Diutronomi 6:7 - Buka Blahi Ka Cheke Holo

⁷ Farirhiudi koba thumi re. Cheke eidi glepo igre kate au teu ka suga, ba kate nolo ka nabrou, ba kate thuru sukha, ba kate kegra haghe.

Diutronomi 6:7 ပူးပေါင်းရင်းမြစ်များ

Diutronomi 11:19

Farirhiudi thumire. Toutonu eidi glepo igre kate au teu ka suga, ba kate nolo ka nabrou, ba kate thuru, ba kate kegra haghe.

Efesus 6:4

Iara magnahaghei cheke ka ghotilo mae iheire te kmadi suara, thosei eni kaisei puhi ba cheke te mala diꞌa tadi fara thumire. Nu ghotilo taji fakelidi nei farirhiudi eghu ka puhida tahati naikno khiloau.

Ululahu Pita 3:15

Nu te keli na ghotilo lisa lao ghami themi fabrahu ka mae Kraes nomi Lord. Eghuteuna leuleghu fata na ghotilo tarabana mala cheke tughudi naikno te ghusna ghami eigna unha te fatutuani ni ghotilo mae Kraes na.

Diutronomi 6:2

Ghotilo, baludi thumi nei grami teure mala ghatho tahuni fabrahu Lord nomi God ka puhi te leghudi ghotilo cheke nei vetula eghu te chekedi iara ka ghotilo gognaro igre. Jame te eni ghotilo igne na, ghotilo ginauna au ka nakarha te brahu.

Efesus 4:29

Kate cheke na, ghotilo thosei chekeni kaisei cheke te diꞌa. Nu te keli na, chekeni ngala unha te nabagna te mala nomhini naiknore, eghuteuna nomi cheke ghotilo re ginauna tangomana te toghodi naikno te fanomhore.

Jenesis 18:19

Iara neke vahini mae Ebraham gne mala thofno mae kheragu thegu neku. Eghume iara ginauna na cheke thakleni ka mae Ebraham nate roꞌeni iara namono biꞌo Sodom gne mala cheke mana ka goro thugna nei vikegna teu igre mala leghuni puhigna Lord na. Iara na eni igne mala au fakeli, nei doglo eghu naiknore. Eghuteuna kate filoni iara vikegna mae Ebraham te thofno leghuni puhigu iara na, iara ginauna na tusu ranghini mae Ebraham unha teke nhaꞌa chekeni iara ka mana na.”

Proveb 6:22

Kate tei iagho na, cheke igne ginauna falalase nabrou ka iagho. Kate thuru na, cheke igne ginauna reireghi fakeli nigho. Kate dofra haghe na, cheke igne ginauna tusu ranghi nigho gaoghatho te keli.

Luku 6:45

Jateula igne eghu, naikno te keli na, mana fodu ka gaoghatho te keli ka nagnafagna na. Mana edi koba glepo te kelire. Nu naikno te diꞌa na fodu ka gaoghatho te diꞌa ka nagnafa gna na, mana edi koba glepo te diꞌare. Naugna glepo te diꞌare te fodu ka nagnafagna mana tuare ngala te jifla mei ka chekegna mana re.”

Matiu 12:35

Eghume naikno te keli na au gaoghatho te keli ka nagnafagna na, eghuteuna mana tangomana te chekedi glepo te kelire. Naikno te diꞌa na au gaoghatho te diꞌa ka nagnafagna na, eghuteuna mana tangomana te chekedi glepo te diꞌare.

Kolose 4:6

Leuleghu fata na nomi chekere mala keli nei doglo eghu fabrahu te mala toghodi keha naiknore. Eghuteuna God ginauna togho ghami ghotilo te mala tangomana te cheke tughu ka puhi te doglo ka naikno te gnafare.

Proveb 15:7

Ihei te autagna gaoghatho te keli na, mana tangomana te tufa gaoghatho te keli ka naiknore. Nu ihei te theome au tagna gaoghatho te keli na, mana na theome jateula tuana eghu.

Proveb 10:21

Nogna cheke naikno te doglo na toghodi kmana naikno. Nu naikno te theome autagna gaoghatho te keli na, ginauna lehe, naugna nagnafagna na thono diꞌa fara.

Profet Malakai 3:16

“Ke leghu na, naikno te ghatho tahuni Lord igre ginau cheke fari thedi, eghuteuna Lord ginauna fanomho ka unha te chekedi nogna naikno te ghatho tahuni Lord igre, nei mhaghu teu igre ginauna rioriso soru ka buka mala ghathodiu.

Proveb 15:2

Nogna cheke mae ihei te autagna gaoghatho keli na, tufa glalase ka naiknore. Nu nogna cheke mae te fameomekro na, theo nafugna kolho.

Nodi Khoje Hatimare Mae Jiu 129:8

Lord, iara theome magnahagheni kaisei naikno te tei te cheke eghu ka mae naokare, “Ghehati tarai ka Lord mala fablahi ghami ghotilo. Ghehati cheke fakeli ghami ka nanghagna mana teu na.”

Nodi Khoje Hatimare Mae Jiu 119:46

Iara ginauna na theome mamaja te toutonu ranghidi hatimare mae king nou farirhiu iagho igre.

Thoutonu Eigna Rut 4:11

Aonu hatimare mae funei nei keha mae biꞌo langau eghu au teku jare na ne kafe cheke eghu, “Uve, keli fara, ghehati gne mala cheke balumu iagho. God fablahini Rut ihei nate mei au ka sugamu iagho na mala jateula teke edi Resel ghe Lea tifara eghu, eigna repa neke au kmana thudi ka Jekop, tahati gne neke vikegna mana. Iagho mala kaisei mae funei te fnakno ka namonoda Betlehem ka nohi Efrata.

Nodi Khoje Hatimare Mae Jiu 37:30

Mae te doglo igne au tagna u gaoghatho te keli, eghuteuna unha te chekedi mana ka naiknore famane keli koba. Mana tangomana te cheke ka puhi te doglo.

Thoutonu Eigna Rut 2:12

God gna Israel ginauna taba nigho eidi unha gloku te keli teke edi iagho ra. Eghuteuna mana ginauna reireghi fakeli nigho, naugna iagho ne mei ka mana jateula kaisei sua nanghaji te deni nogna vido mala poru na ia neu.”

Thoutonu Eigna Rut 2:4

Ke leghugna igne, mae Boas jifla ka namono na ne mei ka nagare na ne cheke eghu, “Hamerane keli,” neu ka nogna mae gloku te kato bali teure ne cheke eghu, “Lord te au balumi.” Aonu mare ne cheke eghu, “Lord te fablahi nigho.”

Nodi Khoje Hatimare Mae Jiu 71:17

God, funu ka narane teke mae majaghanigu iara na, iagho neke farirhiu ghau iara, eghuteuna iara na chekedi fabrahu glepo biꞌo teke edi iagho ra.

Profet Isaia 38:19

Ghehati te karha nga teugre, ghehati kolho te tangomana te cheke fakeli nigho na, jateula te eni iara gognarogne eghu. Kmami ghehati gre toutonu koba ka thudire eigna puhi te tajini fabrahu iagho nou nhaꞌa cheke na.

Thoutonu Eigna Mae Job 8:10

Te keli na iagho fanomho ka nodi famane farirhiu kuꞌeda tifa ra. Kuꞌeda re tangomana te chekedi ka iagho glepo te keli re.

Nodi Khoje Hatimare Mae Jiu 119:13

Iara ginauna toutonu eidi nou vetula iagho teke chekedi iagho ka ghehati ra.