke fakelini God!

Naba 13:9

Ka vikegna mae Benjamin na, mana ne vahini mae Palti, thugna mae Rafu.

Naba 21:34

Nu Lord ne cheke eghu ka mae Moses, “Thosei mhaghuni mae king igne. Iara ginauna togho ghami ghotilo, eghuteuna ghotilo ginauna uluni mana baludi nogna mae soldia mana re, eghuteuna iara ginauna nake tufa ari nogna vido glose mana na ka ghotilo. Ghotilo eni igne jateula teke eni ghotilo ka mae King Sihon gna Amoa jare Hesbon ia eghu.”

Diutronomi 20:1

Mae Moses ne cheke eghu, “Kate tei ghotilo te magra ka nomi naokare, ghotilo jame filodi kmana hose nei kmana chariot mala magra, nei kmana soldia salaꞌu ghami ghotilo. Nu ghotilo thosei mhaghudi mare, naugna Lord nomi God, mae ihei teke hata fajifla ghami ghotilo Ijep ia ginauna au balumi ghotilo.

Diutronomi 31:17

Aonu kate eni mare igne na, iara ginauna diꞌatagu fara ka mare, eghuteuna iara ginauna lisadi mare. Iara ginauna poru ka mare, eghuteuna kmana puhi ginauna mei goigonidi mare. Mare ginauna thokedi kmana puhi biꞌo, eghuteuna kate thoke mei glepo te diꞌa ka mare na, mare ginauna laseni te theome au iara baludi mare na.

Josua 8:1

Aonu Lord ne cheke eghu ka mae Josua, “Thosei mhaghu, ba suaraghi. Hata soldia balumu tei magra Ai. Iara ginauna togho nigho, eghuteuna iagho ginauna uluni mae king gna Ai. Eghuteuna iara ginauna snakre ari naikno gna nei glose gna teu namono tuana ka khamemu iagho.

Nodi Khoje Hatimare Mae Jiu 27:1

Lord ngala mae ihei te fakarhi ghau eghu iara. Eghume iara theome mhaghuni naikno na. Lord ngala te reireghi ghau iara na, eghume iara ginauna na theome mhaghuni kaisei glepo.

Nodi Khoje Hatimare Mae Jiu 46:6

Kate diꞌatagna God te fnaja fabiꞌo jateula fila teuna, naikno bongihehe ka nauthoglu gne ginauna blalho jateula khoꞌu eghu. Eghuteuna naiknore ginauna mhaghu nodi fara kate nghali te diha nodi namono na.

Nodi Khoje Hatimare Mae Jiu 89:8

Lord God, kaisei iagho ngala te au nolaghi biꞌo na. Theo kaisei naikno te au nolaghi biꞌo jateula iagho teuna. Lord God, kaisei iagho ngala te tangomana te tajidi nou nhaꞌa chekere.

Nodi Khoje Hatimare Mae Jiu 95:3

Naugna Lord na thono nolaghi fara. Uve, mana King mae ihei te au nolaghi ke klignadi god fateote'o.