Diutronomi 7:2 - Buka Blahi Ka Cheke Holo

² nu mana ginauna lisa ari naikno igre ka khamemi ghotilo, eghuteuna ghotilo ginauna uludi mare. Ka narane tuana, ghotilo mala aknu falehedi gnafa. Ghotilo mala thosei eni kaisei nhaꞌa cheke te mala au fakeli baludi mare na. Eghuteuna ghotilo mala thosei kokhonidi mare.

Diutronomi 7:2 ပူးပေါင်းရင်းမြစ်များ

Jajis 2:2

Eghuteuna ghotilo thosei ke eni kaisei nhaꞌa cheke baludi naikno te au ka namono Kenan igne, eghuteuna ghotilo ginauna paꞌe soru nodi olta naikno bongihehe are.’ Nu ghotilo theome edi kolho unha teke chekedi iara ka ghotilo ra. Naugna unha site edi ghotilo glepo igrea?

Jajis 1:24

Kate tei na, mare ne filoni kaisei mae te jifla mei ka namono igne ne cheke faheta eghu ka mana, “Jame te falalase iagho ka ghehati nabrou te mala tei lamna ka namono igne na, ghehati ginauna kokhoni nigho iagho.”

Josua 10:30

Lord ne toghodi mare ne uluni magra igne. Aonu mare ne hata king na, eghuteuna mare ne aknu falehe ne gnafa naiknore ne theo kaisei te karha na. Mana ne eni nafnata puhi igne ka mae king gna Libna jateula teke eni mana ka mae king gna Jeriko ia neu.

Josua 2:14

Aonu phei mae igre ne cheke eghu ka naꞌa, “Snakreni Lord mala falehe ghami ghepa jame te theome leghuni ghepa nhaꞌa cheke igne. Eghuteuna jame te theome chekeni iagho ka ihei nga eigna glepo te eni ghepa igne na, ghepa ginauna na theome eni kaisei glepo te diꞌa ka ghotilo. Eghuteuna kate snakreni Lord kantri igne ka ghehati na, ghehati ginauna keli ranghi nigho iagho baludi iheire fateo ka tharaknamu iagho igne.”

Diutronomi 23:14

Ghotilo edi glepo igre naugna Lord nomi God ghotilo igne, mana au balumi ghotilo, eghuteuna mana ginauna reireghi ghami ghotilo, eghuteuna mana ginauna togho ghami ghotilo mala tangomana ghotilo te uludi nomi naokare. Eghume vido te au ghotilo igne mala kaisei vido blahi, eghuteuna Lord theome magnahagheni te filoni kaisei glepo te famamaja ikno ka ghotilo, ba glahu figri tagru ghami mana.”

Fapea Samuel 21:2

Maedi Gibeon igre theome naiknodi Israel. Mae igre kaisei vike ikoi kolho ka vikegna mae Amo. Tifa na naiknodi Israel igre neke nhaꞌa cheke te mala reireghidi mare na, mala theome thokedi kaisei puhi. Nu king Sol neke fariuriu falehedi mare, naugna mana magnahaghedi mae Israel nei Juda teu igre te hata kasa nodi glose mare igre.

Jajis 1:4

Lord toghodi phei vike igre ne uludi naiknodi Kenan nei naiknodi Peris. Uve, ka narane tuana mare ne aknu falehe nabotho thogha mae ka namono Besek.

Josua 21:44

Lord ne tusu ranghidi pharikeli heva heva ke lamnadi glose aheva teke nhaꞌa cheke mana ranghidi kuꞌedi mare tifa ra. Eghuteuna ka narane igre, theo kaisei naoka te tangomana te uludi mare na, naugna Lord neke toghodi neke uludihi mare nodi naoka mare igre.

Josua 10:42

Ka narane tuare, Lord, nodi God maedi Israel igne ne toghodi mare mala uludi nei hata eghu nodi namono mae naoka igre.

Josua 10:40

Mae Josua ne magra heta fara ne uludi namono biꞌo te gnafa te au ka vido igne. Mana tapla faparidi ne gnafa hatimare mae king te au ka thogele ke holo, ka nohi ke mata Negev, ka fanukhu ke mosu, nei ka vido rhegna ke maghati khoꞌu Jordan. Mana aknu falehedi ne gnafa mae king te gnafa nei naikno te gnafa teu te au ka vido te gnafa igre. Mae Josua ne theome magnahaghei te karha kaisei na, naugna God nodi Lord maedi Israel igre neke chekehi ka mare.

Josua 10:32

Eghuteuna ka fapea narane na, Lord toghodi mare ne uluni magra igne. Mae Josua ne theome magnahagheni kaisei naikno te karha na, mana aknu falehe ne gnafa mae nalhaꞌure jateula teke eni mana ka namono Libna ia neu.

Josua 10:28

Ka narane tuanala mae Josua ne hata namono biꞌo Makeda. Mana aknu falehe ne gnafa naikno gna namono igne. Mana ne eni nafnata puhi igne ka mae king gna namono Makeda jateula teke eni mana ka mae king gna Jeriko ia neu.

Josua 9:24

Mare ne cheke eghu ka mae Josua, “Mae biꞌo, ghehati ginauna eni tuana, naugna ghehati lasenihi eigna Lord nomi God ghotilo igne neke chekehi ka mae Moses, nogna mae gloku mana tifa ia, mana ginauna tusu ari namono igne ka ghotilo. Eghuteuna kate mei ghotilo ke lamnagna namono igne, ghotilo ginauna falehe ghami ghehati gnafa. Eghuteuna ghehati jaola laseni cheke igne thofno tutuani fara, naugna igne ghehati mhaghu ghami ghotilo fara. Eghume, ghehati mala eni igne gognarona, naugna ghehati theome magnahaghei te lehe na.

Josua 8:24

Ka magra igne, armi gna Israel igne ne ngolhidi mae Ai igre ne tei ka namono nagou na ne aknu falehedi jare. Eghuteuna mare neke pulo mei namono Ai neke falelehedi ne gnafa naiknore jare.

Diutronomi 3:3

“Eghume, Lord neke lisa mei King Og baludi nogna soldia ka khameda tahati, eghuteuna tahati neke kafe aknu falehedi neke hui neke ghilei theo kaisei te karha na.

Naba 33:52

ghotilo ginauna brue fajifla naikno te au jare re. Ghotilo ginauna goigoni nodi mumuju thina ba aean teu mare re, eghuteuna ghotilo jaola goigoni nodi vido blahi mare re.

Jenesis 14:20

Eghuteuna tahati pala hagheni nanghagna na eigna mana ne togho nigho ne uluni iagho u magra igne.” Aonu mae Ebram ne tufa glepo teke hata teke pulo ka magra na ne edi nabotho bukrei ne tufa ka mae Melkisedek kaisei bukrei.

Eksodas 22:20

“Naiknore mala fafara ka Iara ngala, theome ka ihei nga. Eghuteuna jame ihei te fafara ka mumuju na, ghotilo falelehe naikno tuana.

Naba 31:17

Eghume ghotilo ginauna falehedi bukrei mae nalhaꞌu nei goro gaꞌase teu te thuru fodu keha mae are.

Diutronomi 2:33

Eghuteuna Lord neke snakreni mana ka khameda tahati. Eghume tahati neke aknu faleheni mana baludi thugna nei nogna naikno te gnafa mana re.

Diutronomi 2:34

Eghuteuna tahati neke uludi nodi namono mare re eghuteuna goigoni fahui nodi namono te gnafa mare igre. Eghuteuna tahati neke aknu falehe mae nalhaꞌu, nei goro gaꞌase nei goro thudi teu mare re. Ka narane igne, theo kaisei glepo te karha na ka namono igre.

Diutronomi 7:16

Ghotilo mala aknu falehe naikno te gnafa te lisa ari Lord ka khamemi ghotilo are, thosei kokhonidi. Ghotilo mala thosei pogho soru ka nodi god mare re, naugna igne kaisei puhi te mala jateula kaisei phighoro teu mare te mala fakhale ghami ghotilo na.

Diutronomi 19:13

Ghotilo thosei kokhoni ni nafnata mae igne. Mae te diꞌa igne mala lehe, eghume ghotilo maemi Israel igre theome naba te mala papara ka unha te eni kate faleheni mae ihei te doglo na. Ka puhi igne ghotilo ginauna tangomana te au ka nakarha te keli.”

Diutronomi 25:12

Jame te eghu na, ghotilo kusu koko khamegna gaꞌase igne, eghuteuna ghotilo thosei kokhoni ni naꞌa.

Diutronomi 31:5

Mana ginauna lisa mei ka khamemu iagho mala uludi naiknodi Kenan. Eghume ghotilo mala edi gobigna lepore ka mare thofno jateula tela chekedi hi iara ka ghotilo igre eghu.

Diutronomi 33:27

Ghotilo tangomana te au fakeli ka God mae ihei te karha te tifa. Leuleghu fata na, mana theome gnafa te loku ka khamemi ghotilore te mala togho ghami ghotilo na. Ka narane te cheke ka ghotilo te mala goigonidi nomi naoka ghotilore, mana ginauna ngolhi fajifladi.

Josua 9:7

Nu maedi Israel igre ne cheke eghu ka mae Hivi igre, “Theome doglo ghehati te eni kaisei nhaꞌa cheke balumi ghotilo naugna glahu ghotilo au rhemi ghehati kolho.”

Esra 10:3

Eghume gognarona tahati na eni kaisei nhaꞌa cheke ka noda God mala kuru fapulodi gaꞌase bongihehe igre balu thudi mala ke pulo ka namonodi re. Uve, tahati ginauna edi unha te cheke ranghi ghami iagho nei mae iheire te ghatho tahudi nogna nhaꞌa cheke noda God igre. Eghuteuna tahati ginauna jaola leghudi unha te chekedi ka nogna Vetula God ra.

Nodi Khoje Hatimare Mae Jiu 106:34

God neke cheke ka nogna naiknore mala falehedi naikno te bongihehere. Nu naiknore neke theome leghudi kolho neke tolaghi ngala ka naikno te bongihehere, nei jaola leghudi nodi kastom mare re.

Naba 21:2

Aonu naiknodi Israel re ne eni kaisei nhaꞌa cheke ka Lord, ne cheke eghu, “Jame snakre mei iagho naikno igre ka khamemi ghehati meuna, ghehati ginauna goigonidi namono te gnafa mare re.”

Diutronomi 9:3

Nu gognarona ghotilo laseni, Lord nomi God ghotilo na neke nhaꞌa chekehi te mala kulu ulu ka ghotilo na. Kate kulu tei na mana ginauna jateula kaisei khaꞌaghi te gnhubra gobigna lepora eghu na thofno goigonidi fara naikno tuare. Eghume ghotilo tangomana te ngolhi fajifladi re, eghuteuna ghotilo ginauna ghosei aknu falehedi kolho.

Diutronomi 13:9

Iagho aknu faleheni mana. Iagho mae ulu lahu te mala fadi thina ni mana na, eghuteuna ke leghu, keha naiknore jaola fadi thina ni mana mala ghilei lehe mana.

Josua 11:8

Eghuteuna Lord ne toghodi mae Israel ne uluni mare magra igne. Aonu mare ne ngolhi leghudi mae naoka igre ne ghilei tei posa ka glogu Mispa ke mosudi phei namono biꞌo Saedon ghe Misrefot Maim. Nogna soldia mae Josua igre magra heta ne ghilei lehe fahui hatimare mae naokare.

Ululahu Kings 20:34

King Ben-Hadad ne cheke eghu ka mana, “Iara nake tusu fapulo ka iagho namono biꞌo teke hata mae mama ka mae kmamu iagho tifa ra. Iagho tangomana te eꞌei bisnis Damaskas jateula teke eni mae mama Samaria tifa ia eghu.” King Ehab ne cheke eghu, “Jame te cheke tutuani iagho ka igne na, iara ginauna snakre nigho iagho mala tei ka nasnagla.” Aonu phei mae king igre ne nhaꞌa cheke pharikeli, eghuteuna mae Ehab snakreni mae Ben-Hadad ne tei ka nasnagla.