Diutronomi 7:10 - Buka Blahi Ka Cheke Holo

¹⁰ Nu ka iheire te tirodini mana re, mana ginauna ghosei paradi nei goigonidi naikno igre.

Diutronomi 7:10 ပူးပေါင်းရင်းမြစ်များ

Profet Isaia 59:18

Lord ginauna tughu fapulo puhi te diꞌa fateo teke edi naiknore. Neuba nogna naoka mana igre ne au aheva ka kantri te khaba fara, ba ka moumolu ke lamna nhorora, Lord ginauna jaola paradi.

Letas Teke Riso Tei Mae Pol Ka Khiloau Rom 12:19

Kheraguro, thosei foli fapulo unha najafra teke eni naiknore tami na, lisa lao ka God mala foli fapulodi jateula Lord te cheke ka grioriso te blahi ia eghu, “Iara ginauna foli fapulo ka mae iheire te tapla jafra eghuteuna iara ginauna paradi.”

Profet Nahum 1:2

Lord ngala God na, theo ihei nga, eghuteuna mana theome magnahagheni ihei ka nogna naiknore te tufru soru ka mumuju god. Mana diꞌatagna fara ka iheire te theome leghudi nogna cheke mana re. Naugna igne, mana ginauna paradi nafnata naikno igre.

Proveb 11:31

Tahati laseni, naikno te keli na hata nogna taba te keli nabagna puhigna mana na. Naikno te diꞌa na ginauna na jaola hata nogna taba nabagna puhi te diꞌa na.

Diutronomi 32:35

Iara kolho te tangomana te tughu fapulo puhi biꞌo tuana ka nomi naoka ghotilo are. Iara ginauna nake foli fapulo ka mare. Na theome raugha mare ginauna uka pari. Nodi narane mare te mala au diꞌanagnafa na ginau posa mei. Eghuteuna puhi biꞌo igne na ghosei mei toku tafrudi mare.’

Diutronomi 32:25

Ka nabrou are naoka ginauna mei akni falehedi thumi nalhaꞌu majaghani nei gaꞌase majaghani teu ghotilo are. Eghuteuna ka suga re naiknore ginauna kafe mhaghu nodi fara. Mae majaghani, nei gaꞌase majaghani, goro sua nei naikno biꞌo teu are ginauna kafe lehe.

Diutronomi 7:9

Te mala laseni ghotilo na Lord nomi God ghotilo na, mana ngala God mae ihei te ghatho tahu ghami ghotilo na. Eghuteuna mana tajini nogna nhaꞌa cheke na, eghuteuna mana namha ghami ghotilo iheire te namhani nei leghudi teu nogna vetula mana re. Kate namhani nei leghuni teu ghotilo mana na, mana tangomana te tajini u nhaꞌa cheke na balumi ghotilo nei thumi ghotilo re eghu fabrahu ghilei posani kmana thogha finogha.

Eksodas 20:5

Thosei tuturupuku soru tarai ka mumuju god nei keha tothoghaledi keha god delei. Naugna kaisei Iara ngala nou Lord nei God teu ghotilo te mala loku ranghini na. Iara ginau na theome keli tagu ka naikno te tuturupuku soru te tarai ka mumuju ba tothoghale igre. Jame te theome magnahaghei ghau iara ghotilo na, iara ginau na para ghami ghotilo eigna u nakhibo te eni ghotilo tuana. Theome ka ghotilo kolho eghu, nu iara ginau na jaola na paradi goro thumi, grami nei fapea grami teu ghotilo are.

Diutronomi 32:41

iara ginauna hata nogu naflahi mala magra te siasigla fara na. Iara ginauna jaha ghilei fnonu fara. Aonu iara ginauna tughu fapulo ka nogu naokare, eghuteuna iara ginauna paradi iheire te tirodi ghau iara re.

Eksodas 34:7

Iara thofno namhadi koba nogu naiknore, nei iheire nate karha mei ke leghudi mare ghilei thokeni kmana thogha finogha. Iara tangomana te atha koko nakhibodi re jame te edi mare glepo te diꞌare, ba figri tagru ghau iara, ba edi thua nafnata nakhibo. Nu iheire te gnafa te leghudi fabrahu puhi te diꞌa re, iara ginauna paradi mare, baludi thudi te gnafa nei gradi te ikodi te gnafa teu mare re, ghilei thokeni fapea gradi nei fatilo gradi nate karha mei ke leghudi mare.”

Naba 10:35

Leuleghu fata kate pala te tei mare bokis blahi igne, mae Moses ne tarai eghu, “Lord, snakredi nou mae naoka re mala sopa au mare thedi. Iara tore nigho mala edi iagho keha glepo mala rikha tafri naikno te theome magnahaghei nigho are!”

Naba 14:18

Tifa na, iagho neke nhaꞌa cheke eghu, ‘Iara ngala Lord na, eghuteuna iara theome tangomana te ghosei diꞌatagu na. Leuleghu fata na iara ghatho tahudi koba nogu naiknore. Iara ginauna atha fadelei nakhibodi nei puhi te diꞌa teu ka nogu naiknore. Nu iheire naikno te edi glepo te diꞌare, iara ginauna paradi mare baludi thudi, gradi, fapea gradi, nei fatilo gradi teu te ginau karha mei ke leghudi mare re.’

Diutronomi 5:9

Ghotilo thosei pogho soru ka kaisei mumuju ba tarai tagna, naugna iara Lord, nomi God ghotilo, iara theome magnahaghei ghami ghotilo te ghatho tahuni kaisei god delei. Puhigu iara na jateula: iheire te tirodi ghau iara, nei tei koko ghau iara teu igre, iara ginauna paradi mare baludi thudi, nei gradi teure ghilei thokedi fapea gradi mare ginaure.

Diutronomi 7:11

Eghume, ghotilo mala thofno leghudi nogna cheke, nogna vetula nei nogna farirhiu teu mana te chekedi iara ka ghotilo gognaro igre.”

Profet Jeremaea 32:18

Leuleghu fata na, iagho namhadi nei kokhonidi eghu kmana thogha naikno. Nu jame te tapla jafra kaisei phagusu ka nakhibo na, iagho ginauna paradi naikno te leghudi puhi te diꞌa tuare baludi goro thudi nate karha mei ke leghudi re. God, iagho thofno keli fara, nei nolaghi fara eghu, eghuteuna nanghamu iagho na Lord, mae ihei te au nolaghi fateote'o.