Diutronomi 7:14 - Buka Blahi Ka Cheke Holo

¹⁴ Lord ginauna fablahi ghami ghotilo tulao ke klignadi keha naikno te gnafa ka nauthoglu igne. Eghume ghotilo te gnafa na, neubane nalhaꞌu ba gaꞌase ginauna au thugna. Eghuteuna glepo tautagu te gnafa igre ginauna jaola au thudi.

Diutronomi 7:14 ပူးပေါင်းရင်းမြစ်များ

Diutronomi 28:4

“Ghotilo ginauna au kmana thumi. Eghuteuna ghemi nagare ghotilo are ginauna vuragha gano. Eghuteuna nomi glepo tautagu ghotilo are ginauna jaola au kmana thudi.

Nodi Khoje Hatimare Mae Jiu 127:3

Goro sua te karha mei ka tahati igre, igne kaisei nogna namha biꞌo Lord ranghi ghita tahati.

Diutronomi 28:11

Kate au ghotilo ka glose aheva teke nhaꞌa chekeni Lord ka kuꞌemi ghotilo tifa ra, mana ginauna fablahi ghami ghotilo mala au kmana thumi, nei kmana nomi buluka, nei sipu, nei nanigot, nei dongki, nei kmana gano ka nagare.

Levitikas 26:9

“Eghuteuna iara ginauna fablahi ghami ghotilo, mala au kmana thumi ghotilo, jateula teke chekeni iara ka nhaꞌa cheke teke eni iara balumi ghotilo ia eghu.

Diutronomi 33:29

Gognarona ghotilo Israel glealeꞌa fara. Theo kaisei naikno te jateula ghotilo te fakarhi ghamihi Lord teu igre. Lord na jateula nomi greoreo eghu ghotilo mala theome tangomana nodi jata nomi naoka ghotilo are te fadi ghami ghotilo na. Eghuteuna mana jateula nomi famane naflahi eghu ghotilo mala uludi ghotilo naokare. Naoka igre ginauna mei mhaghu fififri balu tanhi ke ulumi ghotilo, nu ghotilo ginauna tapla ke klignadi nei goigonidi eghu mare.”

Nodi Khoje Hatimare Mae Jiu 115:15

Iara magnahagheni Lord mae ihei teke vuavuhani u maloa kligna nei nauthoglu pari igne teu te fablahi ghami ghotilo.

Nodi Khoje Hatimare Mae Jiu 107:38

Mana fablahidi koba naiknore, mala vuragha e thovu nei mala kmana nodi buluka eghu.

Naba 22:12

Aonu Lord neke cheke eghu ka mana, “Iagho thosei tei baludi mare. Eghuteuna iagho thosei ke tibridi mare mala thokedi hoholo, naugna iara neke fablahidi naikno igre.”

Diutronomi 30:9

Ghotilo mala leghuni Lord nomi God, eghuteuna leghudi nogna vetula nei nogna farirhiu teu mana te rioriso soru ka Buka na igre. Eghuteuna ghotilo mala ke figri mei ka Lord nomi God gaoghathomi fateote'o nei nomi glalase fateote'o. Jame te eghu ghotilo na, mana ginauna tusu ranghi ghami nakarha te keli, eghuteuna ghotilo ginauna na au kmana thumi, nei kmana nomi buluka, sipu, nanigot, dongki nei hose, eghuteuna ghemi nagare ghotilo re ginauna au kmana gano tadi. Eghuteuna Lord ginauna keli tagna fara ka ghotilo eghuteuna togho ghami ghotilo mala au ka nakarha te keli te salaꞌui, jateula mana te keli tagna ka ghotilo gognarogne eghu.”